فوتو: اقوردا
پرەزيدەنت قاسىم-جومارت توقاەۆ انتالييا ديپلوماتييالىق فورۋمىنىڭ «Mapping Tomorrow, Managing Uncertainties» پانەلدٸك سەسسيياسىنا قاتىستى. مەملەكەت باسشىسى بٷگٸنگٸ كٶشباسشىلاردىڭ بويىنان تابىلۋعا تيٸس قاسيەتتەرگە توقتالدى, دەپ حابارلايدى Ult.kz.
– جاھاندىق كٶشباسشىلار, ەلەمنٸڭ ەر قيىرىنداعى جەكەلەگەن مەملەكەتتەردٸڭ جەتەكشٸلەرٸ, ەڭ الدىمەن, حالىقارالىق قاۋٸپسٸزدٸك پەن بەيبٸتشٸلٸك مەسەلەلەرٸنە جاۋاپكەرشٸلٸكپەن قاراۋى قاجەت دەپ سانايمىن. قازٸرگٸ سەتتە ستراتەگييالىق ۇستامدىلىق ٶتە ماڭىزدى. مەنٸڭ ويىمشا, بٷگٸنگٸ كٷردەلٸ ەرٸ قاراما-قايشىلىققا تولى ەلەمدەگٸ شيەلەنٸستەردٸڭ تٷيٸنٸن تارقاتۋ اسا قيىن ەمەس. جاي عانا جاۋاپكەرشٸلٸك تانىتىپ, سابىرلى بولۋ قاجەت, – دەدٸ قازاقستان پرەزيدەنتٸ.
فوتو: اقوردا
مەملەكەت باسشىسى تاياۋ شىعىستاعى احۋالعا قاتىستى پٸكٸرٸن جەتكٸزدٸ. پرەزيدەنت كەلٸسسٶزدەر بارىسىندا باستى مەسەلەلەرگە دەن قويۋ كەرەك دەپ سانايدى.
– ەلەمدە ورىن العان جاعدايلارعا بايىپپەن قاراۋعا كەڭەس بەرەر ەدٸم. مەسەلەن, بەرٸ يراندى تالقىلاپ جاتىر. ەرينە, بۇل ەلدەگٸ احۋال ٶتە كٷردەلٸ. وعان قاتىستى قانداي دا بٸر پٸكٸر ايتۋ قيىن. قازاقستان شىعاناقتاعى ەلدەرگە تٸلەكتەستٸگٸن بٸلدٸردٸ. بٸز تاراپتاردى ستراتەگييالىق ۇستامدىلىققا جەنە ەسكەري ٸس-قيمىلدى توقتاتۋعا شاقىردىق. بۇل قاقتىعىستىڭ اۋىر سالدارىن بەرٸ سەزٸندٸ. ەڭ ەۋەلٸ ەكونوميكا قۇلدىرادى. بٷگٸندە ورمۋز بۇعازىندا كەمەلەردٸڭ ەركٸن جٷزۋٸنە قويىلعان توسقاۋىل تۋرالى ايتىلىپ جاتىر. بٸراق دەلٸزدٸڭ قاقتىعىسقا دەيٸن ەركٸن ساۋدا جاساۋعا اشىق بولعانىن ەسكەرۋ قاجەت. سوندىقتان مەسەلەنٸڭ مەنٸنە ٷڭٸلگەنٸمٸز جٶن. ال تٷيتكٸل يادرولىق تەحنولوگييا مەن يادرولىق قارۋدىڭ تارالۋىندا ەدٸ. بۇل يران تٶڭٸرەگٸندەگٸ قاقتىعىسقا قاتىستى كەلٸسسٶزدەردٸڭ باستى تاقىرىبىنا اينالۋى كەرەك. بٸراق قازٸر جاھاندىق ساۋدا مەسەلەسٸن تالقىلاۋعا كٶشٸپ كەتتٸك. قيىندىقتارعا قاراماستان, عالامدىق ساۋدا-ساتتىق كٶلەمٸ ٶسٸپ كەلەدٸ. بىلتىردىڭ ٶزٸندە ٶسٸم 2,5 پايىزدى قۇرادى. ياعني ەلەمدٸك ساۋداداعى جاعداي جامان ەمەس. الايدا ساۋدا-ساتتىقتىڭ ساپاسى مەن مازمۇنى – ٷلكەن پروبلەما, – دەدٸ قاسىم-جومارت توقاەۆ.
