ازاماتتارعا ارنالعان ٷكٸمەت مەملەكەتتٸك قىزمەتتەردٸ Blockchain تەحنولوگيياسىنىڭ كٶمەگٸمەن كٶرسەتە باستادى, دەپ حابارلايدى "ۇلت اقپارات".
«ازاماتتارعا ارنالعان ٷكٸمەت» مەملەكەتتٸك كورپوراتسيياسى Blockchain تەحنولوگيياسىن مەملەكەتتٸك قىزمەتتەردٸ كٶرسەتۋ ٷردٸسٸنە العاشقى بولىپ ەنگٸزدٸ.
ەزٸرشە بۇل تەحنولوگييا جىلجىمايتىن مٷلٸك كەپٸل شارتىن تٸركەۋ بويىنشا جەكە تۇلعالارعا كٶرسەتٸلەتٸن مەملەكەتتٸك قىزمەتكە قاتىستى قولدانىلا باستادى.
الداعى ۋاقىتتا بۇل تەجٸريبە باسقا دا كەڭ تارالعان قىزمەتتەرگە ەنگٸزٸلۋٸ ىقتيمال.
بلوكتاردىڭ تەحنيكالىق رەتتەلگەن تٸزبەگٸ تٷرٸندەگٸ Blockchain جٷيەسٸ جەكە مەلٸمەتتەردٸ ٷشٸنشٸ تۇلعالارعا بەرۋ مٷمكٸندٸگٸنەن ساقتاپ, اقپاراتتىق قاۋٸپسٸزدٸك پەن ساپالى قىزمەتتٸ قامتاماسىز ەتەدٸ.
«ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ باسقارما تٶرايىمى ەسەمگٷل بالتاشەۆانىڭ ايتۋىنشا, Blockchain تەحنولوگيياسى كەپٸل شارتىن تٸركەۋ ٷردٸسٸن بارىنشا وڭتايلاندىرۋعا جول اشتى.
«بۇعان دەيٸن قىزمەت الۋشىلار مٷلٸك كەپٸل شارتىن تٸركەۋ ٷشٸن بٸرنەشە مەكەمەنٸ ارالاۋعا مەجبٷر بولاتىن. مەسەلەن, جىلجىمايتىن مٷلٸككە قۇقىقتاردى تٸركەۋ تۋرالى انىقتامانى الۋ ٷشٸن حقو-عا نەمەسە egov.kz پورتالىنا جٷگٸنٸپ, سوسىن ونى بانككە اپاراتىن. ەندٸ بانك قىزمەتكەرٸ ٶتٸنٸم جاساعاندا قىزمەت الۋشىنىڭ جىلجىمايتىن مٷلٸككە قۇقىقتارى جەنە اۋىرتپالىقتاردىڭ بار-جوعى تۋرالى مەلٸمەتتەر اۆتوماتتى تٷردە تەكسەرٸلەدٸ. ەندٸ ادامدار ەمەس, مەلٸمەتتەر سٸز ٷشٸن «جٷگٸرەتٸن» بولدى», – دەيدٸ بالتاشەۆا.
Blockchain تەحنولوگيياسىن قولدانۋ ارقىلى اتالعان قىزمەتتٸ كٶرسەتۋ مەرزٸمٸ ٷش كٷننەن بٸر كٷنگە دەيٸن قىسقارىپ, بانككە ۇسىنىلاتىن قۇجاتتار تٸزٸمٸ دە ازايدى.
ەندٸ قىزمەت الۋشى بانكتٸڭ اقپاراتتىق جٷيەسٸندە مٷلٸك شارتىمەن تانىسىپ, ٶزٸنٸڭ ەتسق-سى ارقىلى قول قويادى, ال قىزمەتتٸڭ نەتيجەسٸ – جىلجىمايتىن مٷلٸككە قۇقىقتاردى مەملەكەتتٸك تٸركەۋ تۋرالى حابارلاما قىزمەت الۋشىنىڭ egov.kz ەلەكتروندىق پورتالىنداعى جەكە كابينەتٸنە جولدانادى.
Blockchain تەحنولوگيياسىن تاڭداۋ بارىسىندا جەلٸ قولدانۋشىلارىنىڭ ەرەكەتتەرٸنٸڭ ايقىندىعى, دەتسەنتراليزاتسييا جەنە سەنٸمدٸ قورعانىس جٷيەسٸ ەسەپكە الىندى.
قازاقستاندا كەپٸل شارتىن تٸركەۋ بويىنشا مەملەكەتتٸك قىزمەتتٸ وسىنداي ەدٸسپەن كٶرسەتۋ ٷردٸسٸ كوممەرتسييالىق بانكتٸڭ بٸرٸمەن جٷزەگە اسۋدا.
«ازاماتتارعا ارنالعان ٷكٸمەت» باسقا دا ەكٸنشٸ دەڭگەيلٸ بانكتەرمەن وسى باعىتتا قىزمەت كٶرسەتۋ تۋرالى كەلٸسسٶزدەر جٷرگٸزٸپ جاتىر.
سەبەبٸ Blockchain تەحنولوگيياسى ەكٸجاقتى كەلٸسٸم جاساسۋ كەزٸندە ٷشٸنشٸ تۇلعالاردى كٸرٸستٸرمەي, قاۋٸپسٸزدٸكتٸ قامتاماسىز ەتٸپ, جىلجىمايتىن مٷلٸك كەپٸلٸمەن بەرٸلەتٸن نەسيەنٸ ونلاين رەسٸمدەۋ جەنە نەسيە بەرۋ مەرزٸمٸن قىسقارتۋعا مٷمكٸندٸك بەرەدٸ.
