«مەكتەپكە بارىپ, بٸلٸم العىم كەلەدٸ»: كٶپبالالى انا حالىقتان كٶمەك سۇرادى

سايات ەسٸمدٸ بالدىرعانعا اق قان دياگنوزى قويىلعان. دەرٸگەرلەر ونىڭ جٸلٸك مايىن اۋىستىرۋ قاجەت ەكەندٸگٸن ايتادى. ەندٸ ساياتتىڭ ٶمٸرٸن ساقتاپ قالۋ ٷشٸن اتا-اناسى شەت ەلگە اتتانۋعا مەجبٷر.

"5 جاسقا دەيٸن سايات زەرەك ٶستٸ. اتقارعان جۇمىسى تيياناقتى, كەز كەلگەن دٷنيەگە قىزىعۋشىلىق تانىتىپ,  كٶرسەم, بٸلسەم" دەپ تۇراتىن دەيدٸ اناسى. الايدا, بۋىنى بەكٸپ, بۇعاناسى قاتپاعان بالدىرعاندى تاعدىر تەزٸنە سالدى دەرسٸز. 8 اي بۇرىن دەرٸگەرلەر لەيكەمييا دياگنوزىن قويعان.

«قىركٷيەك ايىنان باستاپ, بالامنىڭ قۇلاعى اۋىرلاپ, مۇرىنى بٸتەلٸپ, موينىنان بەزدەر بايقادىم. سودان كەيٸن ناقتى دياگنوزى انىقتالدى. قانشا اي بولدى, قارقىندى تٷردە ەمدەلٸپ جاتىرمىز. بٸراق بەتٸ بەرٸ قايتقانىمەن, جٸلٸك مايىن اۋىستىرماي جاسالعان ەم دۇرىس بولمايدى», – دەدٸ اناسى اليما دٷيسەنبيەۆا.

بالانىڭ ەمٸ ٷشٸن قازٸر قوماقتى قاراجات كەرەك. وتباسى بۇل سالادا تٷرٸك اعايىندارىمىزدىڭ تەجٸريبەسٸ مەن ەم-شاراسىن جوعارى ساناپ, ستامبۇلعا جول جٷرمەك نيەتتە. ال تٷركييالىق مەديتسينا قىزمەتكەرلەرٸ جاقىندا بالاعا دونور تابىلعانىن ايتىپ قۋانتقان. تەك قارجى جاعى قولبايلاۋ بولىپ تۇر. وتاعا 50 ملن تەڭگە قاجەت.

«بارلىق قازاقستاندىقتاردان, اعا-ەپكەلەرٸمٸزدەن, بار جاقسىلاردان كٶمەك سۇرايمىز. بالا جازىلىپ كەتسە ەكەن دەيمٸن. قولداۋىڭىزعا, كٶمەگٸڭٸزگە مۇتاجبىز», – دەدٸ اناسى.

قازٸر ساياتقا ەرەكشە كٷتٸم كەرەك. بۇعان دەيٸن بٸرنەشە رەت حيمييا مەن سەۋلەلٸ تەراپييا الىپتى. ول بالا اعزاسىنا اسا اۋىر تيگەن كٶرٸنەدٸ. ەندٸ جالعىز ٷمٸت كٷردەلٸ وتادا دەيدٸ اناسى.

«ارمانىم تەزٸرەك  مەكتەپكە بارىپ, بٸلٸم السام دەيمٸن. باۋىرلارىمنىڭ ورتاسىندا بولعىم كەلەدٸ», – دەدٸ  سايات ەسەنبەك.

اتا-اناسى بالاسى سىرتقاتقا شالدىققان كٷننەن باستاپ, تٷرلٸ قورلار مەن قايىرىمدىلىق توپتارعا جاعدايىن ايتىپ جٷگٸنگەن. جومارت جانداردىڭ كٶمەگٸمەن بٷگٸنگە دەيٸن 7 ملن تەڭگە جينالىپتى. دەسە دە بالانىڭ ەمٸ ٷشٸن بۇل قارجى جەتكٸلٸكسٸز بولىپ تۇر. بٷلدٸرشٸننٸڭ ساۋىعىپ كەتۋٸنە جاعداي جاساپ, ٷلەس قوساتىن جانى جايساڭ جاندار بولسا, ەكراندا كٶرسەتٸلگەن تەلەفون نٶمٸرلەرگە حابارلاسسا بولادى.

ۇلاعات ارعىن, ساعىنتاي مۇڭايتپاسوۆ, «الماتى» تەلەارناسى