ەلٸمٸزدٸڭ ٶڭٸرٸلەرٸندە سالىنۋعا تيٸس مەكتەپتەرگە بيۋدجەتتەن ميللياردتاعان قارجى بٶلٸنگەن. الايدا بٷگٸندە قۇرىلىس جۇمىستارىنا 145 ملرد جەتٸسپەيتٸندٸگٸ انىقتالىپ وتىر, دەپ حابارلايدى قازاقپارات تٸلشٸسٸ.
مەجٸلٸستە «نۇرلى جول» باعدارلاماسى اياسىندا سالىنۋى تيٸس بٸلٸم نىساندارىنىڭ قۇرىلىسىنا قاتىستى وتىرىس الدىندا باق ٶكٸلدەرٸنە سۇحبات بەرگەن مەجٸلٸس دەپۋتاتى ولەگ كازانتسەۆتٸڭ ايتۋىنشا, بەس جىلدىق كەزەڭدە بٸلٸم بەرۋ نىساندارى, اتاپ ايتقاندا 175 بالاباقشا مەن مەكتەپ قۇرىلىسى مەملەكەت تاراپىنان قارجىلاندىرىلادى. اتالعان نىساندار 2019 جىلى تولىعىمەن اياقتالۋى تيٸس.
«175 نىساننان 19 بالاباقشا پايدالانۋعا بەرٸلدٸ. ال مەكتەپتەرگە قاتىستى جاعداي بٸرشاما تٷسٸنٸكسٸزدەۋ بولىپ تۇر. ياعني قۇرىلىستىڭ اياقتالۋ مەرزٸمٸ وسى جىلعا, 2019 جىلعا اۋىستىرىلعان نىساندار بار. 4 مەكتەپ بويىنشا مەن-جايدى انىقتاۋ ٷستٸندەمٸز, قازٸر ولاردىڭ قۇرىلىسى جٷرٸپ جاتىر. پروبلەما كونكۋرستىق پروتسەدۋرالاردى جەنە نىسانداردى تاپسىرۋدىڭ ارالىق قورىتىندىلارىن دەر ۋاقىتىندا رەسٸمدەمەۋمەن بايلانىستى. سوندىقتان بۇل رەتتە جاعدايدى تٷزەۋگە بولادى», - دەدٸ ول.
دەپۋتاتتىڭ ايتۋىنشا, بٸلٸم نىساندارىنىڭ قۇرىلىسىنا قاتىستى مٷلدەم تٷسٸنٸكسٸز مەسەلەلەر دە بار. مەسەلەن, ٷكٸمەت بەكٸتٸپ, نىسانداردىڭ قۇرىلىسى ٷشٸن ٶڭٸرلەرگە بٶلٸنگەن 145 ملرد تەڭگە تٶڭٸرەگٸندە قانداي دا بٸر ايلا-شارعى ورىن العان.
«قازٸر ۇلتتىق قوردان قارجىلاندىرۋ توقتاتىلدى. ياعني بارلىق مٸندەتتەمەلەر ورىندالدى. الايدا بٸزدە كٶشپەلٸ نىساندارى پايدا بولىپ وتىر. 2019 جىلى ولار قايدان قارجىلاندىرىلاتىندىعى بەلگٸسٸز. 2018 جىلعا دا ەزٸرشە ناقتى جوبا الىپ وتىرعانىمىز جوق. بٸز تاياۋ 2-3 اپتا ٸشٸندە بۇل پروتسەسستٸ تالقىلايمىز. قارجى قايدا كەتتٸ, نەلٸكتەن جەتپەي قالدى, قوسىمشا قارجى قايدان الىنادى دەگەن مەسەلەلەر قارالادى»», - دەدٸ ولەگ كازانتسەۆ.
