قر مەدەنيەت جەنە سپورت مينيسترٸ ارىستانبەك مۇحامەديۇلى سٷيٸكتٸ ەنشٸلەرٸ مەن ەلەۋمەتتٸك جەلٸدە كٸمدٸ تۇراقتى وقيتىنىن مەلٸمدەدٸ, دەپ حابارلايدى Sputnik قازاقستان تٸلشٸسٸ.
مينيستر "Ninety One" توبىنىڭ ٶنەرٸنە قارسى بولماسا دا, ەندەرٸن تىڭدامايتىنىن ايتتى.
"مەن كٶبٸنەسە كلاسسيكالىق جانردى تىڭدايمىن. بٸراق "Ninety One" توبى حالىقتىڭ, جاستاردىڭ كٶڭٸلٸنەن شىعىپ, جوعارى دەرەجەگە جەتٸپ جاتسا, ەرينە بۇل ٶتە قۋانىشتى جاعداي. نەگٸزٸنەن بٸزدە ٶنەردٸڭ بارلىق سالاسى بولۋى كەرەك. سوندىقتان "Ninety One" توبىنىڭ حالىق الدىندا ٶنەر كٶرسەتٸپ جٷرگەندەرٸنە قۋانىشتىمىن", — دەدٸ مينيستر "جاس وتان" جاستار قاناتىنىڭ IV سەزٸندە.
مۇحامەديۇلى "Ninety One" سوليستەرٸنٸڭ سىرعا تاعىپ, شاشىن تٷرلٸ تٷسكە بويايتىنىن قۇپتامايدى ەكەن.
"شىنىن ايتقاندا, مەن دەستٷرلٸ كٶزقاراستاعى ازاماتپىن. ونى (سىرعا تاعۋ – اۆتور ەسكەرتپ.) ونشا قۇپتامايمىن. مەنٸڭ ەكٸ ۇلىم بار, ەكەۋٸ دە سپورتپەن اينالىسادى, كٸتاپ وقيدى, بٸلٸمگە قۇشتار. بٸراق ەركٸمنٸڭ قالاۋى, ەركٸ ٶزٸندە. ونى شەكتەۋگە ەشكٸمنٸڭ قۇقىعى جوق. بٸراق ۇلدارىمنىڭ سىرعا تاعۋىنا قارسى بولامىن", — دەدٸ مينيستر.
وسى ورايدا مۇحامەديۇلى ٶزٸنٸڭ سٷيٸكتٸ ەنشٸلەرٸن اتادى.
"سٷيٸپ تىڭدايتىن ەنشٸلەر كٶپ. مەسەلەن, ەسكەندٸر حاسانعاليەۆ, "مۋزارت" توبى, دەستٷرلٸ ەنشٸ بەكبولات تٸلەۋحان, جەڭٸس سەيدوللاۇلى. ديماش قۇدايبەرگەنمەن جۇمىس ٸستەدٸك, ونىڭ ەندەرٸن دە تىڭدايمىن. بۇرىن قازاق ەنشٸلەرٸ ٷلكەن ستاديونعا شىعا المايتىن. قازٸر قۇدايعا شٷكٸر, مٷمكٸندٸك زور. بٸزدٸڭ قازاق ەستراداسى قازٸر ٶتە جوعارى دەڭگەيدە. ەنشٸلەرٸمٸز شەتەل اسىپ جاتىر. ديماشتان باسقا, قايرات نۇرتاس شەتەلدە ٶنەر كٶرسەتتٸ, جاقىندا مادينا سەدۋاقاسوۆا قىتايعا بارىپ كەلدٸ. مۇنىڭ بەرٸ جەتٸستٸك", — دەدٸ ول.
سونىمەن قاتار, مەدەنيەت مينيسترٸ ەلەۋمەتتٸك جەلٸدە كٸمدەردٸ تۇراقتى وقىپ وتىراتىنىن ايتتى.
"ٶكٸنٸشكە قاراي, ەلەۋمەتتٸك جەلٸلەردە كٶپ وتىراتىن ۋاقىتىم جوق. فەيسبۋكتە تٸركەلگەنمٸن, مۇحتار تايجان, سەرٸك ابباس-شاحتى تۇراقتى تٷردە وقىپ تۇرامىن. كٷنٸنە 10-15 مينۋت قانا بٶلەمٸن جەلٸگە", — دەگەن مۇحامەديۇلى اتىشۋلى بلوگەر ايجان بايزاقوۆانى وقىمايتىنىن اتاپ ٶتتٸ.
