مەملەكەت باسشىسى استانادا «بەيبٸتشٸلٸك قابىرعاسى» مونۋمەنتٸن اشتى

ەلوردادا مەملەكەت باسشىسى نۇرسۇلتان نازارباەۆ «بەيبٸتشٸلٸك قابىرعاسى» مونۋمەنتٸنٸڭ اشىلۋ سالتاناتىنا قاتىستى. مونۋمەنت استانا قالاسىنىڭ 20 جىلدىعىنا ارنالعان اقتٶبە وبلىسىنىڭ تارتۋى بولىپ وتىر, دەپ حابارلايدى قازاقپارات تٸلشٸسٸ.

سالتاناتتى شاراعا ديپلوماتييالىق ميسسييالاردىڭ جەتەكشٸلەرٸ, كٶرنەكتٸ مەملەكەت جەنە قوعام قايراتكەرلەرٸ, پارلامەنت دەپۋتاتتارى, زييالى قاۋىم ٶكٸلدەرٸ, اقتٶبە وبلىسىنىڭ دەلەگاتسيياسى, سونىمە بٸرگە استانادا ٶتٸپ جاتقان حالىقارالىق كەلٸسٸمشارت ۇيىمىنىڭ قاتىسۋشىلارى قاتىستى.

اقتٶبەلٸكتەردٸڭ بٸرەگەي تارتۋى تەۋەلسٸزدٸك الاڭىنىڭ كٶرنەكتٸ تۇسىنا, «قازاق ەلٸ» مونۋمەنتٸنە جاقىن جەردە سالىنعان.

جوبا نەگٸزٸنە پرەزيدەنتتٸڭ «ەلەم. ححٸ عاسىر» انتييادرولىق مانيفەستٸنٸڭ يدەياسى ەنگٸزٸلگەن, سوندىقتان نىسان دەل 29 تامىز - حالىقارالىق يادرولىق سىناقتارعا قارسى ەرەكەت كٷنٸندە اشىلىپ وتىر. وسىدان تۋرا 27 جىل بۇرىن پرەزيدەنت جارلىعىمەن سەمەي يادرولىق سىناق الاڭى جابىلعان بولاتىن. بۇل - ەلەمدەگٸ ەڭ ٸرٸ يادرولىق قارۋى بار ەلدٸڭ بٸرٸنٸڭ ودان باس تارتۋ پروتسەسٸنٸڭ باستالۋى ەدٸ.

سەۋلەتشٸلەر اتاپ ٶتكەندەي, قابىرعا بٸرتۇتاس بٸرٸكتٸرٸپ, قورعاپ تۇراتىن جاپىراق تەرٸزدەس شاتىردى بەينەلەيدٸ. ياعني, دەستٷرلٸ تٷرٸك قۇرىلتايىنىڭ ٶنەگەسٸمەن ۇلتتاردى ۇيىستىرىپ, ولاردى بٸر شاڭىراقتىڭ استىنا جينايدى.

مەتالل مەن تابيعي تاستان تۇرعىزىلعان كەشەن ٷش بٶلٸكتەن تۇرادى. بٸرٸنشٸ بٶلٸگٸ - بٶلشەكتەۋ مەن وقشاۋلاۋدى, ەكٸنشٸ بٶلٸگٸ - ٷمٸت, ەركٸندٸك پەن تەۋەلسٸزدٸكتٸ, ٷشٸنشٸسٸ بەيبٸتشٸلٸك پەن ۇلتارالىق كەلٸسٸمدٸ ساقتاۋ جولىن بەينەلەيدٸ. مونۋمەنتتٸڭ جالپى ۇزىندىعى - 111 مەتر, ەنٸ - 18,4 مەتر, بيٸكتٸگٸ 17,5 مەتر.

«بەيبٸتشٸلٸك قابىرعاسىنىڭ» تۇرقى تٶزٸمدٸ ەرٸ بەرٸك تەمٸردەن جاسالعان. مونۋمەنتتٸ تۇرعىزۋعا جالپى اۋماعى 6 مىڭ تەكشە مەتر بولاتىن 1200 توننا گرانيت پايدالانىلادى. مەموريالدا ەلەمنٸڭ 51 تٸلٸندە «بەيبٸتشٸلٸك» دەگەن سٶز جازىلعان.

اۆتورلار جوبانىڭ كٶرنەكتٸ مازمۇنعا عانا ەمەس, ونىڭ فۋنكتسيونالدىعىنا دا جٸتٸ مەن بەرگەن. اسپالى شاتىردىڭ اشىق پانەلدەرٸ 2,5 ميلليون جارىق نٷكتەسٸ بار 616 تەكشە مەتردٸ الىپ جاتقان LED-جٷيەگە يە. ول كەز كەلگەن ٷلكەن كٶلەمدەگٸ ساندىق دٷنيەنٸ تاراتۋعا مٷمكٸندٸك بەرەدٸ. ەكرانعا شىعارۋ ەۋروپالىق ٶنٸم ٶندٸرۋشٸلەردٸڭ ەڭ سوڭعى ٷلگٸدەگٸ ۆيدەو, اۋديو جەنە كوممۋتاتسييالىق جابدىقتار ورناتىلعان سەرۆەرلٸك بٶلمەلەردە جٷزەگە اسىرىلادى. سول سەبەپتٸ بۇل تاڭعاجايىپ ارت-نىسان - ساياسي, مەدەني-بۇقارالىق, اقپاراتتىق شارالاردى, لازەرلٸك جەنە باسقا شوۋلاردى ٶتكٸزەتٸن تاماشا ورىنعا اينالماق.

قۇنى 1,8 ميلليارد تەڭگە تۇراتىن «بەيبٸتشٸلٸك قابىرعاسى» اقتٶبە وبلىسى اۋماعىندا جۇمىس ٸستەيتٸن كومپانييالار مەن كەسٸپكەرلەردٸڭ قارجىسىنا سالىنعانىن ايتا كەتكەن جٶن. ولاردىڭ قاتارىنا «ERG», «قازمۇنايگاز», «BIGroup», «اقتٶبەسەۋلەت» جشس, «استانا-دوستروي» جشس, «بابەكقۇرىلىس» جشس جەنە تاعى باسقالارى بار.