فوتو: Akorda.kz
قاسىم-جومارت توقاەۆتىڭ جەتٸسۋ وبلىسىنا جۇمىس ساپارى ٶڭٸر ورتالىعى تالدىقورعان قالاسىندا جالعاستى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
پرەزيدەنت وبلىس ورتالىعىنداعى دراما تەاترىنا ەسٸمٸ بەرٸلگەن قازاق سسر حالىق ەرتٸسٸ بيكەن ريموۆانىڭ بيۋستٸنە گٷل شوعىن قويدى. بۇدان كەيٸن مەملەكەت باسشىسى تەاتر عيماراتىن ارالاپ كٶردٸ.
قاسىم-جومارت توقاەۆ تالدىقورعان دراما تەاترىندا جەتٸسۋ وبلىسىنىڭ زييالى قاۋىم ٶكٸلدەرٸمەن كەزدەسٸپ, پٸكٸر الماستى.
– بٷگٸن, مٸنە, حالقىمىزعا تانىمال اسا كٶرنەكتٸ اكتريسا بيكەن ريموۆا تەاترىندا كەزدەسٸپ وتىرمىز. ٶتە قۋانىشتىمىن. شىن مەنٸندە, بٸز ٶتكەن زاماننىڭ قايراتكەرلەرٸنە, ولاردىڭ ەڭبەگٸنە لايىقتى, ەدٸلەتتٸ باعا بەرۋٸمٸز كەرەك. بۇل ەلٸمٸزدٸڭ بولاشاعى ٷشٸن, جاس ۇرپاققا دۇرىس جول كٶرسەتۋ ٷشٸن قاجەت, – دەدٸ پرەزيدەنت.
مەملەكەت باسشىسى وبلىس زييالىلارىنا جاستار تەربيەسٸ مەن ايماقتىڭ كەلەشەگٸ تۋرالى ويىن ايتتى.
– بٸز ەلٸمٸزدٸڭ بولاشاعى قانداي باعىتتا داميتىنىن ويلاساق, ەڭ الدىمەن, جاستارىمىزعا كٶڭٸل بٶلۋٸمٸز كەرەك. ەلٸمٸزدٸڭ بولاشاعى جاستاردىڭ قولىندا. قاي جەرگە بارسام دا, ٷنەمٸ ايتىپ جٷرمٸن. جاستارىمىزدى كٶزٸ اشىق, كٶكٸرەگٸ وياۋ, ادال ازامات ەتٸپ تەربيەلەۋٸمٸز قاجەت. بۇل – ەل دامۋىنىڭ ماڭىزدى بٸر باعىتى. ال ەندٸ وبلىستىڭ دامۋىنا كەلەر بولساق, ٶڭٸردٸڭ ەلەۋەتٸ زور. دامۋ قارقىنى جاقسى, ەلٸ دە تٷيتكٸلدٸ مەسەلەلەر بار. مەن وبلىستىڭ جاعدايىن جاقسى بٸلەمٸن. الداعى ۋاقىتتا دا نازار اۋدارامىز, – دەدٸ قاسىم-جومارت توقاەۆ.
كەزدەسۋگە قاتىسۋشىلار ەلٸمٸزدٸڭ مەدەنيەت سالاسىنا ەرەكشە كٶڭٸل بٶلٸنٸپ, مەملەكەتتٸڭ قولداۋىن سەزٸنٸپ وتىرعانىن جەتكٸزٸپ, پرەزيدەنتكە العىس ايتتى. سونىمەن قاتار وبلىس اقساقالدارى كەشە رەسپۋبليكا كٷنٸندە ٶزٸڭٸز كٶتەرگەن كٶك بايراعىمىز جىعىلماسىن دەگەن تٸلەگٸن بٸلدٸردٸ.
مەملەكەت باسشىسى بۇل, ەڭ الدىمەن, تۇراقتىلىقتىڭ, تىنىشتىقتىڭ ارقاسى ەكەنٸنە نازار اۋداردى.
– ٶزدەرٸڭٸز بٸلەسٸزدەر, ەلەمدەگٸ احۋال كٷردەلٸ. ەڭ قۇبىلمالى كەزدە تۇرمىز. كٷردەلٸ كەز. سول سەبەپتٸ بەيبٸتشٸلٸك بٸزدٸڭ باستى بايلىعىمىز ەكەنٸن جاقسى تٷسٸنۋٸمٸز كەرەك. بٸرلٸگٸمٸز مىعىم بوپ, بٸر ەل بولىپ ەڭبەك ەتۋٸمٸز قاجەت. ەلدە زاڭ ٷستەمدٸگٸ مەن تەرتٸپ بولسا عانا, تىنىشتىق پەن دامۋ بولادى. پرەزيدەنتتەن باستاپ بەرٸمٸز كونستيتۋتسييانى قۇرمەتتەپ, زاڭعا باعىنۋىمىز كەرەك. زاڭ الدىندا بەرٸمٸز تەڭبٸز, – دەدٸ قاسىم-جومارت توقاەۆ.
كەزدەسۋ سوڭىندا پرەزيدەنت ەلٸمٸزدەگٸ باستامالاردىڭ تيٸمدٸ جٷزەگە اسىرىلۋىنا ەلەۋلٸ ٷلەس قوسىپ جٷرگەن وبلىس بەلسەندٸلەرٸنە ريزاشىلىعىن بٸلدٸردٸ.
