بٷگٸن, 23 شٸلدەدە الماتى قالاسىنداعى «دوستىق ٷيٸندە» اقپارات جەنە قوعامدىق دامۋ مينيسترٸ ايدا بالاەۆا قازاقستاننىڭ ەڭبەك سٸڭٸرگەن مەدەنيەت قايراتكەرٸ, ارداگەر جۋرناليست حانىمبٷبٸ اقجولوۆانىڭ 100 جاسقا تولۋىنا بايلانىستى مەرەيتوي يەسٸنە مەملەكەت باسشىسى قاسىم-جومارت توقاەۆتىڭ ارنايى العىس حاتىن تابىستادى, دەپ حابارلايدى "ۇلت اقپارات" مينيسترلٸكتٸڭ باسپاسٶز قىزمەتٸنە سٸلتەمە جاساپ.
«سٸز عيبراتتى عۇمىر جولىڭىزدىڭ بٷگٸنگٸ بٸر عاسىرلىق بەلەسٸنە ٷلكەنگە دە, جاسقا دا ٷلگٸ بولاتىن ادامي بيٸك بولمىسىڭىزبەن جەتٸپ وتىرسىز. وتاندىق باسپاسٶز سالاسىندا كٶپ جىل قاجىرلى قىزمەت ەتٸپ, ەلٸمٸزدٸڭ بۇقارالىق اقپارات قۇرالدارىن دامىتۋعا وراسان زور ەڭبەك سٸڭٸردٸڭٸز. ەل يگٸلٸگٸ ٷشٸن اتقارعان جەمٸستٸ جۇمىسىڭىز ٷشٸن سٸزگە العىسىمدى بٸلدٸرٸپ, 100 جاسقا تولعان مەرەيتويىڭىزبەن شىن جٷرەكتەن قۇتتىقتايمىن. دەنٸڭٸزگە ساۋلىق, ەۋلەتٸڭٸزگە اماندىق تٸلەيمٸن», – دەلٸنگەن العىس حاتتا.
سونىمەن قاتار مينيستر ٶز سٶزٸندە مەرەيتوي يەسٸنە: «سٸز بٷكٸل سانالى عۇمىرىڭىزدى – قازاق جۋرناليستيكاسىنىڭ دامۋىنا ارنادىڭىز. سوندىقتان ٶزٸڭٸزدٸڭ تٶل سالاڭىز – باسپاسٶز زامانمەن بٸرگە ٶسٸپ-ٶركەندەپ, ٶز ورنىن جوعالتپاي كەلەدٸ. مۇنىڭ ٶزٸ ەڭ الدىمەن ٶزٸڭٸزدەي ارداگەر-جۋرناليستەر سالعان سارا جولدىڭ جەمٸستٸ جالعاسى ەكەنٸ داۋسىز. سوندىقتان بٷگٸنگٸ مەرەيتويىڭىز ەۋلەتٸڭٸزدٸڭ عانا ەمەس, بٸزدٸڭ ۇلتتىق جۋرناليستيكانىڭ ورتاق قۋانىشى», - دەپ اتاپ ٶتتٸ.
ٶز كەزەگٸندە حانىمبٷبٸ اقجولوۆا مەملەكەت باسشىسىنىڭ ىستىق ىقىلاستى قۇتتىقتاۋىنا ريزاشىلىعىن بٸلدٸرە وتىرىپ «بٸر عاسىر بيٸگٸندە» اتتى جاڭا كٸتاپتىڭ بٸر داناسىن پرەزيدەنتكە جولدادى.
حانىمبٷبٸ اقجولوۆا الماتى وبلىسىندا دٷنيەگە كەلگەن. قازاقستانعا ەڭبەگٸ سٸڭگەن مەدەنيەت قايراتكەرٸ, ارداگەر جۋرناليست.
1944 جىلى قازمۋ-دٸڭ فيلولوگييا فاكۋلتەتٸنٸڭ جۋرناليستيكا بٶلٸمٸنە وقۋعا تٷسٸپ, ەدەبيەتتانۋشى, پروفەسسور مٷسٸلٸم بازارباەۆ, اتاقتى عالىم, جازۋشى-جۋرناليست مۇقان ماماجانوۆ, جازۋشى كەمەل توقاەۆ سىندى بولاشاق تانىمال تۇلعالارمەن قاتار وقىپ, بٸلٸم العان.
1949 جىلى بٸلٸم ورداسىن قىزىل ديپلوممەن تەمامداپ, «سوتسياليستٸك قازاقستان» («ەگەمەن قازاقستان») رەسپۋبليكالىق گازەتٸندە ۇزاق جىلدار بويى قىزمەت اتقارعان. كەيٸننەن تۋعان جەرٸنە ورالىپ, جامبىل اۋداندىق «بولشەۆيكتٸك جول» («ەكپٸندٸ ەڭبەك») گازەتٸنە رەداكتور بولىپ تاعايىندالىپ, قاجىرلى ەڭبەك ەتەدٸ. 1971 جىلى زەينەت جاسىنا جەتٸپ, «قازاقستانعا ەڭبەگٸ سٸڭگەن مەدەنيەت قايراتكەرٸ» قۇرمەتتٸ اتاعىن يەلەنگەن. الماتى وبلىسىنىڭ قۇرمەتتٸ ازاماتى.
