مەملەكەت باسشىسى قازاقستان حالقىن تەۋەلسٸزدٸك كٷنٸمەن قۇتتىقتادى

نۇرسۇلتان نازارباەۆ قازاقستان رەسپۋبليكاسىنىڭ تەۋەلسٸزدٸك كٷنٸنە ارنالعان سالتاناتتى جيىنعا قاتىستى, دەپ حابارلايدى "ۇلت اقپارات" اقورداعا سٸلتەمە جاساپ.

مەملەكەت باسشىسى جيىنعا قاتىسۋشىلاردى جەنە بارشا قازاقستان حالقىن ۇلتتىق مەرەكەمٸز – تەۋەلسٸزدٸك كٷنٸمەن قۇتتىقتادى.

قازاقستان پرەزيدەنتٸ تەۋەلسٸزدٸكتٸڭ 27 جىلى ٸشٸندە مەملەكەتٸمٸز ٶزٸنٸڭ دامۋ جولىندا زور جەتٸستٸكتەرگە جەتكەنٸن اتاپ ٶتتٸ.

ەلباسى ەگەمەن ەلٸمٸزدٸڭ قۇرىلۋ تاريحىندا قازاقستاننىڭ جاس استاناسىنىڭ ماڭىزدى رٶل اتقارعانىنا ايرىقشا توقتالدى.

– ەۋرازييانىڭ جٷرەگٸندە ورنالاسقان جاڭا ەلوردا جاڭعىرعان قازاقستاننىڭ سيمۆولى سانالادى. بيىل استانامىزدىڭ 20 جىلدىعىن ەلٸمٸزدٸڭ بارلىق ٶڭٸرٸمەن بٸرگە جوعارى دەڭگەيدە اتاپ ٶتتٸك, – دەدٸ نۇرسۇلتان نازارباەۆ.

مەملەكەت باسشىسى قازاقستاندا جٷرگٸزٸلگەن اۋقىمدى نارىقتىق رەفورمالار ميلليوننان استام ازاماتتارىمىزدىڭ كەسٸپكەرلٸك قابٸلەتتەرٸن ەكونوميكاعا جۇمىلدىرۋعا جول اشقانىن ايتتى.

– ەكونوميكانى جٷيەلٸ يندۋسترييالاندىرۋ ٶڭدەۋ ٶنەركەسٸبٸنٸڭ ٷلەسٸن ايتارلىقتاي ارتتىرۋعا سەپتٸگٸن تيگٸزدٸ. بٷگٸندە مۇنداعى ٶنٸم كٶلەمٸ شامامەن 9,5 تريلليون تەڭگەنٸ قۇراپ وتىر, – دەدٸ قازاقستان پرەزيدەنتٸ.

سونداي-اق, ەلباسى كٶلٸك-لوگيستيكا ينفراقۇرىلىمىنا تارتىلعان ينۆەستيتسييانىڭ ارقاسىندا قازاقستان قۇرلىقتىق ماڭىزى بار ترانزيتتٸك حابقا اينالعانىن اتاپ ٶتتٸ.

سونىمەن قاتار, نۇرسۇلتان نازارباەۆ تەۋەلسٸزدٸك جىلدارى تابىسى ەڭ تٶمەنگٸ كٷنكٶرٸس دەڭگەيٸنەن تٶمەن تۇرعىندار سانى 15 ەسە ازايىپ, ال ناقتى ەڭبەكاقى 4 ەسە ارتقانىن ايتتى.

– ەگەمەن قازاقستاننىڭ باستى جەتٸستٸكتەرٸنٸڭ بٸرٸ – حالقىمىزدىڭ سانى 18 ميلليوننان اسىپ, تۇرعىنداردىڭ ورتاشا ٶمٸر سٷرۋ ۇزاقتىعى 72,5 جاسقا جەتۋٸ. وسى ماڭىزدى جەڭٸستەرٸمٸز بەن يگٸ نەتيجەلەرٸمٸز بٸز تاڭداعان باعىتتىڭ دۇرىس ەكەنٸن راستاپ وتىر, – دەدٸ مەملەكەت باسشىسى.

قازاقستان پرەزيدەنتٸ 2018 جىلى ەلٸمٸزدٸڭ سىرتقى ساياساتتا دا, جاڭعىرۋ باعدارلامالارىن ٸسكە اسىرۋ اياسىندا دا قول جەتكٸزگەن باستى جەتٸستٸكتەرٸنە توقتالدى.

– بٸزدٸڭ جاۋاپتى ەرٸ سىندارلى سىرتقى ساياساتىمىز ەلەمدٸك ارەناداعى ٶز ورنىمىزدى ايتارلىقتاي نىقتاي تٷسۋگە مٷمكٸندٸك بەردٸ. قازاقستاننىڭ جەمٸستٸ بٸتٸمگەرلٸك قىزمەتٸ استاناداعى سيريياارالىق كەلٸسسٶزدەردٸڭ نەتيجەلٸ بولۋىنا سەپتٸگٸن تيگٸزدٸ, – دەدٸ ەلباسى.

سونداي-اق, نۇرسۇلتان نازارباەۆ «استانا» حالىقارالىق قارجى ورتالىعىن, «استانا حاب» ٸت-ستارتاپتاردىڭ حالىقارالىق تەحنوپاركٸن جەنە «جاسىل» تەحنولوگييالار مەن ينۆەستيتسييالىق جوبالاردىڭ حالىقارالىق ورتالىعىن ٸسكە قوسۋ جٶنٸندەگٸ جۇمىستاردىڭ نەتيجەلەرٸنە نازار اۋداردى.

– قوعامداعى بٸرلٸك پەن كەلٸسٸم بٸزدٸڭ بارلىق جەتٸستٸگٸمٸزدٸڭ باستاۋىندا تۇرعانىن ەردايىم ەستە ۇستاۋىمىز كەرەك. ەتنوسارالىق جەنە كونفەسسيياارالىق دامۋدىڭ قازاقستاندىق مودەلٸ بٷگٸندە حالىقارالىق برەندكە اينالدى, – دەدٸ مەملەكەت باسشىسى.

قازاقستان پرەزيدەنتٸ ەلٸمٸزدەگٸ كەيٸنگٸ باستامالاردىڭ بەرٸ تۇرعىندارىمىزدىڭ تۇرمىس ساپاسىن جاقسارتۋعا, قوعامدىق قاۋٸپسٸزدٸكتٸ جوعارى دەڭگەيدە قامتاماسىز ەتۋگە جەنە ەل-اۋقاتىمىزدى ارتتىرۋعا باعىتتالعانىن اتاپ ٶتتٸ.

– ەلەۋمەتتٸك سالانى كەشەندٸ جاڭعىرتۋ – بٸزدٸڭ ماڭىزدى باعىتىمىز. تەۋەلسٸزدٸك جىلدارى ميلليونعا جۋىق ازاماتىمىز باسپانالى بولدى. بٸز جۋىرداعى 5 جىل ٸشٸندە 70 ميلليون شارشى مەتردەن استام تۇرعىن ٷي سالامىز. بۇل شامامەن تاعى ەكٸ ميلليونعا جۋىق قازاقستاندىق باسپانالى بولادى دەگەن سٶز, – دەدٸ ەلباسى.

سوڭىندا نۇرسۇلتان نازارباەۆ تەۋەلسٸز ەل تۇرعىندارىنىڭ قازٸرگٸ بۋىنى ۋاقىت تالابىنا ساي بولىپ, قازاقستانداعى ەربٸر وتباسىنىڭ يگٸلٸگٸ مەن بەرەكەسٸن نىعايتۋعا ٷلەس قوساتىنىنا سەنٸم بٸلدٸردٸ.

مەملەكەت باسشىسىنىڭ سٶيلەگەن سٶزٸنٸڭ تولىق مەتٸنٸن مىنا جەردەن وقي الاسىزدار.