پرەزيدەنتتٸڭ تاباندى پوزيتسيياسى, ٶتكٸر شەشٸمدەرٸ جەنە قازاقستان حالقىنا قايتا-قايتا جاساعان ٷندەۋلەرٸ قاڭتار وقيعاسى كەزٸندە قاسكٶيلەردٸڭ ارام ويلارىن ٸسكە اسىرۋعا مٷمكٸندٸك بەرمەدٸ. مەجٸلٸستٸڭ جالپى وتىرىسىندا دەپۋتات ەدٸل جاڭبىرشين وسىنداي پايىم ايتتى, دەپ حابارلايدى قازاقپارات.
«ٶكٸنٸشكە قاراي, الماتى وبلىسى, الماتى, تاراز, جەنە باسقا دا قالالاردا بەيبٸت شەرۋلەر ارانداتۋشىلاردىڭ كەسٸرٸنەن جاپپاي بۇزاقىلىق پەن قانتٶگٸسكە ۇلاستى. قانشاما بەيبٸت ازاماتتار مەن قارۋسىز قۇقىق قورعاۋ قىزمەتكەرلەرٸ جارالاندى, قازا تاپتى. مەملەكەتتٸك جەنە كەسٸپكەرلٸك نىساندار قيرادى. بۇل ەدەيٸ ۇيىمداستىرىلعان ەرەكەت دەپ ەسەپتەيمٸن. ٶيتكەنٸ پرەزيدەنت توقاەۆتىڭ ٸسكە اسىرا باستاعان ساياسي جەنە ەكونوميكالىق رەفورمالارىنا قارسى توپتار وسىنداي قاتىگەزدٸككە باردى. يە, ەلدە قوردالانىپ قالعان ەلەۋمەتتٸك-ەكونوميكالىق مەسەلەلەر بار. ول جاسىرىن ەمەس. وسى جاعدايدى ۇتىمدى پايدالانعىسى كەلگەن بيلٸكقۇمار ارامزالار حالىقتىڭ اتىن جامىلىپ, ٶزدەرٸنٸڭ ارام پيعىلدارىن ٸسكە اسىرعىلارى كەلدٸ. تٸكە ايتقاندا ولاردىڭ ويلارى مەملەكەتتە تٶڭكەرٸس جاساۋ ەدٸ», - دەدٸ مەجٸلٸس دەپۋتاتى.
ەدٸل جاڭبىرشين وسىنداي سىن ساعاتتا پرەزيدەنت بٷلٸكتٸ ۇيىمداستىرۋشىلار كٷتپەگەن قادامعا بارعانىن ايتادى.
«قانتٶگٸستٸ ۇيىمداستىرۋشىلار مەملەكەت باسشىسى بٷكٸل ٶڭٸرلەر كٶتەرٸلگەندە ەلدەن كەتٸپ قالادى نەمەسە ٶز ورىنىن بوساتادى, بيلٸكتٸ وڭاي بەرە سالادى دەپ ويلاعان بولۋى كەرەك. مۇنداي جاعدايلار بٷلٸك شىققان مەملەكەتتەردە بولعانىن جاقسى بٸلەمٸز. شىنىندا دا ەلدە اۋىر جاعداي ورىن الدى. بيلٸك قىل ٷستٸندە تۇردى. الايدا, قاسىم-جومارت كەمەلۇلىنىڭ تاباندى پوزيتسيياسى, ٶتكٸر شەشٸمدەرٸ جەنە قازاقستان حالقىنا قايتا-قايتا جاساعان ٷندەۋلەرٸ كٶڭٸلگە سەنٸم ۇيالاتىپ, قاسكٶيلەردٸڭ ارام ويلارىن ٸسكە اسىرۋعا مٷمكٸندٸك بەرمەدٸ. مەملەكەتتٸ حاوسقا جٸبەرمەگەن باسشىنى كٶزٸ اشىق, كٶڭٸلٸ وياۋ ادام باعالاي بٸلۋٸ كەرەك», - دەدٸ دەپۋتات.
