قازاقستان باس پروكۋرورى جاقىپ اسانوۆ بٷگٸن استانادا 2016 جىلدىڭ قورىتىندىسى جەنە الداعى كەزەڭگە ارنالعان مٸندەتتەرٸ جايلى ٶتكەن باس پروكۋراتۋرانىڭ القا جيىنىندا پروكۋرورلاردىڭ جۇمىسىن سىنادى, - دەپ حابارلايدى "ۇلت اقپارات".
اسانوۆ پروكۋراتۋرا قۇرامىندا "ادال قىزمەتكەرلەردٸڭ" كٶپ ەكەنٸن, ال "ماسىلداردىڭ" ودان دا كٶبٸن ايتتى. باس پروكۋرور جيىندا "ۆەدومستۆو قىزمەتكەرلەرٸ تاڭنان كەشكە دەيٸن مەملەكەتكە پايدالى جۇمىسپەن اينالىسىپ جاتقانداي ەلەس تۋدىرماۋعا" شاقىردى. پروكۋراتۋرادا "زاماناۋي ويلايتىن" قىزمەتكەرلەردٸڭ بارىن ايتقان اسانوۆ ەرٸپتەستەرٸن جۇمىس ٸستەۋ تەسٸلٸن, مەنتاليتەت پەن ويلاۋدى تٷبەگەيلٸ ٶزگەرتۋگە شاقىردى.
قازاقستان پرەزيدەنتٸنٸڭ كٶمەكشٸسٸ - قاۋٸپسٸزدٸك كەڭەسٸنٸڭ حاتشىسى ۆلاديمير جۇماقانوۆ ٶتكەن جىلى پروكۋراتۋرا كەڭسەلەرٸ الدىندا ٶزٸن-ٶزٸ ٶرتەۋ وقيعالارى بولعانىن ايتىپ, پروكۋرورلاردى زاڭنىڭ ساقتالۋىن دۇرىس قاداعالاۋعا شاقىردى.
جەلتوقساننىڭ 6-سى كٷنٸ جامبىل وبلىسى شۋ قالاسىنىڭ 48 جاستاعى تۇرعىنى مايرا رىسمانوۆا ۇلىنىڭ سوتتالۋىنا قارسىلىق بٸلدٸرٸپ, استاناداعى باس پروكۋراتۋرانىڭ كٸرە بەرٸسٸندەگٸ جەردە ٶزٸن ٶرتەگەن. دەنەسٸ قاتتى كٷيگەن ەيەل بٸرنەشە كٷننەن سوڭ اۋرۋحانادا كٶز جۇمعان. باس پروكۋراتۋرا رىسمانوۆانىڭ تۋىستارىنا تەكسەرۋ جٷرگٸزۋگە ۋەدە بەرگەن.
22 جەلتوقساندا شىمكەنتتە وبلىستىق پروكۋراتۋرا الدىندا جەرگٸلٸكتٸ كەسٸپكەر نۇركەن اينابەكوۆ ٷستٸنە بەنزين قۇيىپ, ٶزٸن-ٶزٸ ٶرتەگەن. ٶز-ٶزٸن ٶرتەۋ كەزٸندە ونىڭ ٷستٸنەن الاياقتىق بابى بويىنشا قىلمىستىق ٸس قوزعالعان.
