Memleket basshysy birqatar kezdesý ótkizdi, dep habarlaidy "Ult aqparat" Aqordaǵa silteme jasap.
Memlekettik qyzmet isteri agenttiginiń tóraǵasy Anar Jaiylǵanova Qasym-Jomart Toqaevqa Prezidenttik jastar kadrlyq rezervin jasaqtaýǵa bailanysty konkýrstyń ótkizilýi jóninde baiandady.
Memleket basshysy ádil ári ashyq baiqaý ótkizip, eń úzdik kandidattardy irikteýdiń, sondai-aq, taiaý jyldary olardy jumysqa ornalastyrý máselesin sheshýdiń mańyzdylyǵyn aitty.
Qaraǵandy oblysynyń ákimi Jeńis Qasymbek Qasym-Jomart Toqaevqa biylǵy 9 aidyń qorytyndysy boiynsha óńirdiń áleýmettik-ekonomikalyq damýy, júzege asyrylyp jatqan investitsiialyq jobalar, áleýmettik infraqurylymnyń ahýaly, densaýlyq saqtaý jáne bilim berý salalaryndaǵy nysandardyń qurylysy, sondai-aq, turǵyn úi jáne avtojol salý jumystarynyń barysy týraly málimet berdi.
Memleket basshysy áleýmettik mańyzy bar azyq-túlikterdiń baǵasyn, jylý berý maýsymynyń ótkizilýin, sonymen qatar, ataýly áleýmettik kómektiń berilýin baqylaýda ustaýǵa bailanysty birqatar tapsyrma berdi.
Shymkent qalasynyń ákimi Erlan Aitahanov Qasym-Jomart Toqaevqa turǵyndardyń ál-aýqatyn arttyrý jáne qalaǵa qosylǵan aýmaqtardyń infraqurylymyn damytý jaiynda baiandady. Sondai-aq kezdesý barysynda Prezidentke Shymkent qalasyn damytýdyń úshjyldyq jospary usynyldy.
Memleket basshysy Shymkent qalasynyń ákimine qala tóńiregin elektr qýaty, gaz, aýyzsý jáne jol sekildi qajetti infraqurylymdarmen qamtamasyz etý jumystaryn belsendi júrgizý asa mańyzdy ekenin aitty.
