مەملەكەت باسشىسى بەرلينگە ساپارى بارىسىندا نەمٸس بيزنەسٸنٸڭ بٸرقاتار ٶكٸلدەرٸمەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
«CLAAS Group» كومپانيياسى باقىلاۋ كەڭەسٸنٸڭ تٶراعاسى كاترينا كلااس-ميۋلحويزەرمەن كەزدەسۋ بارىسىندا بٸرلەسكەن ينۆەستيتسييالىق جوبالاردى جٷزەگە اسىرۋ مەسەلەلەرٸ تالقىلاندى. «CLAAS Group» كومپانيياسى بٸزدٸڭ ەلٸمٸزگە «CT Agro» ديستريبيۋتورلىق جەلٸسٸ ارقىلى اۋىل شارۋاشىلىعى تەحنيكالارىن ەكەلٸپ, سەرۆيستٸك قىزمەت كٶرسەتۋمەن اينالىسادى.
– بٸزدٸڭ نەگٸزگٸ ستراتەگييامىز – ەلٸمٸزگە تارتىلاتىن ينۆەستيتسييالاردى ەرتاراپتاندىرۋ. ينۆەستيتسييا تۇرعىسىنان گەرمانييانىڭ نەگٸزگٸ ستراتەگييالىق سەرٸكتەسٸ بولعىمىز كەلەدٸ, – دەدٸ قاسىم-جومارت توقاەۆ.
كاترينا كلااس-ميۋلحويزەر قازاقستاننىڭ ٸرٸ كومپانييالارمەن عانا ەمەس, سونداي-اق, ورتا دەڭگەيدەگٸ كومپانييالارمەن دە ىنتىماقتاستىق ورناتۋعا نيەتتٸ ەكەنٸنە ريزاشىلىق بٸلدٸردٸ.
«Linde AG» كومپانيياسىنىڭ اتقارۋشى ۆيتسە-پرەزيدەنتٸ كريستيان برۋحپەن كەزدەسۋ بارىسىندا كەسٸپورىننىڭ قازاقستاندا جٷزەگە اسىرىپ جاتقان ينۆەستيتسييالىق جوبالارى مەن الداعى جوسپارلارى تۋرالى سٶز بولدى.
– كانتسلەر انگەلا مەركەلمەن جەنە پرەزيدەنت فرانك-ۆالتەر شتاينمايەرمەن جٷرگٸزٸلگەن بٷگٸنگٸ كەلٸسسٶزدەر جوعارى دەڭگەيدە ٶتتٸ. وسى كەلٸسسٶزدەر ەكٸجاقتى ىنتىماقتاستىقتى دامىتۋعا تىڭ سەرپٸن بەرەتٸنٸنە سەنٸمدٸمٸن, – دەدٸ مەملەكەت باسشىسى.
كريستيان برۋح ٶز كومپانيياسىنىڭ 2013 جىلى «ارسەلور ميتتال تەمٸرتاۋ» اق بازاسىندا تەحنيكالىق گاز ٶندٸرۋ جوباسىن ٸسكە اسىرعانىن اتاپ ٶتٸپ, وعان 95 ميلليون ەۆرو كٶلەمٸندە ينۆەستيتسييا سالعانىنا توقتالدى.
– بٷگٸندە «Linde AG» كومپانيياسى جوبانىڭ ەكٸنشٸ كەزەڭٸن قولعا الدى. جاڭا جوباعا شامامەن 80 ميلليون ەۋرو ينۆەستيتسييا سالۋعا نيەتتٸمٸز, – دەدٸ كريستيان برۋح.
سونىمەن قاتار گەرمانييالىق كومپانييا «قازمۇنايگاز» ۇك» اق ماڭعىستاۋ وبلىسىنىڭ جاڭاٶزەن قالاسىندا گاز ٶڭدەۋ زاۋىتىن سالۋ جٶنٸندە كەلٸسسٶزدەر جٷرگٸزٸپ جاتقانىن ايتتى.
قازاقستان پرەزيدەنتٸ «Schaeffler Group» كومپانيياسىنىڭ باس ديرەكتورى كلاۋس روزەنفەلدپەن كەزدەسۋ كەزٸندە ٶزارا ىنتىماقتاستىقتىڭ پەرسپەكتيۆالارىن تالقىلادى. اۆتوموبيل جاساۋ, ٶنەركەسٸپ جەنە عارىش سالالارى بويىنشا قوسالقى بٶلشەكتەر شىعاراتىن كەسٸپورىن باسشىسى كلاۋس روزەنفەلد قاسىم-جومارت توقاەۆقا ٶندٸرٸستٸك جەنە ينۆەستيتسييالىق مٷمكٸندٸكتەرٸ تۋرالى مەلٸمەت بەردٸ.
«Siemens Healthineers» كومپانيياسىنىڭ باس ديرەكتورى بەرند مونتاگ مەملەكەت باسشىسىنا مەملەكەتتٸك-جەكەمەنشٸك ەرٸپتەستٸك نەگٸزٸندە سالىناتىن ونكولوگييالىق ورتالىقتىڭ جوباسىن ۇسىندى. كەسٸپورىن باسشىسى ەلٸمٸزدٸڭ ٶندٸرٸستٸك ەلەۋەتٸن ارتتىرۋعا سەپتٸگٸن تيگٸزەتٸن ۇزاق مەرزٸمدٸ ىنتىماقتاستىق ورناتۋعا نيەتتٸ ەكەنٸن ايتتى.
