قىمباتتى وتانداستار!
رەسپۋبليكا كٷنٸ قۇتتى بولسىن!
قازاقستان وسىدان 35 جىل بۇرىن ەگەمەندٸك دەكلاراتسيياسىن قابىلداپ, جاڭا دەۋٸرگە قادام باستى. تاريحي قۇجاتتا حالقىمىزدىڭ ٶز بولاشاعىن دەربەس ايقىنداۋ قۇقىعى ناقتى كٶرٸنٸس تاپتى. سول ارقىلى بوستاندىقتىڭ بايراعىن كٶتەرٸپ, زاماناۋي مەملەكەت قۇرۋىمىزعا جول اشىلدى.
سودان بەرٸ ەلٸمٸز قيىن دا كٷردەلٸ جولدان ٶتتٸ. بٸز تەۋەلسٸزدٸگٸمٸزدٸڭ ساياسي-ەكونوميكالىق تۇعىرىن بەكٸتتٸك, شەكارامىزدى ايقىنداپ, ونى بٷكٸل ەلەمگە تانىتتىق, جاڭا استانامىزدى سالدىق. سونداي-اق جالپىۇلتتىق بٸرەگەيلٸگٸمٸزدٸ نىعايتۋ, ازاماتتارىمىزدىڭ ەل-اۋقاتىن ارتتىرۋ جولىندا زور جەتٸستٸككە قول جەتكٸزدٸك. قازاقستان ساليقالى ەرٸ سىندارلى سىرتقى ساياساتىنىڭ ارقاسىندا ٶزٸنٸڭ ۇلتتىق مٷددەسٸنە ادال, حالىقارالىق ابىروي-بەدەلٸ جوعارى مەملەكەت رەتٸندە قالىپتاستى.
دەگەنمەن الدىمىزدا بۇدان دا زور مٸندەتتەر تۇر. بٸز قازٸرگٸ الماعايىپ زامانداعى وراسان سىن-قاتەرلەرگە قاراماستان, بارلىق ازاماتقا بٸردەي مٷمكٸندٸك بەرەتٸن ەدٸلەتتٸ قازاقستاندى قۇرىپ جاتىرمىز. ساياساتتاعى, ەكونوميكا مەن ەلەۋمەتتٸك سالاداعى رەفورمالار وتانىمىزدىڭ ٶسٸپ-ٶركەندەۋٸن قامتاماسىز ەتٸپ, حالقىمىزدىڭ تۇرمىس ساپاسىن ارتتىرۋدى كٶزدەيدٸ.
بٸز «زاڭ جەنە تەرتٸپ» قاعيداتىن, «تازا قازاقستان» يدەولوگيياسىن, وتانشىلدىق پەن تٸلەۋلەستٸك, ەڭبەكقورلىق پەن جاۋاپكەرشٸلٸك, بٸلٸمپازدىق پەن كەسٸبيلٸك قۇندىلىقتارىن قوعامدا بارىنشا ورنىقتىرىپ, كەلەشەگٸنە سەنٸممەن قارايتىن وزىق ويلى ۇلت رەتٸندە قالىپتاسىپ كەلەمٸز.
ەر بۋىننىڭ ٶز ميسسيياسى بار. وسى ورايدا, بابالار ٶسيەتٸن ۇمىتپاي, قاستەرلٸ تەۋەلسٸزدٸگٸمٸزدٸ نىعايتا تٷسۋ, قازاقستاندى دامىعان, جاسامپاز ەرٸ ەدٸلەتتٸ ەل ەتۋ – بەرٸمٸزگە ورتاق پارىز.
بٸز ەسەلٸ ەڭبەكتٸڭ, ٶزارا قولداۋدىڭ جەنە ەڭ باستىسى, مىزعىماس بٸرلٸكتٸڭ ارقاسىندا بارلىق جوسپارىمىزدى تابىستى جٷزەگە اسىرىپ, جاڭا بەلەستەردٸ باعىندىرا بەرەتٸنٸمٸزگە سەنٸمدٸمٸن.
ەلٸمٸزدٸڭ كەلەشەگٸ – ەرقايسىمىزدىڭ قولىمىزدا.
قازاقستاننىڭ كٶك تۋى ەردايىم بيٸكتە جەلبٸرەسٸن!
بارشاڭىزعا زور دەنساۋلىق, باق-بەرەكە جەنە مول تابىس تٸلەيمٸن!
