پرەزيدەنت قاسىم-جومارت توقاەۆ الماتى قالاسىنىڭ ەكٸمٸ ەربولات دوساەۆتى قابىلدادى, دەپ حابارلايدى "ۇلت اقپارات".
الماتى قالاسىنىڭ ەكٸمٸ ەربولات دوساەۆ پرەزيدەنتكە بيىلعى بٸرٸنشٸ جارتىجىلدىقتاعى الماتى قالاسىنىڭ ەلەۋمەتتٸك-ەكونوميكالىق دامۋىنىڭ الدىن الا قورىتىندىسى تۋرالى باياندادى. ونىڭ ايتۋىنشا, اتالعان كەزەڭدە الماتىدا ينۆەستيتسييالىق ٶركەندەۋدٸڭ جوعارى قارقىنى بايقالادى.
«نەگٸزگٸ كاپيتالعا سالىنعان ينۆەستيتسييا كٶلەمٸ 15,8 پايىزعا ٶسٸپ, 714,8 ميلليارد تەڭگەگە جەتتٸ. جەكە ينۆەستيتسييانىڭ كٶلەمٸ 21,1 پايىزعا ۇلعايدى, ونىڭ ٸشٸندە IT-سەكتوردا, سونداي-اق تۋريزم, ٶڭدەۋ ٶنەركەسٸبٸ, دەنساۋلىق ساقتاۋ جەنە كٶلٸك سالالارىندا ٶسٸم بار. جىل سوڭىنا دەيٸن 2 تريلليون تەڭگە ينۆەستيتسييا تارتىلادى دەپ جوسپارلانىپ وتىر. 2024 جىلدىڭ باسىنان بەرٸ 32,7 مىڭ جۇمىس ورنى اشىلدى. ونىڭ 75 پايىزى تۇراقتى جۇمىس ورنى», — دەپ باياندادى ەربولات دوساەۆ.
ەكٸم سونداي-اق قاسىم-جومارت توقاەۆقا قوعامدىق كٶلٸكتٸ جاڭارتۋ مەن ەكولوگييالىق تالاپتارعا سەيكەستەندٸرۋ بويىنشا قابىلدانىپ جاتقان شارالار تۋرالى مەلٸمەت بەردٸ.
«بيىل ەكولوگييالىق تازا قوعامدىق كٶلٸكتٸڭ ٷلەسٸ 70 پايىزعا دەيٸن ارتادى. بىلتىر بۇل كٶرسەتكٸش 53,7 پايىزدى قۇراعان. جەرگٸلٸكتٸ بيۋدجەت ەسەبٸنەن جىل سوڭىنا دەيٸن گازبەن جٷرەتٸن 600 اۆتوبۋس, 100 ەلەكترلٸ اۆتوبۋس, 112 تروللەيبۋس ساتىپ الىنادى. سونداي-اق قالانىڭ تروللەيبۋس پاركٸ تولىعىمەن جاڭارتىلادى», — دەپ حابارلادى الماتى ەكٸمٸ.
پرەزيدەنتكە قالانىڭ جوعارعى بٶلٸگٸن سۋمەن قامتۋدىڭ رەزەرۆتٸك سحەماسىن جاساۋ جٶنٸندەگٸ تاپسىرماسىنىڭ ورىندالۋى تۋرالى باياندالدى.
«بۇل باعىتتاعى قۇرىلىس جۇمىستارى بيىلعى شٸلدە ايىندا اياقتالىپ, 6 جاڭا ۇڭعىما جەنە 1,5 شاقىرىم ماگيسترالدىق قۇبىر پايدالانۋعا بەرٸلدٸ. نەتيجەسٸندە قوسىمشا سحەمانىڭ قۋاتى 60 پايىزعا ارتتى. بۇل مەدەۋ اۋدانىنىڭ 50 مىڭ تۇرعىنىن سۋمەن ٷزدٸكسٸز قامتاماسىز ەتۋگە مٷمكٸندٸك بەرەدٸ», — دەدٸ ەربولات دوساەۆ.
ەربولات دوساەۆتىڭ ايتۋىنشا, ەلەۋمەتتٸك ينفراقۇرىلىمدى دامىتۋعا ەرەكشە كٶڭٸل بٶلٸنەدٸ. بيىل 4 مەديتسينالىق-سانيتارلىق العاشقى كٶمەك ورتالىعىنىڭ قۇرىلىسى جەنە 12 ەمحانانىڭ كٷردەلٸ جٶندەۋ جۇمىستارى اياقتالادى. بۇعان قوسا, جىل سوڭىنا دەيٸن 11 جاڭا مەديتسينالىق-سانيتارلىق العاشقى كٶمەك ورتالىعى مەن ەمحانا قۇرىلىسىنىڭ جوباسى جاسالادى. وسى جىلى ماۋسىم ايىندا الماتى قالاسىنىڭ پەريناتولوگييا جەنە بالالار كارديوحيرۋرگيياسى ورتالىعىندا «فەتالدٸ حيرۋرگييا» پيلوتتىق جوباسى جٷزەگە استى. بۇل جوبا ەلٸمٸزدە العاش رەت قولعا الىنىپ وتىر.
مەملەكەت باسشىسىنا مەكتەپتەردەگٸ ورىن تاپشىلىعىن ازايتۋ باعىتىندا جٷرگٸزٸلٸپ جاتقان جۇمىستار جٶنٸندە ايتىلدى. جىل سوڭىنا دەيٸن جەرگٸلٸكتٸ بيۋدجەت ەسەبٸنەن 3,7 مىڭ ورىندىق 8 نىسان پايدالانۋعا بەرٸلەدٸ. سونىمەن قاتار 6,4 مىڭ ورىندىق 10 جەكەمەنشٸك مەكتەپ اشىلادى.
پرەزيدەنت قاسىم-جومارت توقاەۆ ٶڭدەۋ ٶنەركەسٸبٸن دامىتۋعا, سونداي-اق الماتى ەكونوميكاسىن ەرتاراپتاندىرۋ اياسىندا شاعىن جەنە ورتا بيزنەس ٷلەسٸنٸڭ ٶسۋٸ ەسەبٸنەن كٸرٸستٸ ودان ەرٸ ارتتىرۋعا باسا نازار اۋدارۋدى تاپسىردى.
