مەملەكەت جەنە قوعام قايراتكەرٸ, بەلگٸلٸ ساياساتتانۋشى ايدوس سارىم مەملەكەتتٸك قىزمەتكە كەلەتٸن ازاماتتارعا قاتىستى پٸكٸر بٸلدٸردٸ, دەپ حابارلايدى قازاقپارات.
«بٷگٸنگٸ كٷنٸ مەملەكەتتٸك قىزمەتتە جٷرۋ وڭاي شارۋا ەمەس. ونىڭ ماشاقاتى دا كٶپ. ال ەگەر وسى سالاعا قىزمەت ەتەم دەپ كەلدٸڭ بە, ونىڭ تالابىنا ساي بولۋىڭ كەرەك. جەنە بٸزدٸڭ ازاماتتارىمىز مەملەكەتتٸك قىزمەتكە جۇمىسسىزدىقتان نەمەسە شاراسىزدىقتان بارماۋى تيٸس. بۇل ٶمٸرلٸك تاڭداۋ بولۋ قاجەت. دەگەنمەن بۇل مەسەلەنٸڭ ەكٸنشٸ جاعى دا بار. ٶمٸر بويى مەملەكەتكە قىزمەت ەتٸپ الاتىنىڭ 80 مىڭ تەڭگە بولسا تاعى قيىن. وسى تۇرعىدا مەملەكەتتٸك قىزمەتتٸڭ ابىرويى بولۋى تيٸس. مەملەكەت ٷشٸن وتقا دا تٷسٸپ, سوتتاسىپ جاتقان دا ازاماتتارىمىز بار. سوندىقتان مەملەكەتتٸك قىزمەتكەرلەردٸڭ بەرٸ بٸردەي ەمەس», - دەدٸ ا. سارىم قر سىبايلاس جەمقورلىققا قارسى قىزمەتٸ اگەنتتٸگٸندە ٶتكەن ونلاين كونفەرەنتسييا بارىسىندا.
ونىڭ ايتۋىنشا, مەملەكەتتٸك قىزمەتتە الدىمەن قارجى جىمقىرۋدىڭ جولىن كەسۋ كەرەك.
«بٷگٸندە بٸزدە مەملەكەتتٸك قىزمەتكەر بولۋدىڭ پروتسەدۋراسى قيىنداپ بارا جاتىر. قازٸرگٸ ۋاقىتتا كەيبٸر مەملەكەتتٸك قىزمەتكەرلەر ارتىق قيمىل جاساۋدان قورقادى. شەنەۋنٸكتٸڭ بەرٸ بٸردەي ەمەس, اراسىندا جاقسىسى دا, ناشارى دا بار. بٸز قازٸر سونى اجىراتىپ, جاقسىسىنىڭ جاقسىلىعىن اسىرۋىمىز قاجەت. تاعى بٸر مەسەلە شەنەۋنٸكتەر مەن مەملەكەتتٸك قىزمەتكەرلەردٸڭ دٷنيە-مٷلٸكتەرٸ مەن قوسىمشا تابىس كٶزدەرٸن جاسىرۋى. ٶزٸ مەملەكەتتٸك قىزمەتتە بولعاندىقتان جەكە كەسٸپتەرٸن بالا-شاعا, اعايىن-تۋىستارىنىڭ اتىنا جازىپ قويادى. بۇل پروبلەمانى دا بٸرجاقتى قىلۋىمىز قاجەت. سوندىقتان دا مەملەكەتتٸك قىزمەتكە كەلگەن ەربٸر ازاماتتىڭ دەكلاراتسيياسىندا بارلىق مەلٸمەت اشىق تٷردە بولۋى شارت. ەسٸرەسە شەنەۋنٸكتەر جاعى حالىققا شىندىقتى جاسىرماعانى جٶن. بۇل ٶز كەزەگٸندە ونىڭ ادالدىعى مەن قازىنا قارجىسىن جىمقىرۋ مٷمكٸندٸگٸن بولدىرمايدى», - دەدٸ ول.
