2026 جىلى 22 مىڭنان استام الماتى تۇرعىنى مەملەكەتتٸك قىزمەتتەردٸ جەكە مەنەدجەر ارقىلى الۋدى تاڭداعان. «جەكە مەنەدجەر» قىزمەتٸ حالىققا قىزمەت كٶرسەتۋ ورتالىقتارىندا, كٶشپەلٸ قىزمەت كٶرسەتۋ فورماتىندا دا قولجەتٸمدٸ, دەپ حابارلايدى ult.kz.
«ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ الماتى قالالىق فيليالىنىڭ مەلٸمەتٸنشە, «جەكە مەنەدجەر» قىزمەتٸ بارلىق حقكو-لاردا, ونىڭ ٸشٸندە مامانداندىرىلعان ورتالىقتاردا كٶرسەتٸلەدٸ جەنە باسىمدىقپەن قىزمەت الۋعا مٷمكٸندٸك بەرەدٸ. قىزمەتتٸ پايدالانۋ ٷشٸن تٸركەۋ ورنىنا جٷگٸنٸپ, كەلٸسٸمشارت جاساۋ قاجەت. وسىدان كەيٸن مامان قۇجاتتاردى رەسٸمدەۋدٸڭ بارلىق كەزەڭٸندە قىزمەت الۋشىعا جەكە كٶمەك كٶرسەتەدٸ.
قىزمەت قۇنى حالىققا قىزمەت كٶرسەتۋ ورتالىقتارىندا – 5 697 تەڭگە, ال مامانداندىرىلعان حقكو-لاردا – 6 306 تەڭگە.
حقكو-عا تٷرلٸ سەبەپتەرمەن كەلە المايتىن ازاماتتار ٷشٸن جەكە مەنەدجەردٸڭ كٶشپەلٸ قىزمەت كٶرسەتۋ فورماتى قاراستىرىلعان. مامان الدىن الا بەرٸلگەن ٶتٸنٸم نەگٸزٸندە كەلٸسٸلگەن ۋاقىت پەن مەكەنجايعا بارادى. كٶشپەلٸ قىزمەت كٶرسەتۋ قۇنى – 7 447 تەڭگە. بۇل سوماعا ۇيىمداستىرۋ جەنە لوگيستيكالىق شىعىندار كٸرەدٸ.
ايتا كەتەيٸك, كٶشپەلٸ فورمات حقكو-نىڭ مەملەكەتتٸك قىزمەتتەرٸ بويىنشا ۇسىنىلادى. الايدا پاسپورتتى, جەكە كۋەلٸكتٸ, جٷرگٸزۋشٸ كۋەلٸگٸن رەسٸمدەۋ جەنە كٶلٸك قۇرالدارىن قايتا تٸركەۋ قىزمەتتەرٸ بۇل فورماتتا كٶرسەتٸلمەيدٸ.
اتالعان قىزمەت ەسٸرەسە كٸشكەنتاي بالاسى بار اتا-انالار, جۇمىس كەستەسٸ تىعىز ازاماتتار جەنە كەسٸپكەرلەر اراسىندا سۇرانىسقا يە. دەگەنمەن ونى كەز كەلگەن ٶتٸنٸش بەرۋشٸ ٶز قالاۋىمەن پايدالانا الادى. بۇل فورمات قىزمەت الۋدى الدىن الا جوسپارلاپ, كٷتۋ ۋاقىتىن بارىنشا ازايتۋعا مٷمكٸندٸك بەرەدٸ.
جەكە مەنەدجەردٸڭ كٶشپەلٸ قىزمەتٸنە ٶتٸنٸم بەرۋ ٷشٸن مەملەكەتتٸك كورپوراتسييانىڭ رەسمي سايتىنداعى «قىزمەتتەر» بٶلٸمٸنە ٶتٸپ, «جەكە مەنەدجەردٸڭ ٷيٸنە بارۋ» بٶلٸمٸن تاڭداۋ قاجەت. ودان كەيٸن «ٶتٸنٸم قالدىرۋ» باتىرماسىن باسىپ, قاجەتتٸ مەلٸمەتتەردٸ تولتىرۋ كەرەك.
ٶتٸنٸم جٸبەرٸلگەن سوڭ كٶرسەتٸلگەن تەلەفون نٶمٸرٸنە راستاۋ كودى بار SMS-حابارلاما جولدانادى. بٸر جۇمىس كٷنٸ ٸشٸندە وپەراتور ٶتٸنٸش بەرۋشٸمەن بايلانىسىپ, قىزمەت كٶرسەتۋ ۋاقىتى مەن ٶزگە دە مەلٸمەتتەردٸ ناقتىلايدى.
سونىمەن قاتار, 1414 بٸرىڭعاي بايلانىس ورتالىعى ارقىلى كەڭەس الىپ, ٶتٸنٸم قالدىرۋعا بولادى. كەڭەس بەرٸلگەننەن كەيٸن ٶتٸنٸش بەرۋشٸگە جەكە مەنەدجەردٸ ٷيگە شاقىرۋ ٷشٸن ارنايى سٸلتەمە SMS ارقىلى جٸبەرٸلەدٸ.
مەملەكەتتٸك كورپوراتسييا ازاماتتاردىڭ قاجەتتٸلٸكتەرٸن ەسكەرەتٸن جەنە مەملەكەتپەن ٶزارا بايلانىستى جەڭٸلدەتەتٸن قىزمەتتەردٸ كەزەڭ-كەزەڭٸمەن ەنگٸزۋدٸ جالعاستىرادى.
