نۇرسۇلتان نازارباەۆ رەسەي فەدەراتسيياسى ٷكٸمەتٸنٸڭ تٶراعاسى دميتريي مەدۆەدەۆپەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى رەسەي فەدەراتسيياسى ٷكٸمەتٸنٸڭ تٶراعاسىمەن كەزدەسۋدە ەكونوميكانىڭ قازٸرگٸ جاعدايىندا مۇنداي باسقوسۋدىڭ ماڭىزدى ەكەنٸن ايتتى.
د.مەدۆەدەۆ قازاقستان پرەزيدەنتٸنە ەۋرازييالىق ەكونوميكالىق وداق اياسىندا ىنتىماقتاسۋدىڭ ٶزەكتٸ مەسەلەلەرٸن تالقىلاۋعا مٷمكٸندٸك بەرگەنٸ ٷشٸن العىس ايتىپ, قازاقستان مەن رەسەي اراسىنداعى ەكٸجاقتى قارىم-قاتىناستىڭ ودان ەرٸ دامۋىنا سەنٸم بٸلدٸردٸ.
– بٸز دوستاس قازاقستاننىڭ «ەكسپو-2017» كٶرمەسٸن ٶتكٸزۋ بارىسىندا جەتكەن جەتٸستٸكتەرٸنە قۋانامىز. بۇل – شىن مەنٸندە, سٸزدەر ٷشٸن دە, جالپى وداق ٷشٸن دە ماڭىزى زور وقيعا. بٷگٸن بٸز ەۋرازييالىق ٷكٸمەتارالىق كەڭەس اياسىندا قازٸرگٸ ەكونوميكالىق مەسەلەلەردٸ تالقىلايمىز. جۇمىسقا قولايلى جاعداي جاساعانىڭىز ٷشٸن سٸزگە العىس ايتامىن. ەكٸجاقتى قارىم-قاتىناسىمىز سوڭعى جىلدارداعىداي, قارقىندى تٷردە دامي تٷسەدٸ دەپ سەنەمٸن, – دەدٸ رەسەي فەدەراتسيياسى ٷكٸمەتٸنٸڭ تٶراعاسى.
