مەملەكەتتٸك باسقارۋ سالاسىنىڭ جەتەكشٸ حالىقارالىق ساراپشىلارى, ايماق ەلدەرٸ مەملەكەتتٸك ورگاندارىنىڭ, سونداي-اق حالىقارالىق ۇيىمدار مەن ۋنيۆەرسيتەتتەردٸڭ ٶكٸلدەرٸ استانا مەملەكەتتٸك قىزمەت حابىنىڭ "ماراپات جەنە قۇرمەت: ححٸ عاسىردا مەملەكەتتٸك قىزمەتشٸلەردٸ ىنتالاندىرۋ" اتتى پانەلدٸك سەسسيياسىنا جينالدى. سەسسييا بٸرٸككەن ۇلتتار ۇيىمىنىڭ دامۋ باعدارلاماسى مەن نازارباەۆ ۋنيۆەرسيتەتٸنٸڭ جوعارى مەملەكەتتٸك ساياسات مەكتەبٸمەن قولداۋىمەن استانا ەكونوميكالىق فورۋمى اياسىندا ٶتتٸ.
پانەلدٸك سەسسييانى استانا مەملەكەتتٸك قىزمەت حابىنىڭ باسقارۋشى كوميتەتٸنٸڭ تٶراعاسى ەليحان بايمەنوۆ, بۇۇ باس حاتشىسىنىڭ كٶمەكشٸسٸ, بۇۇ دامۋ باعدارلاماسى ەكٸمشٸسٸنٸڭ كٶمەكشٸسٸ, ەۋروپا مەن تمد ٷشٸن ٶڭٸرلٸك بيۋرو ديرەكتورى ميريانا سپولياريچ ەگگەر, نازارباەۆ ۋنيۆەرسيتەتٸ پرەزيدەنتٸ شيگەو كاتسۋ جەنە قر مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعا ورىنباسارى – ايگٷل شايموۆا اشتى.
اليحان بايمەنوۆ ٶز سٶزٸندە: «ادامزاتتىڭ ورتاق ٶزەكتٸ مەسەلەرٸن شەشۋدە مەملەكەتتٸك باسقارۋ ساپاسى ەرەكشە رٶل اتقارادى. ول تەك مەملەكەتتٸك قىزمەتشٸلەردٸڭ بٸلٸمٸ جەنە بٸلٸگٸمەن عانا ەمەس, ىنتا-جٸگەرٸمەن دە انىقتالادى», - دەپ اتاپ ٶتتٸ.
م. سپولياريچ ەگگەر: "دامۋ ماقساتتارىنا قول جەتكٸزۋ ماقساتىندا مەملەكەتتٸك قىزمەتكەرلەر موتيۆاتسيياسى مەسەلەلەرٸن تالقىلاۋدا مەدەني, ينستيتۋتسيونالدىق جەنە ۇيىمداستىرۋشىلىق فاكتورلاردى ەسكەرۋٸمٸز كەرەك" – دەدٸ.
پانەلدٸك سەسسييانىڭ باستى سپيكەرٸ رەتٸندە امەريكالىق زەرتتەۋشٸ, مەملەكەتتٸك قىزمەتشٸلەردٸ ىنتالاندىرۋ تەوريياسى نەگٸزٸن قالاۋشىلاردىڭ بٸرٸ, اقش-تىڭ ينديانا بلۋمينگتون ۋنيۆەرسيتەتٸنٸڭ پروفەسسورى دجەيمس ل. پەرري ٶز ويىمەن بٶلٸستٸ. ونىڭ ايتۋىنشا, ىنتالاندىرۋ جٷيەسٸن دايارلاۋ كەزٸندە وسى سالاداعى عىلىمي زەرتتەۋلەر نەتيجەسٸن ەسكەرگەن جٶن. ونداعى شەشۋشٸ فاكتورلار – ينستيتۋتتار, موتيۆاتسييا جەنە ادامي رەسۋرستار ٷيلەسٸمدٸلٸگٸ.
جيىن بارىسىندا ون بەستەن استام ەلدٸڭ, سونىڭ ٸشٸندە گرۋزييا, ۋكراينا, قازاقستان, قىرعىزستان, چەرنوگورييانىڭ ۋەكٸلەتتٸ ورگاندار باسشىلارى مەن ٶكٸلدەرٸ مەملەكەتتٸك قىزمەتشٸلەرگە ەڭبەكاقى تٶلەۋ جٷيەسٸن رەفورمالاۋ, تيٸمدٸلٸگٸن باعالاۋ بويىنشا تەجٸريبەلەرٸمەن بٶلٸستٸ.
"حالىققا ساپالى قىزمەت كٶرسەتۋگە مەملەكەتتٸك قىزمەتكەرلەر ىنتالى بولعان جاعدايدا عانا ٷكٸمەتتەردٸڭ تيٸمدٸلٸگٸ ارتادى", - دەپ ەسەپتەيدٸ گرۋزييا مەملەكەتتٸك قىزمەت بيۋروسىنىڭ ديرەكتورى ەكاتەرينا كارداۆا.
سونداي-اق, سەسسييادا "مەملەكەتتٸك سەكتورداعى ەڭبەكاقى تٶلەۋ جٷيەسٸن سالىستىرمالى تالداۋ" تاقىرىبىندا حابتىڭ زەرتتەۋٸ تانىستىرىلدى. وندا جاڭا سىياقى جٷيەسٸن ەزٸرلەۋگە نەگٸز بولا الاتىن زەرتتەۋدٸڭ العاشقى نەتيجەلەرٸ ۇسىنىلعان.
قازٸرگٸ ۋاقىتتا استانا مەملەكەتتٸك قىزمەت حابىنا 41 ەل قاتىسۋشى, سونىڭ ٸشٸندە ەىدۇ, تمد, كاۆكاز, ورتالىق ازييا جەنە اسەان ەلدەرٸ بار.
