فوتو: اقوردانىڭ باسپاسٶز قىزمەتٸنەن
مەملەكەت باسشىسى قاسىم-جومارت توقاەۆ حالىقارالىق بالالاردى قورعاۋ كٷنٸمەن قۇتتىقتادى دەپ حابارلايدى "ۇلت اقپارات".
پرەزيدەنت قۇتتىقتاۋىنىڭ تولىق مەتٸنٸ:
قۇرمەتتٸ وتانداستار!
بارشاڭىزدى حالىقارالىق بالالاردى قورعاۋ كٷنٸمەن قۇتتىقتايمىن! جارقىن جاز ٶسكەلەڭ ۇرپاققا قامقورلىقتىڭ سيمۆولىنا اينالعان وسى مەرەكەدەن باستالادى.
ۇل-قىزدارىمىزدىڭ پاراساتتى جەنە جان-جاقتى بولىپ ٶسۋٸنە جاعداي جاساۋ, جاس ازاماتتاردىڭ قۇقىعىن قورعاپ, دەنساۋلىعىن ساقتاۋ ەردايىم مەملەكەتتٸڭ باستى باسىمدىعى سانالادى. بالالار – بٸزدٸڭ بولاشاعىمىز. سوندىقتان ەلٸمٸزدەگٸ ەربٸر جەتكٸنشەكتٸڭ مەيٸرٸم مەن قامقورلىققا بٶلەنٸپ, ٷلكەننٸڭ قولداۋىن سەزٸنۋٸ, ەرتەڭگٸ كٷنگە سەنٸممەن قاراۋى ٶتە ماڭىزدى.
مەن جاس ۇرپاق ەدٸلەتتٸ قازاقستاننىڭ نەگٸزگٸ قاعيداتتارىن ناقتى جٷزەگە اسىرىپ, «ادال ازامات» تۇجىرىمداماسىنىڭ وزىق يدەالدارىنا تولىق ساي بولادى دەپ سەنەمٸن. ول ٷشٸن بٸز بٷكٸل قوعام بولىپ جالپىۇلتتىق قۇندىلىقتارىمىزدى ۇرپاقتىڭ بويىنا سٸڭٸرۋٸمٸز جەنە ولاردى ەڭبەكقورلىق پەن بٸلٸمپازدىققا باۋلۋىمىز كەرەك. سونداي-اق تٶل تاريحىمىز بەن مەدەنيەتٸمٸزدٸ قۇرمەتتەۋگە ٷيرەتۋٸمٸز قاجەت.
بارلىق بالا اتا-اناسى مەن جاقىندارىن وقۋداعى, شىعارماشىلىق سالاداعى جەنە سپورتتاعى جەتٸستٸكتەرٸمەن, جاقسىلىق پەن جاسامپازدىققا ۇمتىلىسىمەن قۋانتا بەرسٸن!
بارشاڭىزعا زور دەنساۋلىق, باق-بەرەكە, تولايىم تابىس تٸلەيمٸن!
