ازاماتتىق العان قانداستارىمىز سولتٷستٸك ٶڭٸرگە كٶشسە ٷكٸمەت ولاردىڭ ٷي كەزەگٸنٸڭ ساقتالۋىن قامتاماسىز ەتۋٸ كەرەك. بۇل تۋرالى ۇلتتىق قوعامدىق سەنٸم كەڭەسٸنٸڭ 4-وتىرىسىندا مەملەكەت باسشىسى قاسىم-جومارت توقاەۆ ايتتى, دەپ حابارلايدى "ۇلت اقپارات".
«وتانىنا ورالعان قانداستاردى ٷيمەن قامتاماسىز ەتۋ مەسەلەسٸ دە تولىق شەشٸمٸن تاپقان جوق. ولاردىڭ تەك بٸر جىلعا بەرٸلەتٸن قانداس مەرتەبەسٸنٸڭ مەرزٸمٸ بٸتكەنشە عانا ٷي الۋعا مٷمكٸندٸگٸ بار. ال ازاماتتىققا يە بولعان سوڭ بۇل مەرتەبەسٸ جويىلىپ, سونىمەن بٸرگە ٷي الۋ قۇقىعىنان دا بٸردەن ايىرىلادى. وسىعان وراي ازاماتتىق العان قانداستارىمىز سولتٷستٸك ٶڭٸرگە كٶشسە, ٷكٸمەت ولاردىڭ ٷي كەزەگٸنٸڭ ساقتالۋىن قامتاماسىز ەتۋٸ كەرەك. بۇل شارا قانداستاردىڭ وسىنداي جۇمىس قولى تاپشى ايماقتارعا كٶشٸپ بارۋىنا قوسىمشا سەرپٸن بەرەدٸ», - دەدٸ مەملەكەت باسشىسى.
قر پرەزيدەنتٸنٸڭ اتاپ ٶتۋٸنشە, شەتەلدە تۋىپ-ٶسكەن قازاقتاردىڭ بارلىعى تاريحي وتانىن ماقتان تۇتادى.
«كٶپتەگەن قانداسىمىز اتاجۇرتقا ورالىپ جاتىر. ولارعا العاشقى كەزدە مەملەكەت جان-جاقتى قولداۋ كٶرسەتۋگە تيٸس»,- دەدٸ قاسىم-جومارت توقاەۆ.
