مەملەكەت باسشىسى قاسىم-جومارت توقاەۆ تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسيندٸ قابىلدادى, دەپ حابارلايدى اقوردا.
قاسىم-جومارت توقاەۆقا مينيسترلٸكتٸڭ 2020 جىلدىڭ قورىتىندىسى بويىنشا اتقارعان جۇمىستارى, تسيفرلاندىرۋدىڭ دامۋ پەرسپەكتيۆالارى, سونداي-اق, ينتەرنەت بايلانىسىنا, سونىڭ ٸشٸندە, پرەزيدەنتتٸڭ حالىققا جولداۋىنداعى اۋىلدىق جەرلەردە قول جەتٸمدٸلٸكتٸ ارتتىرۋعا باعىتتالعان تاپسىرمالارىنىڭ ورىندالۋ بارىسى تۋرالى ەسەپ بەرٸلدٸ.
مينيستر مەملەكەت باسشىسىنا بايلانىس ساپاسىنىڭ تالاپتارى بەكٸتٸلگەنٸ جٶنٸندە باياندادى. ەندٸ 3G/4G جەلٸلەرٸ ٷشٸن ساپانىڭ تٶمەنگٸ شەگٸ انىقتالدى. بۇعان دەيٸن بايلانىس ساپاسىنىڭ تٶمەنگٸ شەگٸ رەگلامەنتتەلمەگەن بولاتىن.
سونىمەن قاتار راديوتولقىنداردى اۋكتسيون فورماتىندا انىقتاۋ جٶنٸندەگٸ زاڭناماعا ەنگٸزٸلەتٸن ٶزگەرٸستەر ەزٸرلەندٸ. بۇل 5G جەلٸسٸنە كٶشۋدە ماڭىزدى رٶل اتقارادى. سونداي-اق ەنگٸزٸلەتٸن ٶزگەرٸستەرگە سەيكەس بايلانىس ساپاسىنىڭ پارامەترلەرٸن بۇزعانى ٷشٸن سالىناتىن ايىپپۇل كٶلەمٸ 1000 اەك بولماق.
پرەزيدەنتكە مەملەكەتتٸك قىزمەت كٶرسەتۋدٸڭ قول جەتٸمدٸلٸگٸن قامتاماسىز ەتۋ ٷشٸن قابىلدانعان شارالار تۋرالى باياندالدى.
مينيستر eGov mobile موبيلدٸ قوسىمشاسىنا بيومەترييالىق سەيكەستەندٸرۋ جٷيەسٸن ەنگٸزۋ جايىندا ايتتى. بۇل حالىقتىڭ مەملەكەتتٸك قىزمەت كٶرسەتۋ جٷيەسٸنە تٸركەلٸپ, قىزمەت الۋ ۋاقىتىن ەدەۋٸر قىسقارتۋعا مٷمكٸندٸك بەرەدٸ. قاسىم-جومارت توقاەۆ اتالعان قوسىمشا ارقىلى مەملەكەتتٸك قىزمەت كٶرسەتۋ جۇمىستارىن تەزدەتۋدٸ تاپسىردى.
پرەزيدەنتكە «حالىق ٷنٸنە قۇلاق اساتىن مەملەكەت» تۇجىرىمداماسىن جٷزەگە اسىرۋ اياسىندا قولعا الىنعان ە-ارىز-شاعىمدار قىزمەت جٷيەسٸ تانىستىرىلدى. بۇل ازاماتتاردىڭ كومپيۋتەر تٷيمەسٸن بٸرنەشە مەرتە باسۋ ارقىلى ٶتٸنٸش-شاعىمدارىن بەرۋٸنە جەنە جەدەل تٷردە مەملەكەتتٸك ورگانداردان جاۋاپ الۋىنا مٷمكٸندٸك بەرەدٸ. مەملەكەت باسشىسى وسىنداي قىزمەتتٸڭ قۇرىلۋىنا قولداۋ بٸلدٸرٸپ, ونى تيٸمدٸ ەنگٸزۋگە تاپسىرما بەردٸ.
سونىمەن قاتار باعدات مۋسين قاسىم-جومارت توقاەۆقا «ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ جۇمىسى, ونىڭ ٸشٸندە, بٷكٸل ەلٸمٸز بويىنشا حالىققا قىزمەت كٶرسەتەتٸن 115 ورتالىقتى جاڭعىرتۋ جوسپارى تۋرالى ايتتى. وسىعان بايلانىستى مەملەكەتتٸك كورپوراتسييانىڭ كادرلىق ەلەۋەتٸن ارتتىرۋ مەسەلەسٸ ٶتە ماڭىزدى بولماق.
قاسىم-جومارت توقاەۆقا باسشىلىق قىزمەتتەرگە ٷمٸتكەرلەردٸ, سونىڭ ٸشٸندە, حالىققا قىزمەت كٶرسەتۋ ورتالىقتارىنىڭ جەتەكشٸلەرٸن ٸرٸكتەگەندە پرەزيدەنتتٸك جاستار كادرلىق رەزەرۆٸنٸڭ تەجٸريبەسٸن پايدالاناتىنى جٶنٸندە مەلٸمەت بەرٸلدٸ. مەملەكەت باسشىسى بۇل يدەيانى قولداپ, ٸرٸكتەۋ ٷدەرٸسٸنٸڭ بارىنشا اشىق بولۋىن قامتاماسىز ەتۋدٸڭ ماڭىزدىلىعىنا نازار اۋداردى. بۇل جۇمىستار مەملەكەتتٸك قىزمەت ٸستەرٸ اگەنتتٸگٸمەن بٸرلەسە اتقارىلادى.
باعدات مۋسين قاسىم-جومارت توقاەۆقا «تسيفرلىق قازاقستان» ۇلتتىق جوباسىنىڭ ترانسفورماتسييالانۋ ٷدەرٸسٸ تۋرالى باياندادى. وندا مەملەكەتتٸڭ ازاماتتارمەن ٶزارا ىقپالداستىعىنا, حالىقتىڭ مەسەلەلەرٸن شەشۋگە بايلانىستى بارلىق تىنىس-تٸرشٸلٸكتٸ ەسەپكە الۋعا باسا مەن بەرٸلەدٸ.
بۇدان بٶلەك مينيستر مەملەكەت باسشىسىنا قازاقستاندىق «KazSat» بايلانىس سەرٸگٸنٸڭ جٷيەسٸن دامىتۋ جٶنٸندە باياندادى. اتاپ ايتقاندا يننوۆاتسييالىق شەشٸمدەردٸڭ پايداسى ٷشٸن, سونىڭ ٸشٸندە بايلانىس سەرٸكتەرٸنٸڭ جاڭا تٷرلەرٸنٸڭ شىعۋىمەن بايلانىستى «KazSat-2R» جوباسىن توقتاتۋ تۋرالى شەشٸم قابىلداندى. بۇل بيۋدجەتتٸڭ ميللياردتاعان تەڭگە قارجىسىن ٷنەمدەۋگە مٷمكٸندٸك بەرەدٸ.
