مەملەكەت باسشىسى استانا قالاسىنداعى №85 مەكتەپ-ليتسەيگە باردى

بٸلٸم كٷنٸ ەلباسى استانا قالاسىنداعى №85 مەكتەپ-ليتسەيگە باردى, - دەپ حابارلايدى "ۇلت اقپارات" اقورداعا سٸلتەمە جاساپ.

مەملەكەت باسشىسى كاتار مەملەكەتٸنٸڭ دامۋ قورىنىڭ قولداۋىمەن سالىنعان №85 جاڭا مەكتەپ-ليتسەيدٸڭ وقۋ كابينەتتەرٸن ارالاپ كٶرٸپ, ونىڭ ماتەريالدىق-تەحنيكالىق بازاسىمەن تانىستى, سونداي-اق وقۋشىلارمەن ەڭگٸمەلەستٸ.

نۇرسۇلتان نازارباەۆ جۋرناليستەر الدىندا سٶيلەگەن سٶزٸندە ەلٸمٸزدٸڭ بارشا وقۋشىلارىن, ۇستازدار قاۋىمى مەن اتا-انالاردى بٸلٸم كٷنٸمەن قۇتتىقتاپ, وسى سالتاناتتى ٸس-شارانىڭ ەلوردادا بوي كٶتەرگەن جاڭا وقۋ ورداسىنىڭ قابىرعاسىندا ٶتۋٸنٸڭ سيمۆولدىق مەنٸ بار ەكەنٸن ايتتى.

– بٷگٸندە رەسپۋبليكا بويىنشا 181 مەكتەپ سالىنىپ جاتىر. 23 مەكتەپتٸڭ قۇرىلىسى اياقتالىپ, العاشقى وقۋشىلارىن قابىلدادى. قازاقستان بويىنشا 7 مىڭنان استام مەكتەپ 3 ميلليون وقۋشىعا ەسٸك اشتى. سونىڭ 350 مىڭى – مەكتەپ تابالدىرىعىن العاش رەت اتتايدى, – دەدٸ قازاقستان پرەزيدەنتٸ.

ەلباسى XXI عاسىرداعى جوعارى تەحنولوگييالىق ەلەمدە ٸلٸم-بٸلٸم يننوۆاتسييانىڭ كٸلتٸ جەنە قازاقستان دامۋىنىڭ باستى رەسۋرسى سانالاتىنىن ايتىپ, مەملەكەتٸمٸز بٸلٸم بەرۋ سالاسىنا زور مەن بەرٸپ وتىرعانىنا توقتالدى.

مەملەكەت باسشىسى فۋنكتسيونالدىق ساۋاتتىلىقتى دامىتۋعا باعىتتالعان ورتا بٸلٸمنٸڭ جاڭارتىلعان مازمۇنىنا كٶشۋ قاجەتتٸلٸگٸن اتاپ ٶتٸپ, وقۋشىلاردىڭ قازٸرگٸ جاعدايدا العان بٸلٸمدەرٸ مەن ماشىقتارىن تەجٸريبەدە قولدانا الۋعا تيٸس ەكەنٸنە نازار اۋداردى. بۇل پەداگوگتٸڭ بٸلٸكتٸلٸگٸ مەن كەسٸبيلٸگٸنٸڭ جوعارى دەڭگەيدە بولۋىن تالاپ ەتەدٸ.

– مەملەكەت پەداگوگتاردى دايارلاۋ, بٸلٸم سالاسىنداعى ەڭبەكاقى جٷيەسٸن جەتٸلدٸرۋ جٶنٸندە جٷيەلٸ جۇمىس جٷرگٸزٸپ كەلەدٸ. وسى وقۋ جىلىنان باستاپ اتتەستاتسييادان ٶتكەن مۇعالٸمدەردٸڭ جالاقىسى جاڭا جٷيە بويىنشا 30-50 پايىزعا ارتادى, – دەدٸ قازاقستان پرەزيدەنتٸ.

نۇرسۇلتان نازارباەۆ زاماناۋي تەحنولوگييا دەۋٸرٸ مەن قازاقستاننىڭ ٷشٸنشٸ جاڭعىرۋىنىڭ تالاپتارى بالالارعا ساپالى بٸلٸم بەرٸپ, ولاردىڭ تالداۋ جەنە كرەاتيۆتٸ دامۋ قابٸلەتٸن قالىپتاستىرۋ ٷشٸن جاڭا مٸندەتتەر قوياتىنىن اتاپ ٶتٸپ, وقۋشىلاردىڭ اقپاراتتىق تەحنولوگييا مەن شەت تٸلدەرٸن ەركٸن مەڭگەرۋٸ قاجەت ەكەنٸنە نازار اۋداردى.

***

1200 ورىنعا ارنالعان بٸلٸم مەكەمەسٸندە 48 كابينەت بار. جاراتىلىستانۋ-ماتەماتيكا باعىتىنداعى №85 مەكتەپ-ليتسەيدٸڭ وقىتۋ پروتسەسٸ مەملەكەتتٸك بٸلٸم ستاندارتىنىڭ تالاپتارىنا ساي يننوۆاتسييالىق تەحنولوگييالاردى پايدالانۋ ارقىلى مەملەكەتتٸك جەنە ورىس تٸلدەرٸندە جٷرگٸزٸلەدٸ.