قر بٸلٸم جەنە عىلىم ۆيتسە-مينيسترٸ شولپان كارينوۆا بيىل مەكتەپ بٸتٸرۋ كەشتەرۋ قانداي فورماتتا ٶتەتٸنٸن تٷسٸندٸردٸ, دەپ حابارلايدى قازاقپارات.
«مەكتەپ بٸرتٸرۋشٸلەر ٷشٸن ەمتيحاندار اياقتالعاننان كەيٸن, 11-سىنىپ وقۋشىلارى ٷشٸن 12-14 ماۋسىم ارالىعىندا مەكتەپ بٸتٸرۋ كەشتەرٸن ۇيىمداستىرۋ مەسەلەسٸ قاراستىرىلادى. مەكتەپ بٸتٸرۋ كەشتەرٸن ۇيىمداستىرۋعا بايلانىستى ٸس-شارالار اشىق, تازا اۋادا ٶتكٸزٸلۋٸ دەنساۋلىق ساقتاۋ مينيسترلٸگٸمەن كەلٸسٸلگەن. بۇل تۇرعىدا وقۋشىلارى از مەكتەپتەر وسى ٸس-شارانى بارلىق سىنىپ ٷشٸن ٶتكٸزە الادى. ال مەكتەپ بٸتٸرۋشٸ سىنىپتار كٶپتەۋ بولعاندا, بٸرنەشە كەزەڭگە بٶلٸپ ۇيىمداستىرۋ مٷمكٸندٸگٸ بار», - دەدٸ ش. كارينوۆا مينيسترلٸكتٸڭ اپپارات جينالىسىندا.
وسى ورايدا ول بۇل ٸس-شارانىڭ نەگٸزگٸ ماقساتى مەكتەپ تٷلەكتەرٸنٸڭ جالپى ورتا بٸلٸمدٸ اياقتاپ, بٸلٸمٸ تۋرالى قۇجاتتى الۋىنا ارنالعانىن ەسكە سالدى.
«سوندىقتان مەكتەپ بٸتٸرۋ كەشٸن ٶتكٸزۋ كەزٸندە ەربٸر مەكتەپتٸڭ ٸشٸندە رەسمي تٷردە اتتەستاتتى تابىستاۋ ٸس-شاراسىن ۇيىمداستىرۋ ۇسىنىلادى. سونىمەن قاتار, داستارحان جايۋعا نەمەسە باسقا دا كٶڭٸل كٶتەرۋ ورىندارىندا (تويحانا, مەيرامحانا, دەمحانا) رۇقسات ەتٸلمەيدٸ. بۇل ٸس-شارا تەك مەكتەپتە رەسمي تٷردە اتتەستات تابىستاۋدى ەسكەرەدٸ», - دەدٸ ۆيتسە-مينيستر.
ايتا كەتەيٸك, مەكتەپ بٸتٸرۋ كەشٸن سانيتارلىق قاۋٸپسٸزدٸك تالاپتارىن ساقتاۋ ارقىلى ٶتكٸزٸلەدٸ. وسى ورايدا مەرەكەلٸك انيماتورلاردى, تٷرلٸ توي ۇيىمداستىرۋ اگەنتتٸكتەرٸن, جەكە ستۋدييالاردى شاقىرتۋعا تىيىم سالىنعان.
بۇدان بۇرىن حابارلانعانداي, سوڭعى قوڭىراۋ ەدەتتەگٸدەي 25 مامىردا ٶتكٸزٸلەدٸ. بيىلعى شەكتەۋ ٸس-شارالارى ەسكەرٸلٸپ, بٸرنەشە فورمات ۇسىنىلماق. بٸرٸنشٸدەن, دەستٷرلٸ تٷردە اشىق تازا اۋادا 9 جەنە 11-سىنىپ وقۋشىلارى ٷشٸن, سونداي-اق 300-گە دەيٸن وقۋشىسى بار ەرٸ وسى ۋاقىتقا دەيٸن شتاتتىق رەجيمدە وقىتىپ كەلە جاتقان مەكتەپتەر ٶتكٸزەدٸ.
