مەملەكەت باسشىسىنىڭ جارلىعىمەن انار جايىلعانوۆا قازاقستان رەسپۋبليكاسى مەملەكەتتٸك قىزمەت ٸستەرٸ اگەنتتٸگٸنٸڭ تٶراعاسى بولىپ تاعايىندالدى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
انار جايىلعانوۆا 1969 جىلى 10 شٸلدەدە شىعىس قازاقستان وبلىسى شار اۋدانى بەلتەرەك اۋىلىندا تۋعان. 1986 جىلى بەلتەرەك اۋىلىنىڭ ورتا مەكتەبٸن تەمەمداپ, وسى جىلى س.م. كيروۆ اتىنداعى قازاق مەملەكەتتٸك ۋنيۆەرسيتەتٸنٸڭ زاڭ فاكۋلتەتٸنە تٷسٸپ, 1991 جىلى ٷزدٸك اياقتادى. 1999 جىلعى جەلتوقساندا قازاقستان رەسپۋبليكاسى پرەزيدەنتٸ ەكٸمشٸلٸگٸنٸڭ مەملەكەتتٸك-قۇقىقتىق بٶلٸمٸنٸڭ اعا ساراپشىسى لاۋازىمىنا اۋىستى.
2000 جىلعى قىركٷيەكتە قازاقستان رەسپۋبليكاسى جوعارعى سوتى تٶراعاسىنىڭ كەڭەسشٸسٸ, 2004 جىلعى جەلتوقساندا قازاقستان رەسپۋبليكاسى جوعارعى سوتىنىڭ سۋدياسى بولىپ قىزمەت اتقاردى. 2008 جىلى 13 ناۋرىزدا قازاقستان رەسپۋبليكاسى پارلامەنت سەناتىنىڭ قاۋلىسىمەن قازاقستان رەسپۋبليكاسى كونستيتۋتسييالىق كەڭەسٸنٸڭ مٷشەسٸ بولىپ تاعايىندالدى.
2002 جىلى «قازاقستان رەسپۋبليكاسىندا سوت قىزمەتٸن ۇيىمداستىرۋ-قۇقىقتىق قامتاماسىز ەتۋ» تاقىرىبى بويىنشا كانديداتتىق ديسسەرتاتسيياسىن قورعادى.
«قازاقستان رەسپۋبليكاسى كونستيتۋتسيياسىنا - 10 جىل» مەرەكەلٸك مەدالٸمەن ماراپاتتالعان.
