مەملەكەت قاجەتتٸلٸكتەرٸ ٷشٸن جەر تەلٸمدەرٸ نارىقتاعى باعا بويىنشا قايتارىپ الىنادى, دەپ حابارلايدى "ۇلت اقپارات" قر ەدٸلەت مينيسترلٸگٸنە سٸلتەمە جاساپ.
ايتا كەتەيٸك, 2019 جىلدىڭ 21 قاڭتارىندا مەملەكەت باسشىسى مەنشٸك قۇقىعىن قورعاۋدى كٷشەيتۋ, تٶرەلٸك, سوت جٷكتەمەسٸن وڭتايلاندىرۋ جەنە قىلمىستىق زاڭنامانىڭ ودان ەرٸ ٸزگٸلەندٸرۋ مەسەلەلەرٸ بويىنشا زاڭعا قول قويدى. ميينسترلٸكتٸڭ پٸكٸرٸنشە, بۇل قۇجات «مەملەكەتتٸك قاجەتتٸلٸكتەر ٷشٸن جەر ۋچاسكەلەرٸن قايتارىپ الۋدا تەڭ باعالى اقى تٶلەۋگە مٷمكٸندٸك بەرەدٸ».
«زاڭعا سەيكەس, ەندٸ مەملەكەتتٸك قاجەتتٸلٸكتەر ٷشٸن جەر تەلٸمدەرٸ قۇقىقتاردىڭ تۋىنداۋ سەبەپتەرٸنە قاراماستان, نارىقتىق باعادا قايتارىپ الىنادى», - دەلٸنگەن رەسمي حابارلامادا.
قازٸرگٸ ۋاقىتتا قايتارىپ الىناتىن تەلٸمدەردٸڭ قۇنى كاداسترلىق باعادا نەمەسە ازاماتتىق-قۇقىقتىق كەلٸسٸمشارتتا نەمەسە سوت شەشٸمٸندە كٶرسەتٸلگەن باعا بويىنشا انىقتالىپ جٷر. بۇل باعالار جەر ۋچاسكەلەرٸنٸڭ نارىقتىق باعالارىنا سەيكەس كەلمەيدٸ.
ودان بٶلەك, مەملەكەت پايداسىنا بەرٸلگەن جەر ۋچاسكەسٸنٸڭ ورنىنا مەنشٸك يەسٸنە تەڭ باعالى جەر تەلٸمٸن بەرۋ شىعىندارى ٷشٸن زاڭ جٷزٸندە ەكٸمدٸكتەر جاۋاپتى بولادى.
«وسىلايشا, تٷزەتۋلەر ازاماتتاردىڭ الىنعان جەر ۋچاسكەلەرٸ ٷشٸن ەدٸل قايتارىم الۋىنا باعىتتالعان. بۇل ماقساتتا جەر كودەكسٸ مەن «مەملەكەتتٸك مەنشٸك تۋرالى» زاڭعا سەيكەس تٷزەتۋلەر ەنگٸزٸلدٸ», - دەپ تٷسٸندٸردٸ مينيسترلٸكتٸڭ باسپاسٶز قىزمەتٸ.
