مەملەكەتتٸك بورىش قاۋٸپسٸز دەڭگەيدە قالىپ وتىر. بۇل تۋرالى مەجٸلٸستٸڭ جالپى وتىرىسىندا قر ٷكٸمەتٸنٸڭ 2020 جىلعى رەسپۋبليكالىق بيۋدجەتتٸڭ اتقارىلۋى تۋرالى ەسەبٸن تالقىلاۋ كەزٸندە قر قارجى مينيسترٸ ەرۇلان جاماۋباەۆ مەلٸم ەتتٸ, دەپ حابارلايدى قازاقپارات.
«2020 جىلى رەسپۋبليكالىق بيۋدجەتتٸڭ اتقارىلۋى ٸسكەرلٸك بەلسەندٸلٸكتٸڭ ايتارلىقتاي تٶمەندەۋٸ مەن COVID-19 بايلانىستى قاتاڭ شەكتەۋ شارالارى جاعدايىندا جٷزەگە اسىرىلدى. جالپى ٸشكٸ ٶنٸم ناقتى 2,6 پايىزعا تٶمەندەدٸ. بۇل نەگٸزٸنەن كارانتيندٸك شارالاردىڭ ەنگٸزٸلۋٸنەن قىزمەتتەر كٶرسەتۋدٸڭ 5,4 پايىزعا تٶمەندەۋٸنە بايلانىستى بولدى. دەگەنمەن, ەكونوميكانىڭ ناقتى سەكتورى
2 پايىزعا ٶسكەنٸن كٶرسەتتٸ. اتاپ ايتقاندا, قۇرىلىس – 11,2 پايىزعا, اقپارات جەنە بايلانىس – 8,7 پايىزعا, اۋىل شارۋاشىلىعى – 5,6 پايىزعا, ٶڭدەۋ ٶنەركەسٸبٸ – 3,9 پايىزعا. نەگٸزگٸ كاپيتالعا سالىناتىن ينۆەستيتسييالار كٶلەمٸ 3,4 پايىزعا تٶمەندەدٸ», - دەدٸ ە. جاماۋباەۆ.
ونىڭ ايتۋىنشا, بيۋدجەتتٸڭ باسىم باعىتتارى تٶتەنشە جاعداي كەزٸندە ازاماتتاردى جەنە ناقتى سەكتوردى قولداۋعا ارنالعان شىعىستار بولدى. بۇل - ەلەۋمەتتٸك تٶلەمدەردٸ يندەكستەۋ, شاعىن جەنە ورتا بيزنەس سۋبەكتٸلەرٸنە سالىق اۋىرتپالىعىن تٶمەندەتۋ, «جۇمىسپەن قامتۋ جول كارتاسى», «بيزنەس جول كارتاسى», «ەڭبەك» جەنە باسقا دا باعدارلامالار.
«ەكونوميكالىق ٶسٸمدٸ قالپىنا كەلتٸرۋ بويىنشا كەشەندٸ جوسپار قابىلداندى. زارداپ شەككەن سالالاردان شامامەن 700 مىڭ كەسٸپكەر سالىقتىق ىنتالاندىرۋ جەنە جەڭٸلدٸك شارالارىمەن قامتىلدى. شاعىن جەنە ورتا بيزنەس كرەديتتەرٸ جەڭٸلدەتٸلگەن شارتتارمەن قايتا قارجىلاندىرىلدى. 40 مىڭعا جۋىق جوبا ارزانداتىلعان مٶلشەرلەمەمەن قارجىلاندىرىلدى. زارداپ شەككەن سالالاردا قارىز الۋشىلاردىڭ 80 پايىزى كرەديتتەر بويىنشا تٶلەمدەرٸن كەيٸنگە قالدىرۋ مٷمكٸندٸگٸن الدى. وسى شارالار جۇمىسپەن قامتۋ مەن ٸسكەرلٸك بەلسەندٸلٸكتٸ ساقتاۋعا ىقپال ەتتٸ», - دەدٸ مينيستر.
سونىمەن قاتار ول جۇمىسسىزدىق 4,9% دەڭگەيٸندە ساقتالعانىن ايتتى.
«بيۋدجەت پروتسەسٸنٸڭ يكەمدٸلٸگٸ قامتاماسىز ەتٸلدٸ, مەملەكەتتٸك ساتىپ الۋدىڭ ارنايى تەرتٸبٸ ەنگٸزٸلدٸ. وسىنداي جاعدايلاردا رەسپۋبليكالىق بيۋدجەتتٸڭ اتقارىلۋى مىناداي كٶرسەتكٸشتەرمەن سيپاتتالادى. بيۋدجەت تٷسٸمدەرٸ 100,3 پايىزعا ورىندالىپ, 12 ترلن
49 ملرد تەڭگەنٸ قۇرادى. شىعىستار 98,3 پايىزعا يگەرٸلدٸ جەنە 14 ترلن 234 ملرد تەڭگەنٸ قۇرادى. ەلەۋمەتتٸك شىعىستار 2019 جىلمەن سالىستىرعاندا 1,4 ترلن تەڭگەگە ۇلعايىپ, 6,6 ترلن تەڭگەنٸ قۇرادى. بۇل رەسپۋبليكالىق بيۋدجەتتٸڭ جالپى كٶلەمٸنٸڭ
47 پايىزى. بيۋدجەت تاپشىلىعى 2 ترلن 185 ملرد تەڭگە نەمەسە جالپى ٸشكٸ ٶنٸمنٸڭ 3,1%-ى بولدى. مەملەكەتتٸك بورىش قاۋٸپسٸز دەڭگەيدە قالىپ وتىر», - دەدٸ ەرۇلان جاماۋباەۆ.
