كەمەلەتكە تولماعاندارعا قاتىستى جىنىستىق قىلمىس جاساعانى ٷشٸن سوتتالعان ادامدار تۋرالى مەلٸمەتتەردٸ ەلەۋمەتتٸك جەلٸدە جارييالاعان قازاقستاندىققا قاتىستى پوليتسيياعا ارىز تٷسٸپ, سوتقا جٷگٸنگەن. بۇل تۋرالى ەلٸمجان ەسقاراەۆ مەلٸمدەدٸ, دەپ حابارلايدى ult.kz.
ەسقاراەۆ بۇعان دەيٸن كەمەلەتكە تولماعانداردىڭ جىنىستىق تيٸسپەۋشٸلٸگٸنە قارسى قىلمىس جاساعانى ٷشٸن سوتتالعان ادامدار جٶنٸندەگٸ اشىق اقپاراتتاردى جيناي باستاعان. ول مەملەكەتتٸك رەسۋرستاردا جارييالانعان فوتوسۋرەتتەر مەن تۇرعىلىقتى قالاسى تۋرالى دەرەكتەردٸ بٸرٸكتٸرٸپ, ٶڭٸرلەر بويىنشا تٸزٸمدەر جاساعان.
ونىڭ ەلەۋمەتتٸك جەلٸدەگٸ جازبالارىندا اقتاۋ, ورال, تالدىقورعان, استانا جەنە باسقا قالالاردا تۇراتىن ادامدار تۋرالى مەلٸمەتتەر بار.
الايدا مۇنداي جارييالانىمداردان كەيٸن تٸزٸمگە ەنگەن ادامدار مەن ولاردىڭ تۋىستارى ەسقاراەۆپەن بايلانىسىپ, اقپارات پەن فوتوسۋرەتتەردٸ ٶشٸرۋدٸ تالاپ ەتكەن. ونىڭ ايتۋىنشا, كەيبٸرٸ پوليتسيياعا شاعىم تٷسٸرٸپ, سوتقا دا جٷگٸنگەن.
شاعىمدانۋشىلاردىڭ پايىمىنشا, اتالعان ادامدار جازاسىن ٶتەپ قويعان. سوندىقتان ولاردىڭ سۋرەتتەرٸ مەن جەكە دەرەكتەرٸنٸڭ قايتادان كٶپشٸلٸككە جارييالانۋى قوسىمشا قىسىمعا ەكەلۋٸ مٷمكٸن.
ەسقاراەۆ بولسا, ٶز ەرەكەتٸن مەملەكەتتٸك ورگاندار بۇرىننان اشىق جارييالاعان اقپاراتتى جيناقتاۋ دەپ تٷسٸندٸرەدٸ. ول تٸزٸمدەگٸ ادامداردى قۋدالاۋعا, قورقىتۋعا نەمەسە جازالاۋعا شاقىرمايتىنىن اتاپ ٶتتٸ.
«مەن ەشكٸمدٸ قۋدالاۋعا, قورقىتۋعا نەمەسە ٶز بەتٸنشە جازالاۋعا شاقىرمايمىن. مەن تەك مەملەكەتتٸك ورگان بۇعان دەيٸن جارييالاعان اقپاراتتى جيناقتاپ وتىرمىن. فوتوسۋرەتتەر قر ٸٸم قىلمىستىق-اتقارۋ جٷيەسٸ كوميتەتٸنٸڭ رەسمي سايتىنان الىنعان», – دەدٸ ول.
ەسقاراەۆتىڭ سٶزٸنشە, جارييالانىمداردان كەيٸن كەرٸسٸنشە, ٶزٸ دە تٸزٸمدەگٸ ادامداردىڭ تۋىستارىنان قاۋٸپ-قاتەر تۋرالى حابارلامالار العان.
ول ٸس سوتقا جەتسە, سوت پروتسەسٸ اياسىندا جارييالاۋعا رۇقسات ەتٸلگەن ماتەريالداردى وقىرمان نازارىنا ۇسىناتىنىن مەلٸمدەدٸ.
