نۇرسۇلتان نازارباەۆ امەريكا قۇراما شتاتتارىنىڭ قازاقستان رەسپۋبليكاسىنداعى تٶتەنشە جەنە ٶكٸلەتتٸ ەلشٸسٸ دجوردج كرولمەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى نۇرسۇلتان نازارباەۆ دجوردج كرولدىڭ قازاقستان رەسپۋبليكاسى مەن اقش اراسىنداعى ەكٸجاقتى قارىم-قاتىناستى دامىتۋدا ەرەكشە رٶل اتقاراتىنىن ايتىپ, بٷگٸنگٸ كەزدەسۋ قازاقستان پرەزيدەنتٸنٸڭ امەريكا قۇراما شتاتتارىنا رەسمي ساپارى قارساڭىندا ٶتٸپ جاتقانىن اتاپ ٶتتٸ.
– 26 جىل ٸشٸندە بٸزدٸڭ ەلدەرٸمٸز اراسىندا ٶزارا دوستىق قارىم-قاتىناس ورناپ, 70-تەن استام مەملەكەتارالىق, ٷكٸمەتارالىق جەنە ۆەدومستۆوارالىق كەلٸسٸمگە قول قويىلدى, – دەدٸ نۇرسۇلتان نازارباەۆ.
كەزدەسۋ بارىسىندا مەملەكەت باسشىسى اقش پرەزيدەنتٸ د.ترامپپەن بٸرگە ستراتەگييالىق سەرٸكتەستٸكتٸڭ باسىم باعىتتارىندا, سونىڭ ٸشٸندە تەرروريزمگە قارسى كٷرەس جٷرگٸزۋ, يادرولىق قارۋدى تاراتپاۋ رەجٸمٸن نىعايتۋ سالاسىندا, سونداي-اق ساۋدا-ەكونوميكالىق جەنە ينۆەستيتسييالىق ىنتىماقتاستىق اياسىن ودان ەرٸ كەڭەيتۋ باعىتىندا قول جەتكٸزٸلگەن ۋاعدالاستىقتاردىڭ ماڭىزدىلىعىن ايتتى.
– قازاقستاندا امەريكا كاپيتالىنىڭ قاتىسۋىمەن 500-گە جۋىق كومپانييا جۇمىس ٸستەيدٸ, سولاردىڭ 140-تان استامى – بٸرلەسكەن كەسٸپورىندار. ولار تاۋار ٶندٸرٸپ, ٶنٸمدەرٸن باسقا ەلدەرگە ەكسپورتتاۋمەن اينالىسادى, – دەدٸ قازاقستان پرەزيدەنتٸ.
دجوردج كرول قازاقستان رەسپۋبليكاسىنداعى ديپلوماتييالىق قىزمەتٸنە جوعارى باعا بەرگەنٸ ٷشٸن نۇرسۇلتان نازارباەۆقا العىس ايتىپ, قازاقستان پرەزيدەنتٸنٸڭ الداعى ساپارى ەكٸ مەملەكەت اراسىنداعى بايلانىستى ودان ەرٸ نىعايتا تٷسەتٸنٸنە سەنٸم بٸلدٸردٸ.
