فوتو: الماتى ەكٸمدٸگٸ
18 تامىزدا الماتىدا تٷركٸ مەملەكەتتەرٸ ۇيىمىنىڭ (تمۇ) IV حالىقارالىق جاستار فەستيۆالٸنٸڭ رەسمي اشىلۋ سالتاناتى ٶتتٸ. ٸس-شارا بارىسىندا قالاعا «2025 جىلعى تٷركٸ ەلەمٸنٸڭ جاستار استاناسى» مەرتەبەسٸ بەرٸلدٸ, دەپ حابارلايدى Ult.kz.
فەستيۆالدٸڭ سالتاناتتى اشىلۋىنا قازاقستان رەسپۋبليكاسىنىڭ مەدەنيەت جەنە اقپارات مينيسترٸ ايدا بالاەۆا قاتىسىپ, مەملەكەت باسشىسى قاسىم-جومارت توقاەۆتىڭ ارنايى قۇتتىقتاۋ حاتىن وقىپ بەردٸ.
"الماتى – ازاتتىعىمىزدىڭ التىن بەسٸگٸ, جاسامپاز جاستاردىڭ قۇتتى مەكەنٸ. ٶركەنيەتٸمٸزدٸڭ ٶرٸسٸن كەڭەيتۋگە ٶلشەۋسٸز ٷلەس قوسقان كٶپتەگەن ۇلى تۇلعالارىمىز وسى قالادا ٶسٸپ-ٶنگەن. شىن مەنٸندە, تٶل مەدەنيەتٸمٸزدٸڭ تەمٸرقازىعىنا اينالعان شەجٸرەلٸ شاھار قازاق ەلٸنٸڭ عانا ەمەس, تٷركٸ مەملەكەتتەرٸنٸڭ دە رۋحاني ورداسى سانالادى. بٷگٸن اسقارالى الاتاۋدىڭ باۋرايىندا تٷبٸ بٸر تٷركٸ جۇرتىنىڭ بٸلٸمپاز, دارىندى ەرٸ بەلسەندٸ جاستارى باس قوسىپ وتىر. ٸرگەلٸ ٸس-شارا اياسىندا جاڭا دوستار تاۋىپ, تىڭ يدەيالار مەن جوبالاردى جٷزەگە اسىراسىزدار دەپ سەنەمٸن. ٶرەندەرٸمٸزدٸڭ بٸرلٸگٸ بەكەم بولسا, تٷركٸ ەلەمٸنٸڭ تۇعىرى مىعىم, بولاشاعى جارقىن بولارى سٶزسٸز. قازاقستان باۋىرلاس حالىقتاردىڭ يگٸ باستامالارىنا ٷنەمٸ قولداۋ كٶرسەتٸپ كەلەدٸ. بٸز ەلدەرٸمٸزدٸڭ اراسىنداعى جان-جاقتى ىقپالداستىقتى نىعايتۋعا ايرىقشا مەن بەرەمٸز. استانادا دٷنيەجٷزٸلٸك كٶشپەندٸلەر ويىندارىنىڭ ٶتۋٸ, اقتاۋدىڭ تٷركٸ ەلەمٸنٸڭ مەدەني استاناسى جەنە الماتىنىڭ تٷركٸ جاستارىنىڭ استاناسى اتانۋى – سونىڭ ايقىن دەلەلٸ", – دەلٸنگەن مەملەكەت باسشىسىنىڭ قۇتتىقتاۋىندا.
ٶز سٶزٸندە مينيستر ايدا بالاەۆا الماتىنىڭ مەدەنيەت پەن عىلىمنىڭ, بٸلٸم مەن يننوۆاتسييانىڭ توعىسقان ورتالىعى ەكەنٸن اتاپ ٶتتٸ. ونىڭ ايتۋىنشا, قالا بٷگٸندە تٷركٸ ەلەمٸنٸڭ جاس كٶشباسشىلارى مەن شىعارماشىل ٶكٸلدەرٸ ٷشٸن جاڭا يدەيالار مەن سەرٸكتەستٸكتٸڭ ورداسىنا اينالۋدا.
سالتاناتتى شاراعا ارنايى قاتىسقان تمۇ باس حاتشىسى كۋبانىچبەك ومۋراليەۆ:
"بٷگٸن بٸز تٷركٸ ەلەمٸنٸڭ جاستار استاناسى اتاعىن لەنكوران قالاسىنان قارقىندى دامىپ كەلە جاتقان الماتى قالاسىنا تابىستاۋ سەتٸنٸڭ كۋەسٸ بولىپ وتىرمىز. بۇل قادام – ورتاق قۇندىلىقتارىمىزدىڭ ساباقتاستىعىن, سونداي-اق بولاشاق تٷركٸ ەلەمٸن قالىپتاستىرۋداعى جاستاردىڭ ٶسٸپ كەلە جاتقان رٶلٸن ايقىن كٶرسەتەدٸ. ٶزدەرٸڭٸز بٸلەتٸندەي, الماتى قالاسىنا بۇل مەرتەبە تٷركٸ مەملەكەتتەرٸ ۇيىمىنا مٷشە ەلدەردٸڭ جاستار جەنە سپورت مينيسترلەرٸنٸڭ 8-شٸ وتىرىسىنىڭ شەشٸمٸ نەگٸزٸندە بەرٸلگەن بولاتىن. قالانىڭ زاماناۋي مەدەني ٶمٸرٸ, بەلسەندٸ بٸلٸم بەرۋ مەكەمەلەرٸ جەنە ىنتالى جاستارى – تٷركٸ ەلەمٸنٸڭ جاڭا بۋىنىنىڭ رۋحى مەن ەلەۋەتٸنٸڭ ايقىن كٶرٸنٸسٸ" - دەپ اتاپ ٶتتٸ.
الماتى قالاسىنىڭ ەكٸمٸ دارحان ساتىبالدى قالا جاستارىنىڭ لەبٸزٸمەن بٶلٸسٸپ:
"الماتى – تٷركٸ ەلدەرٸنٸڭ جاستارى باس قوساتىن, ورتاق مۇراتتار توعىساتىن, مەدەنيەتٸمٸز بەن دەستٷرٸمٸز جاڭعىراتىن ٷلكەن ورتاعا اينالۋدا. بۇل مەرتەبە – تەك اتاق ەمەس, بولاشاققا دەگەن ۋەدە. تٷركٸ جاستارىنىڭ داۋىسى وسى الماتىدان ەستٸلٸپ, يدەيالارى باستاۋ الىپ, دوستىعى وسى شاھاردا بەكٸسٸن! الماتى – بٸزدٸڭ ورتاق ٷيٸمٸز, تٷركٸ جاستارىنىڭ شامشىراعى, بولاشاقتىڭ ورتالىعى!" - دەدٸ.
فوتو: الماتى ەكٸمدٸگٸ
سالتاناتتى ٸس-شارا اياسىندا باۋىرلاستىقتىڭ, سەنٸم مەن جاڭا مٷمكٸندٸكتەردٸڭ نىشانىنا اينالعان جاستار استاناسى كٸلتٸن 2024 جىلعى جاستار استاناسى - لەنكوران قالاسى, ەزەربايجان ەلٸنٸڭ ٶكٸلدەرٸ الماتى جاستارىنا تابىستاپ, باۋىرلاستىق ەستافەتاسىن جالعادى.
ايتا كەتەيٸك, حالىقارالىق فەستيۆال قر مەدەنيەت جەنە اقپارات مينيسترلٸگٸنٸڭ جەنە الماتى قالاسى ەكٸمدٸگٸنٸڭ قولداۋىمەن ٶتٸپ جاتىر.
اباي الاڭىندا ۇيىمداستىرىلعان سالتاناتتى ٸس-شارادا الماتى تۇرعىندارى مەن قوناقتارىنا ەسترادا جۇلدىزدارى مەن شىعارماشىلىق ۇجىمداردىڭ قاتىسۋىمەن كەڭ كٶلەمدٸ كونتسەرت ۇسىنىلدى.
فەستيۆال 19 تامىزدا دا جالعاسادى. تٷركٸ مەملەكەتتەرٸ ۇيىمىنا مٷشە ەلدەر – قازاقستان, ەزەربايجان, قىرعىزستان, تٷركييا جەنە ٶزبەكستاننان كەلگەن دەلەگاتتار جاستار ساياساتى, كەسٸپكەرلٸك, ازاماتتىق بەلسەندٸلٸك جەنە ەلەۋمەتتٸك باستامالاردى دامىتۋ تەجٸريبەلەرٸمەن بٶلٸسەدٸ. سونداي-اق جاس كٶشباسشىلار مەن كەسٸپكەرلەردٸڭ كەزدەسۋٸ ٶتەدٸ.
