اعىمداعى جىلى تامىزدىڭ 29-ى كٷنٸ سەمەي پوليگونىنىڭ جابىلعانىنا 25 جىل تولادى. وسىعان وراي, بٸرٸككەن ۇلتتار ۇيىمىنىڭ باس حاتشىسى پان گي مۋن ارنايى ٷندەۋدٸ جاسادى. اتالعان ٷندەۋدٸڭ مەتٸنٸ بۇۇ-نىڭ رەسمي سايتىندا جارييالانىپ وتىر, دەپ حابارلايدى Baq.kz تٸلشٸسٸ قر سىرتقى ٸستەر مينيسترلٸگٸنٸڭ رەسمي سايتىنا سٸلتەمە جاساپ.
2016 جىلى تامىزدىڭ 29-ىندا كەزەكتٸ رەت يادرولىق سىناقتارعا قارسى ٸس-قيمىلدىڭ حالىقارالىق كٷنٸ اتالىپ ٶتپەك. وسى داتا قازاقستاننىڭ باستاماسىمەن 2009 جىلى بۇۇ باس اسسامبلەياسىنىڭ رەزويۋتسيياسىمەن قابىلدانعان بولاتىن. بۇل كٷن ۇيىمعا مٷشە ەلدەر, اكادەمييالىق مەكەمەلەر, جاستار ۇيىمدارى مەن بۇقارالىق اقپارات قۇرالدارىن بەلسەندٸلٸك تانىتىپ, قاۋٸپسٸز ەلەمدٸ قالىپتاستىرۋ جولىندا يادرولىق سىناقتارعا تىيىم سالۋدىڭ قاجەتتٸلٸگٸ جايىندا ايتىپ, جان-جاقتى اقپارات تاراتۋعا ٷندەيدٸ.
«تامىزدىڭ 29-ى كٷنٸ بارشا ەلەم قاۋىمداستىعى قازاقستانداعى سەمەي پوليگونىنىڭ جابىلعانىنا شيرەك عاسىردىڭ تولۋىن اتاپ ٶتپەك. ول جەردە 450 يادرولىق سىناق جاسالدى. 2010 جىلى مەن سەمەي جەرٸندە بولدىم. سول كەزدە ۋلانعان جەرلەردٸ كٶردٸم. پوليگوننىڭ قۇرباندارىن دا كٶرٸپ, ولاردىڭ ٶمٸرگە دەگەن قۇشتارلىعىنا, باتىلدىعىنا تەنتٸ بولدىم. مەن سول ادامداردىڭ يادرولىق قارۋدان ادا ەلەمدٸ قالىپتاستىرۋ ۇستانىمىنا تولىق قوسىلامىن. بارلىق يادرولىق سىناقتارعا تىيىم سالۋ ارقىلى بٸز ادام جيٸركەنەتٸن مۇرادان قۇتىلا الامىز», - دەيدٸ بۇۇ باس حاتشىسى.
ونىڭ ايتۋىنشا, يادرولىق قارۋدان باس تارتۋ باستاماسى قارۋسىزداندىرۋ سالاسىنداعى باسقا دا شارالارعا ٶز سەپتٸگٸن تيگٸزە الادى. وسى ورايدا پان گي مۋن بارلىق مەملەكەتتەردٸ وسىدان 20 جىل بۇرىن بۇۇ باس اسسامبلەياسى قابىلداعان يادرولىق سىناقتارعا جاپپاي تىيىم سالۋ تۋرالى كەلٸسٸمگە قوسىلۋعا ٷندەدٸ. اتالعان قۇجات ەلٸ كٷنگە دەيٸن كٷشٸنە ەنگەن جوق.
