قر مەملەكەتتٸك قىزمەت ٸستەرٸ اگەنتتٸگٸ ەربٸر ازاماتتىڭ مەملەكەتتٸك قىزمەتتٸ جەتٸلدٸرۋگە جەنە قولجەتٸمدٸ تسيفرلىق مەملەكەتتٸ قۇرۋعا ٷلەس قوسۋىنا مٷمكٸندٸك بەرەتٸن «تىڭداۋ» بٸرەگەي جوباسىن ٸسكە قوستى. بۇل تۋرالى اتالعان اگەنتتٸكتٸڭ تٶرايىمى انار جايىلعانوۆا Facebook پاراقشاسىندا جازدى, دەپ حابارلايدى "ۇلت اقپارات".
«مەملەكەت باسشىسى ٶزٸنٸڭ «سىندارلى قوعامدىق ديالوگ – قازاقستاننىڭ تۇراقتىلىعى مەن ٶركەندەۋٸنٸڭ نەگٸزٸ» اتتى حالىققا جولداۋىندا «حالىق ٷنٸنە قۇلاق اساتىن مەملەكەت» تۇجىرىمداماسى بارلىق ازاماتتاردىڭ ٶتٸنٸشٸنە جەدەل جەنە تيٸمدٸ ەرەكەت ەتۋگە باعىتتالۋى تيٸس ەكەنٸن اتاپ ٶتتٸ. بۇل رەتتە پرەزيدەنت مەملەكەتتٸك اپپارات قىزمەتٸندەگٸ پروبلەمالار كٶبٸنەسە ازاماتتار مەن جەرگٸلٸكتٸ جەرلەردەگٸ مەملەكەتتٸك قىزمەتكەرلەر اراسىنداعى كەرٸ بايلانىستىڭ بولماۋىنا بايلانىستى ەكەندٸگٸنە نازار اۋداردى. «حالىق ٷنٸنە قۇلاق اساتىن مەملەكەت» – بۇل بارىنشا اشىق جەنە ەسەپتٸ مەملەكەتتٸ قالىپتاستىرۋ. سوندىقتان مەملەكەتتٸك اپپارات ەر سالا بويىنشا بٸرٸنشٸ كەزەكتە حالىقتىڭ پٸكٸرٸن بارىنشا ەسكەرۋٸ تيٸس», - دەيدٸ اگەنتتٸك تٶرايىمى.
ونىڭ اتاپ ٶتۋٸنشە, «تىڭداۋ» جوباسى ەرٸكتٸ قولدانۋشىلار پٸكٸرٸ اياسىندا قۇرىلعان. جوباعا قاتىسۋ ٷشٸن ەلەكتروندى قىزمەتتٸ الۋ تالاپ ەتٸلەدٸ جەنە بارلىعىن tyndau.kz سٸلتەمەسٸ بويىنشا ونلاين-ساۋالنامادا بەلگٸلەي وتىرىپ, ونىڭ ەربٸر قادامىن باعالاۋ قاجەت.
«بۇدان بٶلەك, اگەنتتٸك تەك مەملەكەتتٸك قىزمەتتەرگە شاعىم جينامايدى. بٸزدٸڭ نەگٸزگٸ ماقساتىمىز – پروبلەمالى جەرلەردٸ انىقتاپ, تيٸمدٸ كەرٸ بايلانىس ورناتۋ. جيناقتالعان مەسەلەلەر بازاسىنا تالداۋ جاساپ, مەملەكەتتٸك ورگاندارعا قاجەتسٸز قادامداردى جويۋ, حالىقتىڭ مەملەكەتتٸك قىزمەتتەردٸ الۋ پروتسەستەرٸن جەڭٸلدەتۋ بويىنشا ناقتى ۇسىنىستار بەرەتٸن بولامىز. ٶتكەن اپتادا بٸز «تىڭداۋ» جوباسىن ٸسكە قوستىق جەنە پروباتسييالاۋ ماقساتىندا ەكٸ قىزمەتتٸ تاڭداپ الدىق. ولار - تٶلقۇجات پەن جەكە كۋەلٸكتٸ الۋ قىزمەتٸ. قازٸرگٸ ۋاقىتتا وسى باعىت بويىنشا ازاماتتاردان ۇسىنىس جيناۋ جالعاسۋدا. بٷگٸن وسى جوبا اياسىندا ەرٸكتٸلەردٸڭ ٸشٸنەن العاشقى فوكۋس-توپ قۇرىلدى جەنە ۇسىنىستار جينالىپ جاتىر», - دەدٸ ول.
اگەنتتٸك باسشىسىنىڭ ايتۋىنشا, «ەلەكتروندىق ٷكٸمەت» پورتالىندا جۇمىس پروتسەستەرٸن جاقسارتۋ ٷشٸن اۆتوماتتى تٷردە تەرۋ جەنە تەك جسن-دٸ تەرگەن كەزدە ازاماتتىڭ دەرەكتەرٸن (اتى-جٶنٸ, تۋعان جىلى مەن جەرٸ) تارتۋعا قول جەتكٸزەتٸن جاساندى ينتەللەكت نەگٸزٸندە ارنايى قوسىمشالار, جٷكتەلەتٸن سكانەرلەنگەن قۇجاتتار مەن فوتوسۋرەتتەردٸ (3ح4) جٷيەگە قاجەتتٸ فورماتتارعا اۆتوماتتى تٷردە كەلتٸرۋ ٷشٸن تٷرلەندٸرۋگە ارنالعان كٶمەكشٸ قوسىمشالار بويىنشا ۇسىنىستار ەزٸرلەندٸ.
سونداي-اق اۆتوماتتاندىرىلعان قىزمەتتەردٸڭ جۇمىسقا قابٸلەتٸن تەستٸلەۋ, ەتسق نەمەسە بٸر رەت قولدانىلاتىن پارول كٶمەگٸمەن اۆتوريزاتسييالاۋ نەمەسە قول قويۋ كەزٸندە تۋىندايتىن اقاۋلار انىقتالادى.
«الداعى ۋاقىتتا ەلەكتروندىق قىزمەتتەر بويىنشا تيٸستٸ ماتەريالداردىڭ جينالۋىنا قاراي ازاماتتاردىڭ ۇسىنىستارى مٷددەلٸ ورگاندارمەن بٸرلەسٸپ, كٶرسەتٸلەتٸن قىزمەتتٸ الۋشىلاردى حاباردار ەتە وتىرىپ, پىسىقتالاتىن بولادى. بٸز جاقىن ۋاقىتتا «تىڭداۋ» حالىقتىڭ پٸكٸرٸن ەسكەرەتٸن تيٸمدٸ جوبا بولادى دەپ ٷمٸتتەنەمٸز», - دەدٸ انار جايىلعانوۆا.
