مەملەكەتتٸك ساتىپ الۋدا نەگٸزسٸز قىمبات باعالارعا تەكسەرۋ جٷرگٸزٸلٸپ, 5 ملرد تەڭگە ٷنەمدەلدٸ. بۇل تۋرالى قر سىبايلاس جەمقورلىققا قارسى ٸس-قيمىل اگەنتتٸگٸ تٶراعاسىنىڭ ورىنباسارى ۇلان سارقۇلوۆ ايتتى, دەپ حابارلايدى قازاقپارات.
«سىبايلاس جەمقورلىقتىڭ تاعى بٸر ماڭىزدى فاكتورى – مەملەكەتتٸك ساتىپ الۋدى جوسپارلاۋ كەزٸندە باعانىڭ نەگٸزسٸز قىمبات بولۋى. بۇل اقشا الدىن الا پارا ٷشٸن دە, جاقسى پايدا تابۋ ٷشٸن دە ەسەپتەلٸپ جازىلادى. اگەنتتٸك «اتامەكەن» ۇلتتىق پالاتاسىمەن بٸرلەسٸپ جٷيەلٸ نەگٸزدە قىمبات باعالارعا مونيتورينگ جٷرگٸزٸپ جاتىر. جىل باسىنان بەرٸ بٸزدٸڭ ۇسىنىستارىمىزبەن مەملەكەتتٸك ورگاندار ٶز ساتىپ الۋلارىن قايتا قاراپ, بيۋدجەتتەن 5 ملرد تەڭگەگە جۋىق قارجى ٷنەمدەدٸ», - دەدٸ ۇ. سارقۇلوۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
سپيكەردٸڭ ايتۋىنشا, 2 جىل ٸشٸندە شامامەن 74 ملرد تەڭگە ٷنەمدەلگەن.
«وسىنداي باعانى كٶتەرۋ كەزٸندە لاۋازىمدى تۇلعالارعا ەش جاۋاپكەرشٸلٸك ارتىلمايتىنى انىقتالدى. بٸز قارجى مينيسترلٸگٸنە ۇقىپسىز شەنەۋنٸكتەردٸ ەكٸمشٸلٸك تەرتٸپتە جازالاۋدى ۇسىنىپ, ۇسىنىستار ەنگٸزدٸك», - دەدٸ ۇلان سارقۇلوۆ.
سونىمەن بٸرگە, سىبايلاس جەمقورلىقتىڭ تاعى بٸر سەبەبٸ – كەيبٸر ساتىپ الۋ رەسٸمدەرٸنٸڭ جابىق بولۋى.
«تاپسىرىس بەرۋشٸ «اقپاراتتى شەكتەپ تاراتۋ» بەلگٸسٸمەن ساتىپ الۋدى جابادى جەنە ٸس جٷزٸندە ونى سىبايلاس جەمقورلىق اۋماعىنا ەنگٸزەدٸ. مۇنداي ساتىپ الۋ تەك قاعاز جٷزٸندە عانا ٸسكە اسادى جەنە قوعامدىق باقىلاۋدان تىس قالادى. نەتيجەسٸندە بۇل ساتىپ الۋعا ٷلەستەس كومپانييالار قاتىسادى, باعالار نەگٸزسٸز كٶتەرٸلەدٸ جەنە قاجەتسٸز جۇمىستار مەن قىزمەتتەر ساتىپ الىنادى. مىسالى, كەيبٸر ايماقتاردا قايىرىمدىلىققا باعىتتالۋى كەرەك ەلەۋمەتتٸك ماڭىزدى شارالار تٷرٸندە كونتسەرتتەر, كەرەمەت شوۋلار جەنە جەكە اۆتورلىق كەشتەر ساتىپ الىنعان. بٸر عانا ٶڭٸردە بۇل ماقساتتارعا 1,7 ملرد تەڭگە جۇمسالعان. قازٸر مەملەكەتتٸك ساتىپ الۋ جٷيەسٸن وسى باعىتتا قايتا فورماتتاۋ قاجەت بولىپ وتىر», - دەپ تٷسٸندٸردٸ اگەنتتٸك ٶكٸلٸ.
