مەملەكەت باسشىسى قاسىم-جومارت توقاەۆ ٷكٸمەتتٸڭ كەڭەيتٸلگەن وتىرىسىن ٶتكٸزدٸ, دەپ حابارلايدى "ۇلت اقپارات" اقورداعا سٸلتەمە جاساپ.
جيىنعا پرەمەر-مينيستر, پرەزيدەنت ەكٸمشٸلٸگٸنٸڭ باسشىسى, ٷكٸمەت مٷشەلەرٸ, نۇر-سۇلتان, الماتى, شىمكەنت قالالارى مەن وبلىستاردىڭ ەكٸمدەرٸ, قازاقستان پرەزيدەنتٸنە تٸكەلەي باعىنىشتى ورتالىق مەملەكەتتٸك ورگانداردىڭ باسشىلارى قاتىستى.
وتىرىستى اشقان قاسىم-جومارت توقاەۆ بيىلعى بٸرٸنشٸ جارتىجىلدىعىنداعى ەلٸمٸزدٸڭ ەلەۋمەتتٸك-ەكونوميكالىق دامۋ قورىتىندىلارىنا توقتالدى.
– قاڭتار-ماۋسىم ارالىعىندا جاقسى كٶرسەتكٸشتەرگە قول جەتكٸزدٸك دەپ ايتۋعا بولادى. اتاپ ايتساق, ەكونوميكالىق ٶسٸم 4,1 پايىزدى قۇرادى. ينفلياتسييانىڭ جىلدىق كٶرسەتكٸشٸ 5,4 پايىز بولدى. نەگٸزگٸ كاپيتالعا سالىنعان ينۆەستيتسييالاردىڭ كٶلەمٸ 11,7 پايىزعا ٶستٸ. ەرينە, اتالعان ەكونوميكالىق كٶرسەتكٸشتەردٸڭ بارلىعى حالىقتىڭ تۇرمىسىنا وڭ ىقپال ەتۋٸ تيٸس, – دەدٸ مەملەكەت باسشىسى.
جيىن بارىسىندا پرەمەر-مينيستر ا.مامين, ۇلتتىق بانكتٸڭ تٶراعاسى ە.دوساەۆ, يندۋسترييا جەنە ينفراقۇرىلىمدىق دامۋ مينيسترٸ ر.سكليار, ەڭبەك جەنە حالىقتى ەلەۋمەتتٸك قورعاۋ مينيسترٸ ب.ساپارباەۆ, اۋىل شارۋاشىلىعى مينيسترٸ س.وماروۆ, تٷركٸستان وبلىسىنىڭ ەكٸمٸ ٶ.شٶكەەۆ, قاراعاندى وبلىسىنىڭ ەكٸمٸ ە.قوشانوۆ جەنە اتىراۋ وبلىسىنىڭ ەكٸمٸ ن.نوعاەۆ بايانداما جاسادى.
قازاقستان پرەزيدەنتٸ سپيكەرلەردٸڭ نازارىن بانك سەكتورىنداعى مەسەلەلەرگە, قيىن جاعدايعا تاپ بولعان ازاماتتاردىڭ تۇتىنۋ كرەديتتەرٸنە قاتىستى قارىز جٷكتەمەلەرٸن تٶمەندەتۋ شارالارىن جٷزەگە اسىرۋ مٸندەتٸنە اۋداردى. سونداي-اق, كوممۋنالدىق قىزمەت كٶرسەتۋ جەنە تۇرعىن ٷي قورىن باسقارۋ مەسەلەلەرٸ بويىنشا تۇرعىندار تاراپىنان تٷسكەن ارىز-شاعىمداردىڭ كٶپتٸگٸن اتاپ كٶرسەتتٸ.
مەملەكەت باسشىسى تٷركٸستان وبلىسىنىڭ ەكٸمٸ ٶ.شٶكەەۆتٸڭ بايانداماسىنا توقتالىپ, ٶز تاپسىرماسى بويىنشا قاجەتتٸ قارجى بٶلٸنگەنٸن ايتتى.
– ۋاقىت ٶتە تىعىز. بٸز بۇل جۇمىستاردى قىسقا مەرزٸم ٸشٸندە اياقتاۋىمىز كەرەك. ەلٸمٸزدٸڭ ازاماتتارى, مەملەكەتتٸك ورگاندار, ٷكٸمەتتٸك ەمەس ۇيىمدار, ٶڭٸرلەر, وتاندىق بيزنەس جەنە بٸرقاتار شەتەلدٸك ينۆەستورلار زارداپ شەككەندەرگە ماتەريالدىق جەنە مورالدىق قولداۋ كٶرسەتتٸ. بۇل – حالقىمىزدىڭ بەرەكە-بٸرلٸگٸنٸڭ ارقاسى جەنە تۇتاستىعىمىزدىڭ كٶرٸنٸسٸ. بەرٸنە زور ريزاشىلىعىمدى بٸلدٸرەمٸن, – دەدٸ قازاقستان پرەزيدەنتٸ.
قاسىم-جومارت توقاەۆ قورعانىس مينيسترلٸگٸنە ەسكەري قويمالاردى كٶشٸرۋ جۇمىستارىن شۇعىل تٷردە بٸتٸرۋ قاجەت ەكەنٸن ايتتى.
مەملەكەت باسشىسى ارىستاعى جارىلىسقا كٸنەلٸلەردٸڭ بارلىعىن جازالاۋدى تاپسىردى. سونداي-اق, ەسكەري ۆەدومستۆوعا باقىلاۋدى ەلسٸرەتكەنٸ جەنە جارىلىسقا جول بەرٸلگەنٸ ٷشٸن قورعانىس مينيسترٸ ن.ەرمەكباەۆقا قاتاڭ سٶگٸس جارييالادى.
– قازٸر وقيعانى زەرتتەۋ ٷشٸن ارنايى كوميسسييا جۇمىس ٸستەپ جاتىر. كوميسسييا جۇمىسىنىڭ قورىتىندىسى بويىنشا پرەزيدەنت ەكٸمشٸلٸگٸ مەن قاۋٸپسٸزدٸك كەڭەسٸ كٸنەلٸلەردٸڭ بەرٸن قاتاڭ جازالاۋ جٶنٸندە ۇسىنىس ەنگٸزۋٸ قاجەت. بۇل قاۋٸپتٸلٸگٸ جوعارى نىساندارعا جاقىن جەرگە قۇرىلىس جۇمىستارىن جٷرگٸزۋگە رۇقسات بەرگەن ازاماتتىق مەملەكەتتٸك قىزمەتشٸلەرگە دە قاتىستى. كٸنەلٸلەردٸڭ بەرٸ قاتاڭ جاۋاپقا تارتىلىپ, جازالانۋى تيٸس, – دەدٸ قاسىم-جومارت توقاەۆ.
قازاقستان پرەزيدەنتٸ 20 تامىزعا دەيٸن باسقا دا وسىنداي نىساندارعا ەگجەي-تەگجەيلٸ تالداۋ جاساۋ ٷشٸن قورعانىس مينيسترلٸگٸنە, سونداي-اق, ەسكەرتۋلەر مەن تٶتەنشە جاعدايلاردى جويۋعا جاۋاپتىلاردىڭ فۋنكتسيونالدىق دايىندىقتارىن جەنە قىزمەتتٸڭ تيٸمدٸلٸگٸن ارتتىرۋ جٶنٸندە ٷكٸمەتكە تاپسىرما بەردٸ.
باياندامالاردى تىڭداعان مەملەكەت باسشىسى ٷكٸمەتتٸڭ, ۇلتتىق بانكتٸڭ جەنە ٶڭٸرلەر ەكٸمدەرٸنٸڭ جۇمىستارىنا وڭ باعا بەردٸ. قاسىم-جومارت توقاەۆ قورىتىندى سٶزٸندە باعدارلامالىق قۇجاتتار مەن سايلاۋالدى باعدارلامانىڭ جٷزەگە اسىرىلۋ تيٸمدٸلٸگٸن ارتتىرۋ قاجەتتٸگٸن ايتتى.
سونىمەن قاتار, مەملەكەت باسشىسى سايلاۋالدى باعدارلامانى جٷزەگە اسىرۋ ٷشٸن جاسالعان ٷكٸمەتتٸڭ جوبالىق وفيسٸنٸڭ جۇمىسىمەن تانىستى. قاسىم-جومارت توقاەۆقا جوبالىق وفيستٸ ۇيىمداستىرۋدىڭ نەگٸزگٸ جولدارى, باسىم باعىتتارى, ماقساتتارى مەن مٸندەتتەرٸ جٶنٸندە مەلٸمەت بەرٸلدٸ.
مەملەكەت باسشىسى بايانداماسىنىڭ تولىق مەتٸنٸن مىنا سٸلتەمە بويىنشا وقي الاسىزدار.
