كەزدەسۋدە قازاقستاننىڭ اتوم ەنەرگيياسى جٶنٸندەگٸ حالىقارالىق اگەنتتٸكپەن ىقپالداستىق پەرسپەكتيۆاسى, سونداي-اق يادرولىق قاۋٸپسٸزدٸكتٸ قامتاماسىز ەتۋ سالاسى بويىنشا جاھاندىق كٷن تەرتٸبٸنٸڭ ٶزەكتٸ مەسەلەلەرٸ تالقىلاندى, دەپ حابارلايدى ult.kz.
پرەزيدەنت قازاقستان ماگاتە-مەن ۇزاق جىلدار بويعى سەرٸكتەستٸكتٸ جوعارى باعالايتىنىن, سونداي-اق رافاەل گروسسيدٸڭ جەتەكشٸلٸگٸمەن ۇيىم يادرولىق قاۋٸپسٸزدٸكتٸ نىعايتۋعا جەنە اتوم قۋاتىن بەيبٸت ماقساتتا قولدانۋعا ٷلەس قوسقانىن اتاپ ٶتتٸ.
– سٸزدٸڭ 2023 جىلى سەۋٸر ايىندا قازاقستانعا جاساعان العاشقى ساپارىڭىز ٶزارا بايلانىستاردى دامىتۋعا تىڭ سەرپٸن بەردٸ. يادرولىق قارۋسىزدانۋ جەنە جاپپاي قىرىپ-جويۋ قارۋىن تاراتپاۋ مەسەلەسٸنە قاتىستى ۇستانىمىمىز ۇقساس دەپ ويلايمىن. دەگەنمەن ەلەمدە اسا كٷردەلٸ احۋال قالىپتاسىپ وتىر. بۇل جاھاندىق پروبلەمانى شەشۋ جولدارىن ٸزدەۋدە كٷش بٸرٸكتٸرۋدٸ تالاپ ەتەدٸ, – دەدٸ مەملەكەت باسشىسى.
قاسىم-جومارت توقاەۆ ماگاتە-مەن ىنتىماقتاستىقتى تەرەڭدەتۋ تۋرالى 2036 جىلعا دەيٸنگٸ جول كارتاسىنا جەنە يادرولىق مەديتسينا مەن عىلىمدى دامىتۋ سالاسى بويىنشا بٸرقاتار قۇجاتقا قول قويىلعانىن قۇپتادى.
باس ديرەكتور قازاقستاننىڭ ەلەمدەگٸ يادرولىق قاۋٸپسٸزدٸكتٸ جەنە جاپپاي قىرىپ-جوياتىن قارۋدى تاراتپاۋ رەجيمٸن نىعايتۋ باعىتىنداعى ٸس-قيمىلىنا جوعارى باعا بەردٸ
سونداي-اق قاسىم-جومارت توقاەۆتىڭ ەلەمدەگٸ ابىروي-بەدەلٸنە, يادرولىق قاۋٸپسٸزدٸكتٸ, ديالوگ پەن كٶپجاقتى ىنتىماقتاستىقتى ٸلگەرٸلەتۋدە دەيەكتٸ رٶل اتقارىپ كەلە جاتقانىنا توقتالدى.
اگەنتتٸك جەتەكشٸسٸ ەلٸمٸزدٸ اەس سالۋ بويىنشا ٶتكەن جالپىحالىقتىق رەفەرەندۋمنىڭ نەتيجەسٸندە اتوم ەنەرگيياسىن دامىتۋ باعدارلاماسىنىڭ ٸسكە اسىرىلا باستاۋىمەن قۇتتىقتادى.
پرەزيدەنت قازاقستاننىڭ يادرولىق قاۋٸپسٸزدٸك پەن مەملەكەتارالىق سەنٸمدٸ نىعايتۋعا باعىتتالعان جاھاندىق كٷش-جٸگەرگە قوسىلۋعا الداعى ۋاقىتتا دا بەيٸل ەكەنٸن مەلٸمدەدٸ.
وسى رەتتە قاسىم-جومارت توقاەۆ تيٸستٸ حالىقارالىق ۋاعدالاستىق بولعان جاعدايدا, ەلٸمٸز ٸزگٸ نيەتتٸ كٶزدەپ, يراننىڭ يادرولىق باعدارلاماسى تٶڭٸرەگٸندەگٸ مەسەلەنٸڭ شەشٸلۋٸنە اتسالىسۋعا دايىن ەكەنٸن تاعى دا راستادى.
رافاەل گروسسي قازاقستاننىڭ جاھاندىق يادرولىق قاۋٸپسٸزدٸكتٸ نىعايتۋ ٸسٸندەگٸ ماڭىزى مەن رٶلٸن اتاپ ٶتٸپ, ەلٸمٸزدٸڭ يگٸ باستاماسىنا قولداۋ بٸلدٸردٸ. ماگاتە باسشىسى ىقتيمال كەلٸسٸمدەردٸ جٷزەگە اسىرۋ ٷشٸن قازاقستان ساياسي بەدەلگە, تيٸستٸ ينفراقۇرىلىم مەن عىلىمي-تەحنيكالىق بازاعا يە ەكەنٸن جەتكٸزدٸ.
سونىمەن قاتار پرەزيدەنت بۇۇ باس حاتشىسى لاۋازىمىنا ٷمٸتكەر رافاەل گروسسيگە سەتتٸلٸك تٸلەدٸ.
قاسىم-جومارت توقاەۆ قازاقستان رەسپۋبليكاسى مەن اتوم ەنەرگيياسى جٶنٸندەگٸ حالىقارالىق اگەنتتٸك اراسىنداعى ىنتىماقتاستىقتى نىعايتۋعا ەلەۋلٸ ٷلەس قوسقانى ٷشٸن رافاەل گروسسيدٸ ٸ دەرەجەلٸ «دوستىق» وردەنٸمەن ماراپاتتادى
