مەملەكەت باسشىسى بٸرقاتار كەزدەسۋ ٶتكٸزدٸ, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەتتٸك قىزمەت ٸستەرٸ اگەنتتٸگٸنٸڭ تٶراعاسى انار جايىلعانوۆا قاسىم-جومارت توقاەۆقا پرەزيدەنتتٸك جاستار كادرلىق رەزەرۆٸن جاساقتاۋعا بايلانىستى كونكۋرستىڭ ٶتكٸزٸلۋٸ جٶنٸندە باياندادى.
مەملەكەت باسشىسى ەدٸل ەرٸ اشىق بايقاۋ ٶتكٸزٸپ, ەڭ ٷزدٸك كانديداتتاردى ٸرٸكتەۋدٸڭ, سونداي-اق, تاياۋ جىلدارى ولاردى جۇمىسقا ورنالاستىرۋ مەسەلەسٸن شەشۋدٸڭ ماڭىزدىلىعىن ايتتى.
قاراعاندى وبلىسىنىڭ ەكٸمٸ جەڭٸس قاسىمبەك قاسىم-جومارت توقاەۆقا بيىلعى 9 ايدىڭ قورىتىندىسى بويىنشا ٶڭٸردٸڭ ەلەۋمەتتٸك-ەكونوميكالىق دامۋى, جٷزەگە اسىرىلىپ جاتقان ينۆەستيتسييالىق جوبالار, ەلەۋمەتتٸك ينفراقۇرىلىمنىڭ احۋالى, دەنساۋلىق ساقتاۋ جەنە بٸلٸم بەرۋ سالالارىنداعى نىسانداردىڭ قۇرىلىسى, سونداي-اق, تۇرعىن ٷي جەنە اۆتوجول سالۋ جۇمىستارىنىڭ بارىسى تۋرالى مەلٸمەت بەردٸ.
مەملەكەت باسشىسى ەلەۋمەتتٸك ماڭىزى بار ازىق-تٷلٸكتەردٸڭ باعاسىن, جىلۋ بەرۋ ماۋسىمىنىڭ ٶتكٸزٸلۋٸن, سونىمەن قاتار, اتاۋلى ەلەۋمەتتٸك كٶمەكتٸڭ بەرٸلۋٸن باقىلاۋدا ۇستاۋعا بايلانىستى بٸرقاتار تاپسىرما بەردٸ.
شىمكەنت قالاسىنىڭ ەكٸمٸ ەرلان ايتاحانوۆ قاسىم-جومارت توقاەۆقا تۇرعىنداردىڭ ەل-اۋقاتىن ارتتىرۋ جەنە قالاعا قوسىلعان اۋماقتاردىڭ ينفراقۇرىلىمىن دامىتۋ جايىندا باياندادى. سونداي-اق كەزدەسۋ بارىسىندا پرەزيدەنتكە شىمكەنت قالاسىن دامىتۋدىڭ ٷشجىلدىق جوسپارى ۇسىنىلدى.
مەملەكەت باسشىسى شىمكەنت قالاسىنىڭ ەكٸمٸنە قالا تٶڭٸرەگٸن ەلەكتر قۋاتى, گاز, اۋىزسۋ جەنە جول سەكٸلدٸ قاجەتتٸ ينفراقۇرىلىمدارمەن قامتاماسىز ەتۋ جۇمىستارىن بەلسەندٸ جٷرگٸزۋ اسا ماڭىزدى ەكەنٸن ايتتى.
