فوتو: اقوردا
اقوردادا ەلٸمٸزگە رەسمي ساپارمەن كەلگەن يوردانييا كورولٸ ٸٸ ابداللا بەن ەل-حۋسەيندٸ سالتاناتتى قارسى الۋ رەسٸمٸ ٶتتٸ, دەپ حابارلايدى Ult.kz.
قاسىم-جومارت توقاەۆ پەن ٸٸ ابداللا بٸر-بٸرٸنە دەلەگاتسييا مٷشەلەرٸن تانىستىردى. سودان سوڭ قۇرمەت قاراۋىلى روتاسىنىڭ باستىعى راپورت بەرٸپ, ەكٸ ەلدٸڭ مەملەكەتتٸك ەنۇراندارى ورىندالدى. بۇدان كەيٸن مەملەكەتتەر باسشىلارى كەلٸسسٶز ٶتەتٸن زالعا باردى.
قازاقستان پرەزيدەنتٸ استاناعا شاقىرۋىن قابىل العانى ٷشٸن كورولگە العىس ايتىپ, جىل باسىندا اممانعا جاساعان ساپارىن ىقىلاسپەن ەسكە الدى.
"ۇلى مەرتەبەلٸ, قازاقستانعا قوش كەلدٸڭٸز! سٸزدٸڭ رەسمي ساپارىڭىز بٸز ٷشٸن زور مەرتەبە. بۇل سٸزدٸڭ ەلٸمٸزگە العاشقى كەلۋٸڭٸز ەمەس. قازاقستاننىڭ قازٸرگٸ ٶركەندەۋ جولىنا جٸتٸ نازار بٶلٸپ وتىراسىز. ەكٸجاقتى كٷن تەرتٸبٸندە جٷزەگە اسىرىلۋعا تيٸس بٸرقاتار مەسەلە بار. كەشە ەكٸ ەل اراسىنداعى قارىم-قاتىناستارعا, سونداي-اق حالىقارالىق كٷن تەرتٸبٸنە قاتىستى مازمۇندى ەڭگٸمە ٶربٸتتٸك. سٸزدٸڭ جاھانداعى جاعدايدى جەتٸك تٷسٸنەتٸنٸڭٸزگە ٶتە ريزامىن. بٷگٸن دە پٸكٸر الماسۋدى جالعاستىرۋعا مٷمكٸندٸگٸمٸز مول. يوردانييا مەن قازاقستان اراسىنداعى ەكٸجاقتى ىنتىماقتاستىق تابىستى دامىپ كەلەدٸ. دەگەنمەن تيٸستٸ دەڭگەيدە تالقىلاۋدى قاجەت ەتەتٸن مەسەلەلەر دە جوق ەمەس", – دەدٸ پرەزيدەنت.
ٸٸ ابداللا ەكٸجاقتى قارىم-قاتىناستى ودان ەرٸ نىعايتۋدىڭ ماڭىزىن اتاپ ٶتٸپ, ساۋدا-ەكونوميكالىق ىنتىماقتاستىقتى ارتتىرۋعا دايىن ەكەنٸن راستادى.
"جوعارى مەرتەبەلٸ, قىمباتتى باۋىرىم, جىلى سٶزٸڭٸزگە جەنە قۇرمەت كٶرسەتٸپ قابىلداعانىڭىزعا العىس ايتامىن. بۇل ساپار سٸزدٸڭ وسىدان بٸرنەشە اي بۇرىن مەنٸڭ ەلٸمە جاساعان تابىستى ساپارىڭىزدىڭ جالعاسى ٸسپەتتٸ. قازاقستان ماعان ٶتە جاقىن. مۇندا كەلگەن سايىن سٸزدٸڭ باسشىلىعىڭىزبەن ەلٸڭٸز جٷيەلٸ تٷردە ٶسٸپ-ٶركەندەپ كەلە جاتقانىنا كۋە بولىپ, تاڭعالامىن. ٶزٸڭٸز اتاپ ٶتكەندەي, كەشە ەكٸ ەل اراسىنداعى ىنتىماقتاستىقتى تٷرلٸ سالادا دامىتۋ بويىنشا پٸكٸر الماستىق. مەنٸڭ بٷگٸنگٸ ساپارىم قازاقستان مەن يوردانييا اراسىنداعى بەرٸك دوستىققا قۇرىلعان تاريحتىڭ جاڭا پاراعىن اشاتىنىنا سەنٸمدٸمٸن", – دەدٸ يوردانييا كورولٸ.
