قازاقستاندىق ەكونوميكانىڭ بولاشاقتاعى قۇرىلىمىننا جاڭاشا كٶزقاراسپەن قاراۋعا تۋرا كەلەدٸ.
بۇل تۋرالى تٶتەنشە جاعداي رەجيمٸن قامتاماسىز ەتۋ جٶنٸندەگٸ مەملەكەتتٸك كوميسسييانىڭ قورىتىندى وتىرىسىندا مەملەكەت باسشىسى قاسىم-جومارت توقاەۆ ايتتى, دەپ حابارلايدى قازاقپارات.
«بٸرٸنشٸ - قازاقستاندىق ەكونوميكانىڭ ٶز-ٶزٸنە جەتكٸلٸكتٸلٸگٸن ارتتىرۋ. بۇل ٷشٸن قولدا بار شيكٸزاتتىڭ بازالىق قۋاتىنىڭ نەگٸزٸندە ٶنەركەسٸپتە جاڭا قايتا ٶڭدەۋدٸ دامىتۋ قاجەت. بٸزگە قازاقستاندىق ەكونوميكانىڭ بولاشاقتاعى قۇرىلىمىننا جاڭاشا كٶزقاراسپەن قاراۋعا تۋرا كەلەدٸ. ونىڭ ەربٸر باستى «سەكتورىنىڭ رٶلٸن ايقىنداۋ قاجەت: ٶنەركەسٸپتٸك, ەنەرگەتيكالىق, اۋىل شارۋاشىلىعى, سەرۆيستٸك. باسقاشا ايتار بولساق, شۇعىل ارادا ەكونوميكانىڭ جاڭا قۇرىلىمىن قالىپتاستىرۋ كەرەك», - دەدٸ قاسىم-جومارت توقاەۆ.
قر پرەزيدەنتٸنٸڭ اتاپ ٶتۋٸنشە, ەنەرگەتيكالىق سەكتور ايتارلىقتاي رەفورمانى تالاپ ەتەدٸ. داعدارىستان كەيٸن ول بۇرىنعىداي بولماق ەمەس. ورتاشا مەرزٸمدٸ كەزەڭدە «جاسىل ەنەرگەتيكا» باعىتىنا قاراي ٸلگەرٸلەۋ - اسا قاجەتتٸلٸك.
«يندۋسترييالاندىرۋعا قاتىستى دا بٸزدٸڭ ەدٸستەرٸمٸزدٸ قايتا قاراپ شىعۋ قاجەت بولادى. ەكسپورتتىق جەنە ٸشكٸ نارىقتىڭ شىنايى مٷمكٸندٸكتەرٸن ايقىنداپ, قول جەتكٸزٸلەتٸن ماقساتتار مەن قۇرالداردى بەلگٸلەپ, ٸلگەرٸ جٷرۋ كەرەك», - دەدٸ پرەزيدەنت.
مەملەكەت باسشىسىنىڭ اتاپ ٶتۋٸنشە, مەملەكەتتٸك ساتىپ الۋلار مەن كۆازيمەملەكەتتٸك سەكتورداعى ساتىپ الۋلاردى ساۋاتتى پايدالانۋدى ەكونوميكالىق بەلسەندٸلٸكتٸ قالپىنا كەلتٸرۋدٸڭ قۇرالى رەتٸندە قاراستىرۋ قاجەت. بۇل رەتتە وتاندىق تاۋار ٶندٸرۋشٸلەردٸ قولداۋعا باعىتتالعان مەملەكەتتٸك ساتىپ الۋلاردىڭ ايرىقشا تەرتٸبٸ وسى جىلدىڭ تامىزىنا دەيٸن قولدانىستا بولادى. وتاندىق ماتەريالدار مەن قۇرال-جابدىقتاردى بارىنشا پايدالانۋ بيزنەستٸ دامىتۋدىڭ باسىمدىقتى شارتى رەتٸندە بەلگٸلەنەدٸ.
«ينفراقۇرىلىمدىق باعدارلامالار بويىنشا قازٸرگٸ ورنالاسۋ دەڭگەيٸن 40-تان 60-70 پايىزعا دەيٸن ارتتىرۋ كەرەك. ٷكٸمەتتٸڭ, ەكٸمدەردٸڭ, كۆازيمەملەكەتتٸك كومپانييا باسشىلارىنىڭ جۇمىسىن باعالاۋ نەگٸزٸنەن وسى كٶرسەتكٸشتەرگە بايلانىستى بولادى», دەدٸ قاسىم-جومارت توقاەۆ.
