قازاقستان پرەزيدەنتٸ قاسىم-جومارت توقاەۆ نۇر-سۇلتان قالاسىندا ٶتٸپ جاتقان «ورتالىق ازييا – كورەيا رەسپۋبليكاسى» فورۋمنىڭ 12-وتىرىسىنا قاتىسۋعا كەلگەن كورەيا رەسپۋبليكاسىنىڭ سىرتقى ٸستەر مينيسترٸ كان گيون حۆانى قابىلدادى, دەپ حابارلايدى "ۇلت اقپارات".
تاراپتار ەكٸجاقتى ستراتەگييالىق سەرٸكتەستٸكتٸڭ قازٸرگٸ احۋالى مەن پەرسپەكتيۆاسى, سونداي-اق, جوعارى دەڭگەيدە جاسالعان ۋاعدالاستىقتاردىڭ جٷزەگە اسۋ بارىسى جايىندا پٸكٸر الماستى.
مەملەكەت باسشىسى قازاقستان مەن وڭتٷستٸك كورەيا اراسىنداعى ساۋدا-ينۆەستيتسييالىق جەنە تەحنولوگييالىق قارىم-قاتىناستاردىڭ, سونىمەن قاتار, مەدەني-گۋمانيتارلىق بايلانىستاردىڭ قارقىنى جوعارى ەكەنٸن اتاپ ٶتتٸ.
– پرەزيدەنت مۋن چجە يننٸڭ سەۋٸر ايىنداعى ساپارى ٶتە جەمٸستٸ بولدى. ساپار بارىسىندا قول قويىلعان «سامال جەل» باعدارلاماسى ەكٸ ەل اراسىنداعى ىنتىماقتاستىقتىڭ دامۋىنا تىڭ سەرپٸن بەرەدٸ دەپ سانايمىز. بٸز ەكونوميكا جەنە بيزنەس سالالارى بويىنشا ىقپالداستىقتى ودان ەرٸ ارتتىرا بەرۋگە نيەتتٸمٸز, – دەدٸ قاسىم-جومارت توقاەۆ.
ٶز كەزەگٸندە وڭتٷستٸك كورەيالىق ديپلومات ٶز ەلٸنٸڭ پرەزيدەنتٸ مۋن چجە يننٸڭ سەلەمٸن جەتكٸزٸپ, قازاقستانمەن سەرٸكتەستٸكتٸ ەكٸجاقتى, سونداي-اق, ٶڭٸرلٸك نەگٸزدە دە ەرٸ قاراي دامىتۋعا دايىن ەكەندەرٸن راستادى.
– كەلەسٸ جىلى بٸزدٸڭ ەلٸمٸزگە جاسايتىن ساپارىڭىزدى اسىعا كٷتەمٸز. بٸزدٸڭ پرەزيدەنتٸمٸزدٸڭ قازاقستانعا جاساعان ساپارىنىڭ نەتيجەسٸ ٶتە جەمٸستٸ بولدى. وسى ساپار اياسىندا قول جەتكٸزٸلگەن ۋاعدالاستىقتار ٶزارا ىقپالداستىقتى ودان ەرٸ نىعايتۋدىڭ ناقتى باعىتتارىن ايقىندادى. ونى ەكٸ مەملەكەتتٸڭ تيٸستٸ ورگاندارى سەتتٸ ٸسكە اسىرىپ جاتىر. بارلىق مەسەلە ٶز جولىمەن دامۋدا. سٸزدٸڭ وڭتٷستٸك كورەياعا جاسايتىن ساپارىڭىز ىنتىماقتاستىعىمىزدىڭ جاڭا كٶكجيەكتەرٸن اشادى دەپ سەنەمٸز جەنە ول ٷشٸن بارلىق كٷش-جٸگەرٸمٸزدٸ جۇمسايمىز, – دەدٸ كان گيون حۆا.
