ەسكەردە وتان الدىنداعى بورىشىن ٶتەۋ كەزٸندە اۋىر جاراقات الىپ, ۇزاق ۋاقىت ەم قابىلداعاننان كەيٸن ٶمٸردەن ٶتكەن 24 جاستاعى ەربايان مۇحتاردىڭ رەابيليتولوگ-دەرٸگەرٸ ەلەۋمەتتٸك جەلٸدە تەبٸرەنٸسكە تولى جازبا جارييالادى, دەپ حابارلايدى ult.kz kznews.kz اقپارات پورتالىنا سٸلتەمە جاساپ.
ەرباياننىڭ وڭالۋ پروتسەسٸنە قاتىسقان رەابيليتولوگ ۇلپان سوۆەتبەكقىزى مارقۇمنىڭ ٶمٸرگە دەگەن قۇشتارلىعى مەن قايسار مٸنەزٸن ەرەكشە اتاپ ٶتتٸ. ونىڭ ايتۋىنشا, جاس سارباز سوڭعى سەتٸنە دەيٸن ساۋىعىپ كەتۋگە ٷمٸتٸن ٷزبەگەن.
«ەرباياننىڭ جانارىندا ٷمٸت بار ەدٸ. ساۋىعىپ كەتۋگە, بولاشاققا, ٶمٸرگە دەگەن ٷمٸت. بولعان جاعدايدىڭ قايعىسى مەن ەدٸلەتسٸزدٸگٸن سٶزبەن جەتكٸزۋ ٶتە قيىن. مەن ونىڭ عانا ەمەس, جاقىندارىنىڭ دا جان ازابىن كٶردٸم. ەربٸر كٸشكەنتاي جەتٸستٸك بٸزگە قۋانىش سىيلايتىن. بٸز جوسپار قۇردىق, سەندٸك, ٷمٸتتەندٸك. بٸراق تاعدىر باسقاشا شەشتٸ...» – دەپ جازدى دەرٸگەر.
ماماننىڭ سٶزٸنشە, ەربايان ەمدەۋ كەزەڭٸندە ەرەكشە تٶزٸمدٸلٸك تانىتىپ, اينالاسىنداعىلارعا رۋحىنىڭ مىقتىلىعىن دەلەلدەي بٸلگەن.
«ەربايان, سەن ٶتە قايسار, باتىل, مەيٸرٸمدٸ ەرٸ جارىق جان ەدٸڭ. سوڭىنا دەيٸن كٷرەستٸڭ جەنە ناعىز رۋح كٷشٸنٸڭ قانداي بولاتىنىن كٶرسەتتٸڭ. مەن ٷشٸن سەن جاي عانا پاتسيەنت ەمەس ەدٸڭ. كٷن سايىنعى ەڭبەگٸمٸز سەنٸڭ بٸر كٷنٸ قايتادان اياققا تۇرىپ كەتەتٸنٸڭە دەگەن ورتاق ٷمٸتپەن ٶتەتٸن. ٶكٸنٸشكە قاراي, بۇل ارمان ورىندالمادى», – دەدٸ ول.
جازبا سوڭىندا دەرٸگەر ەرباياننىڭ قازاسىن قابىلداۋ ٶزٸنە دە اۋىر تيگەنٸن ايتىپ, ونىڭ ەندٸ اۋىرسىنۋ مەن ازاپتان ادا تىنىشتىق تاپقانىنا سەنگٸسٸ كەلەتٸنٸن جەتكٸزدٸ.
«بٷگٸن جٷرەگٸمدە ٷلكەن بوس كەڭٸستٸك قالدى. سەنٸڭ ەندٸ ارامىزدا جوق ەكەنٸڭدٸ قابىلداۋ ٶتە اۋىر. بٸراق قازٸر سەن اۋىرسىنۋ مەن ازاپتان ادا جەردە تىنىشتىق تاپتىڭ دەپ سەنگٸم كەلەدٸ... قۇشاقتادىم سەنٸ», – دەپ تٷيٸندەدٸ رەابيليتولوگ.
