قازاقستان پرەزيدەنتٸ نۇرسۇلتان نازارباەۆ مۇزافار ەلٸمباەۆتىڭ قايتىس بولۋىنا بايلانىستى تۋعان-تۋىسقاندارى مەن جاقىندارىنا كٶڭٸل ايتۋ جەدەلحاتىن جولدادى, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى كٶرنەكتٸ اقىن, ۇلى وتان سوعىسىنىڭ ارداگەرٸ مۇزافار ەلٸمباەۆتىڭ دٷنيەدەن ٶتكەنٸ تۋرالى حاباردى زور كٷيزەلٸسپەن قابىلدادى.
جەدەلحاتتا مۇزافار ەلٸمباەۆتىڭ قازاق ەدەبيەتٸن دامىتۋعا جەنە قازاقستاننىڭ ٶسكەلەڭ ۇرپاعىن تەربيەلەۋگە باعا جەتپەس ٷلەس قوسقانى اتاپ ٶتٸلگەن.
«كەڭەستٸك كەزەڭدە ول قازاق ەدەبيەتٸنٸڭ الىپتارىمەن قاناتتاسا جٷرٸپ, وتان يگٸلٸگٸ جولىندا جەمٸستٸ ەڭبەك ەتتٸ. كٶپتەگەن جىر جيناقتارى مەن ەن مەتٸندەرٸنٸڭ اۆتورى اتاندى. ول وتىز جىلعا جۋىق بالالاردىڭ سٷيٸكتٸ «بالدىرعان» جۋرنالىنىڭ رەداكتورى بولىپ, انا تٸلٸمٸزدٸڭ دامۋىنا جەنە بٷلدٸرشٸندەرٸمٸزدٸڭ دۇرىس تەلٸم-تەربيە الۋىنا لايىقتى ٷلەس قوستى. قالىڭ جۇرتشىلىق ٷشٸن ونىڭ حالقىمىزدىڭ ماقال-مەتەلدەرٸن جيناقتاپ, زەرتتەۋدەگٸ ەڭبەگٸنٸڭ ماڭىزى زور. سونداي-اق, ول جۇرت ەردايىم ايتىپ جٷرەتٸن كٶپتەگەن قاناتتى سٶزدەر مەن سٶز تٸركەستەرٸن ٶمٸرگە ەكەلدٸ. مۇزافار ەلٸمباەۆتىڭ ەسٸمٸ مەن ەڭبەگٸن حالقىمىز ەردايىم جادىندا ساقتايدى دەپ سەنەمٸن», – دەلٸنگەن جەدەلحاتتا.
.jpeg)