قازاقستاندا ورتا بٸلٸم بەرۋ مەكەمەلەرٸندە ٶزٸن-ٶزٸ باسقارۋ جٷيەسٸن ەنگٸزۋ جوسپارلانۋدا. بۇل تۋرالى قر بٸلٸم جەنە عىلىم مينيسترٸ اسحات ايماعامبەتوۆ مەلٸم ەتتٸ, دەپ حابارلايدى قازاقپارات.
«ۇلتتىق كەڭەس وتىرىستارىندا قارالىپ ۇسىنىلعان يدەيالار مەن باستامالاردىڭ 43 پايىزى بٸلٸم بەرۋ سالاسىنا قاتىستى. بۇل دەگەنٸمٸز بٸلٸم قاشاندا باستى نازاردا دەگەن سٶز. بٸلٸم سالاسىنداعى بٷگٸنگٸ ٶزگەرٸستەرگە كەلسەم, الدىمەن باسقارۋ. ايتار بولسام, بٷگٸندە جوعارى وقۋ ورىندارىنا كورپوراتيۆتٸك باسقارۋ جٷيەسٸن ەنگٸزدٸك. بۇرىن ۋنيۆەرسيتەت رەكتورلارى بارلىق ماڭىزدى شەشٸمدەردٸ ٶز بەتتەرٸمەن قابىلداسا, ەندٸ ديرەكتورلار كەڭەسٸ بار. ورتا بٸلٸم بەرۋگە كەلسەك, ەندٸگٸ ۋاقىتتا مۇعالٸمدەر جۇمىسقا بايقاۋ ارقىلى قابىلدانادى. سونىمەن قاتار بٸز قارجىلاندىرۋ سالاسىندا دا ايتارلىقتاي رەفورما جٷرگٸزٸپ جاتىرمىز. ەندٸگٸ ۋاقىتتا بٸلٸم بەرۋ ۇيىمدارىنا قارجى جان باسىنا ەسەپتەلٸپ بٶلٸنەدٸ. بۇل ناقتىلىق. دەمەك جوو-دا 1 مىڭ ستۋدەنت بار ما سونشا جانعا ەسەپتەلٸنٸپ قاراجات بٶلٸنەدٸ», - دەدٸ ايماعامبەتوۆ ەلوردادا ٶتكەن پرەزيدەنتتٸك جاستار كادرلىق رەزەرۆتەرٸنٸڭ فورۋمىندا.
ودان بٶلەك, مينيستر بٸلٸم بەرۋ سالاسىنداعى تاعى بٸر جاڭاشىلدىق مەكتەپكە دەيٸنگٸ تەربيە جەنە بٸلٸم بەرۋ ۇيىمدارىن اتا-انانىڭ ٶزٸ تاڭداي الاتىنىن ايتىپ ٶتتٸ.
«سوڭعى 2 جىلدا ەلٸمٸزدە جەكە مەكتەپتەردٸڭ سانى 2 ەسەگە ارتتى. بۇل ٶز كەزەگٸندە مەملەكەتتٸك بيۋدجەتكە تٷسەتٸن سالماقتى ازايتادى. قازٸرگٸ ۋاقىتتا جوو-عا ٶزٸن-ٶزٸن باسقارۋ جٷيەسٸ ەنگٸزٸلدٸ, بۇل تەجٸريبە كوللەدجدەرگە دە ەنگٸزٸلٸپ جاتىر. الداعى ۋاقىتتا ٶزٸن-ٶزٸ باسقارۋ جٷيەسٸن مەكتەپتەرگە ەنگٸزەتٸن بولامىز. سەبەبٸ پاندەمييا بٸلٸم بەرۋ مەكەمەلەرٸ باسشىلارىنىڭ ٶز بەتٸنشە شەشٸم قابىلداپ, تيٸمدٸ جۇمىس ٸستەۋدٸڭ ماڭىزدىلىعىن كٶرسەتتٸ. تسيفرلاندىرۋعا كەلسەك, بٷگٸندە مەكتەپتەگٸ پەندٸك وليمپيادالار مەن ۇبت ەلەكتروندىق فورماتتا ٶتٸپ جاتىر. بۇل ۋاقىت پەن قارجىنى ەلدەقايدا ٷنەمدەيدٸ», - دەيدٸ ول.
