قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆ امەريكا قۇراما شتاتتارىنىڭ پرەزيدەنتٸ دونالد ترامپپەن تەلەفون ارقىلى سٶيلەستٸ, دەپ حابارلايدى ult.kz.
مەملەكەت باسشىسى امەريكا كٶشباسشىسىن اقش تەۋەلسٸزدٸگٸنٸڭ 250 جىلدىعىمەن قۇتتىقتاپ, تاريح ٷشٸن قاس-قاعىم سەت سانالاتىن ٷش ۇرپاقتىڭ عۇمىرىنا بارابار كەزەڭدە بۇل ەلدٸڭ قۋاتتى جاھاندىق دەرجاۆاعا اينالعانىنا نازار اۋداردى.
پرەزيدەنت اقش ەكٸمشٸلٸگٸنٸڭ اقىل-پاراساتقا ارقا سٷيەگەن ٸشكٸ ساياسي باعدارى ەلٸمٸزدە ٸسكە اسىرىلىپ جاتقان «زاڭ مەن تەرتٸپ» قاعيداتى نەگٸزٸندە ەدٸلەتتٸ قازاقستان قۇرۋ ستراتەگيياسىمەن ٷندەسەتٸنٸن, سوندىقتان دونالد ترامپ جٷرگٸزٸپ وتىرعان ساياساتتى قولدايتىنىن ايتتى.
ەڭگٸمەلەسۋ بارىسىندا تاراپتار ەكٸجاقتى ەكونوميكالىق ىنتىماقتاستىق جەنە ساياسي ىقپالداستىق مەسەلەلەرٸ جٶنٸندە پٸكٸر الماستى.
قاسىم-جومارت توقاەۆ بىلتىر قاراشا ايىندا ۆاشينگتونعا جاساعان ساپارى بارىسىندا قول جەتكٸزٸلگەن ماڭىزدى كەلٸسٸمدەر جوعارى قارقىنمەن جٷزەگە اسىرىلىپ جاتقانىن اتاپ ٶتتٸ.
مەملەكەت باسشىسى قازاقستاننىڭ يادرولىق قارۋدى جەنە بايىتىلعان ۋراندى تاراتپاۋعا قاتىستى ۇستانىمىنان اينىمايتىنىن راستادى. سونداي-اق حالىقارالىق باقىلاۋ رەجيمٸن نىعايتۋ ماقساتىندا ماگاتە-مەن اراداعى ىنتىماقتاستىقتىڭ ماڭىزىنا توقتالدى.
بۇدان بٶلەك, جاقىندا اقوردادا سەناتور ستيۆ دەينسپەن, اقش پرەزيدەنتٸنٸڭ ارناۋلى ٶكٸلٸ سەردجيو گورمەن جەنە اق ٷيدٸڭ باسقا دا جوعارى لاۋازىمدى تۇلعالارىمەن, امەريكالىق ٸسكەرلٸك توپ ٶكٸلدەرٸمەن بولعان كەزدەسۋلەر مەن كەلٸسسٶزدەرگە وڭ باعا بەرٸلدٸ.
قاسىم-جومارت توقاەۆ دونالد ترامپتى ٶزٸنە قولايلى ۋاقىتتا قازاقستانعا ساپارمەن كەلۋگە شاقىردى.
