قر مەدەنيەت جەنە سپورت مينيسترٸ اقتوتى رايىمقۇلوۆا قر مەملەكەتتٸك تۋىن پايدالانۋ تۋرالى زاڭناماعا قانداي ٶزگەرٸستەر ەنگەنٸن تٷسٸندٸردٸ, دەپ حابارلايدى "ۇلت اقپارات".
«ٶزدەرٸڭٸز بٸلەسٸزدەر, 2020 جىلعى 27 قازاندا مەملەكەت باسشىسى ق.ك. توقاەۆتىڭ مەملەكەتتٸك تۋدى پايدالانۋعا قاتىستى مەملەكەتتٸك رەمٸزدەردٸ پايدالانۋ قاعيدالارىن قايتا قاراۋ تاپسىرماسى بەرٸلدٸ. اتالعان تاپسىرمانى ورىنداۋ اياسىندا قر ٷكٸمەتٸنٸڭ 2020 جىلعى 27 قاراشاداعى №801 قاۋلىسىمەن قر مەملەكەتتٸك تۋىن, ەلتاڭباسىن جەنە ولاردىڭ بەينەلەرٸن, قر مەملەكەتتٸك گيمنٸنٸڭ مەتٸنٸن پايدالانۋ قاعيدالارىنا ٶزگەرٸستەر ەنگٸزٸلدٸ. ەندٸگٸ كەزەكتە بۇل ٶزگەرٸستەر ارقىلى ازاماتتارىمىز ٷشٸن مەملەكەتتٸك تۋدى پايدالانۋ اياسى زاڭنامالىق تۇرعىدا كەڭەيتٸلٸپ وتىر», - دەپ اتاپ ٶتتٸ مينيستر ورتالىق كوممۋنيكاتسييالار قىزمەتٸندە ٶتكەن بريفينگتە.
ەڭ الدىمەن قر مەملەكەتتٸك تۋىن جەكە جەنە زاڭدى تۇلعالار عيماراتتاردا, ونىڭ ٸشٸندە بالكونداردا جەنە سالتاناتتى ٸس-شارالار ٶتكٸزٸلەتٸن ورىنداردا پاتريوتتىق سەزٸمدەرٸن, قازاقستاندىق بٸرەگەيلٸگٸن بٸلدٸرۋ ٷشٸن, ەل ازاماتتارىنىڭ جەتٸستٸكتەرٸن قولداۋ ماقساتىندا پايدالانا الادى.
«سونىمەن قاتار جەكە تۇلعالارعا وسى قاعيدالارعا ەنگٸزٸلگەن ٶزگەرٸستەرگە سەيكەس, قر مەملەكەتتٸك تۋىن بٸر قاباتتى نەمەسە كٶپ قاباتتى عيماراتتاردا ەكستەرەرلٸ نۇسقادا ورنالاستىرۋ كەزٸندە عيماراتتىڭ سەۋلەت ەرەكشەلٸكتەرٸنە قاراماستان پايدالانۋ مٷمكٸندٸگٸ بەرٸلدٸ. بۇدان بىلاي جەكە تۇلعالار عيماراتتاردا ورنالاستىرىلاتىن مەملەكەتتٸك تۋدى قاراڭعى ۋاقىتتا جارىق قۇرالدارىن قولدانباي-اق پايدالانا الادى.
جالپى العاندا, جوعارىدا كٶرسەتٸلگەن ٶزگەرتۋلەر مەملەكەتتٸك تۋدىڭ قولدانىلۋ اياسىن ەدەۋٸر كەڭەيتەدٸ, ونىڭ قوعامداعى پاتريوتيزم رۋحىن نىعايتۋعا باعىتتالعان سيمۆولدىق كاپيتالىن جاڭاشا ۇعىنۋعا مٷمكٸندٸك بەرەدٸ», - دەدٸ اقتوتى رايىمقۇلوۆا.
سونىمەن بٸرگە نۇر-سۇلتان, الماتى, شىمكەنت قالالارىنىڭ جەنە وبلىس ەكٸمدٸكتەرٸ جىل سايىن قازاقستاندىقتار اراسىندا مەملەكەتتٸك رەمٸزدەردٸ دەرٸپتەۋ جەنە پاتريوتيزمگە تەربيەلەۋ ماقساتىندا «مەنٸڭ تۋىم, مەنٸڭ وتانىم!» اكتسيياسىن ٶتكٸزەدٸ.
