اقوردانىڭ باسپاسٶز قىزمەتٸ فەيسبۋكتەگٸ رەسمي پاراقشاسىندا قر پرەزيدەنتٸ نۇرسۇلتان نازارباەۆتىڭ اقش-قا رەسمي ساپارى تۋرالى ۆيدەو جارييالادى, دەپ حابارلايدى "ۇلت اقپارات".
ۆيدەو «قر پرەزيدەنتٸنٸڭ اقش-قا رەسمي ساپارى: كەزدەسۋلەر مەن كەلٸسسٶزدەر حرونولوگيياسى» دەگەن اتاۋمەن شىقتى. وندا مەملەكەت باسشىسىنىڭ اقش-تا ٶتكٸزگەن كەزدەسۋلەر مەن كەلٸسسٶزدەرٸنەن ٷزٸندٸلەر كٶرسەتٸلەدٸ.
ەسكە سالا كەتەيٸك, قازاقستان پرەزيدەنتٸ 16-18 قاڭتاردا امەريكا قۇراما شتاتتارىنا رەسمي ساپارمەن بارعان-تىن. وندا نۇرسۇلتان نازارباەۆ اقش پرەزيدەنتٸ دونالد ترامپپەن كەزدەستٸ. سونداي-اق اقش-تىڭ رەسمي جەنە ٸسكەر توپتار ٶكٸلدەرٸمەن كەزدەسۋ ٶتكٸزدٸ. نەتيجەسٸندە قۇنى 7 ميلليارد تەڭگەنٸ قۇرايتىن 20-دان استام كەلٸسٸمگە قول قويىلدى.
مەملەكەت باسشىسى ساپار اياسىندا بۇۇ قاۋٸپسٸزدٸك كەڭەسٸنٸڭ وتىرىسىنا دا قاتىستى.
