پرەزيدەنت قاسىم-جومارت توقاەۆ پارلامەنت سەناتى دەپۋتاتتارىنىڭ الدىندا سٶيلەگەن سٶزٸندە جوعارى پالاتا قوعامداعى ٶزەكتٸ ەرٸ ەلدٸ الاڭداتقان مەسەلەلەردٸ كٶتەرەتٸنٸن اتاپ ٶتتٸ, دەپ حابارلايدى اقوردانىڭ باسپاسٶز قىزمەتٸ.
«بٷكٸل ەلٸمٸزدٸڭ الدىندا تۇرعان مٸندەتتەردٸ ورىنداۋ ٷشٸن ەڭ الدىمەن بيلٸك تارماقتارى اراسىنداعى ٷيلەسٸم قاجەت. ماڭىزدى رەفورمالاردى جٷزەگە اسىرۋدا پارلامەنتتٸڭ, ەسٸرەسە, سەناتتىڭ رٶلٸ دە, قۇزىرەتٸ دە ەرەكشە. سەناتتىڭ ەڭ باستى مٸندەتٸ – ساپالى زاڭداردى قابىلداۋ. مۇنداي زاڭدار رەفورمالارعا جول اشادى, تۇراقتىلىق پەن تەرتٸپتٸ قامتاماسىز ەتەدٸ», – دەدٸ قاسىم-جومارت توقاەۆ.
مەملەكەت باسشىسى داريعا نازارباەۆانىڭ سەنات تٶراعاسى لاۋازىمىندا اتقارعان قىزمەتٸن جوعارى باعالاپ, وعان ٶز ريزاشىلىعىن بٸلدٸردٸ.
«ٶزدەرٸڭٸزگە مەلٸم, مەنٸڭ جارلىعىممەن سەنات دەپۋتاتى داريعا نۇرسۇلتانقىزى نازارباەۆانىڭ ٶكٸلەتتٸگٸ توقتاتىلدى. ول سەنات تٶراعاسى رەتٸندە بٸر جىلدان استام بەلسەندٸ ەرٸ جەمٸستٸ جۇمىس ٸستەدٸ. سول ٷشٸن داريعا نۇرسۇلتانقىزىنا ريزاشىلىعىمدى بٸلدٸردٸم», – دەدٸ پرەزيدەنت.
بٷگٸنگٸدەي كٷردەلٸ كەزەڭنەن ەلٸمٸزدٸ امان-ەسەن الىپ شىعۋ ٷشٸن سەنات دەپۋتاتتارىن جۇمىلا جۇمىس ٸستەۋگە شاقىرعان قاسىم-جومارت توقاەۆ پارلامەنت سەناتىنىڭ تٶراعاسى لاۋازىمىنا مەۋلەن ەشٸمباەۆتىڭ كانديداتۋراسىن ۇسىندى.
«ول مەملەكەت ٸسٸنٸڭ قىر-سىرىن جەتٸك مەڭگەرگەن, ۇزاق جىل تٷرلٸ سالادا جەمٸستٸ جەنە تيٸمدٸ قىزمەت اتقاردى. پارلامەنت جۇمىسىن جاقسى بٸلەدٸ. ەردايىم ٶزٸنە جٷكتەلگەن مٸندەتتەردٸ ابىرويمەن اتقارىپ كەلەدٸ. مەملەكەتتٸك قىزمەتتەگٸ تەجٸريبەسٸ مول. سوندىقتان بۇل قىزمەتتٸ ابىرويمەن اتقاراتىنىنا كٷمەنٸم جوق», – دەدٸ مەملەكەت باسشىسى.
جاسىرىن داۋىس بەرۋ قورىتىندىسى بويىنشا مەۋلەن ەشٸمباەۆ پارلامەنت سەناتىنىڭ تٶراعاسى بولىپ سايلاندى.
مەملەكەت باسشىسىنىڭ قر پارلامەنتٸ سەناتىندا سٶيلەگەن سٶزٸنٸڭ تولىق نۇسقاسىمەن مىنا سٸلتەمە ارقىلى تانىسۋعا بولادى.
