قازاقستاندىقتار جالعا الاتىن باسپانا قۇنىنىڭ تەڭ جارتىسى مەملەكەتتەن ٶتەلەتٸن بولادى. بۇل تۋرلى قر يندۋسترييا جەنە ينفراقۇرىلىمدىق دامۋ مينيسترلٸگٸنەن مەلٸم ەتتٸ, دەپ حابارلايدى قازاقپارات.
مينيسترلٸك تۇرعىن ٷيدٸ جالعا العانى ٷشٸن تٶلەم بەرۋ تەتٸگٸن ەزٸرلەدٸ. اتاۋلى تۇرعىن ٷي كٶمەگٸ جالعا الۋ قۇنىنىڭ «50% مەملەكەت, قالعان 50% جالعا الۋشى تٶلەيدٸ» قاعيداتىنا نەگٸزدەلەدٸ.
مۇنداي تٶلەمدەر جەرگٸلٸكتٸ اتقارۋشى ورگانداردا كەزەكتە تۇرعان ازاماتتارعا بەرٸلەدٸ جەنە ولاردىڭ تابىسى ەڭ تٶمەنگٸ كٷنكٶرٸس دەڭگەيٸنٸڭ 1 ەسەلەنگەن كٶلەمٸنەن اسپاۋى كەرەك.
«بٷگٸنگٸ تاڭدا ەلٸمٸزدە مۇنداي 70 مىڭ جان بار. ولار: كٶپبالالى وتباسىلار, 1 جەنە 2-توپتاعى مٷگەدەكتەر, مٷگەدەك بالالار جەنە اتا-اناسىنىڭ قامقورلىعىنسىز قالعان بالالار. وسى ساناتتاعى ازاماتتارعا جالعا بەرٸلەتٸن تۇرعىن ٷي قۇنىنىڭ جارتىسىن تاعايىنداۋ كٶزدەلەدٸ. وپەراتور رەتٸندە «وتباسى بانكٸن» انىقتاۋ ۇسىنىلدى», - دەلٸنگەن مينيسترلٸك اقپاراتىندا.
ٶتٸنٸش بەرۋشٸلەر ٷشٸن مىنانداي نەگٸزگٸ تالاپتار قويىلادى:
1) قازاقستان رەسپۋبليكاسىنىڭ ازاماتى بولۋى;
2) وتباسىنىڭ (ازاماتتىڭ) ەربٸر مٷشەسٸنە شاققانداعى سوڭعى 6 (التى) ايداعى جيىنتىق تابىسى تيٸستٸ قارجى جىلىنا ارنالعان رەسپۋبليكالىق بيۋدجەت تۋرالى زاڭمەن بەكٸتٸلگەن ەڭ تٶمەن كٷنكٶرٸس دەڭگەيٸنٸڭ 1 ەسەلەنگەن شاماسىنان اسپاۋى;
3) «تۇرعىن ٷي قاتىناستارى تۋرالى» زاڭعا سەيكەس باسپاناعا مۇقتاج رەتٸندە ەسەپكە قويىلىپ, تۇرعىن ٷيگە مۇقتاج مەرتەبەسٸن الۋى;
4) تۇرعىن ٷيدٸڭ مەنشٸك يەسٸ مەن جالعا الۋشى اراسىندا جاسالعان, سونداي-اق قۇقىقتىق كاداستردا تٸركەلگەن شارتتىڭ بولۋى.
