فوتو: facebook.com/bibigul.dauletbek
بەلگٸلٸ تەلەجٷرگٸزۋشٸ ەرٸ بلوگەر بيبٸگٷل دەۋلەتبەكقىزى قاجىلىققا بارۋدى "سەنگە اينالدىرعان" شوۋ-بيزنەس ٶكٸلدەرٸنە قاتىستى ويىن بٶلٸستٸ. سونداي-اق, ول ورامال بٷركەنٸپ, كەيٸن ونى شەشٸپ تاستايتىن ەنشٸلەردٸ سىنعا الدى, دەپ حابارلايدى "ۇلت اقپارات".
"ينستاگرامدى اشساڭ بولدى, الدىڭنان مەككەدە جٷرگەن شوۋ-بيزنەستەردٸڭ سايقىمازاقتارى: "ۋمرادا جٷرمٸن" دەگەن سۋرەتتەرٸن جارىسا سالۋدا. كەشە عانا دٶتەنٸن جالتىراتىپ جٷرگەن ەنشٸلەرٸڭ ورامالعا بٷركەنٸپ جاتىر شەتتەرٸنەن. جە, ٶز قالاۋى. بٸراق سو بٸرەۋلەر ميلليونداعان قىز-كەلٸنشەكتٸڭ ميىن ۋلايدى دا, سول حيدجابىن قايتا شەشٸپ تاستايتىنىنا جىنىم ۇستايدى!
نەمەنە مودا بولىپ كەتكەن بە مەككەگە بارۋ?!
سولارعا قويار سۇراعىم: سەندەر ٶزٸ سوڭعى رەت بۇل دٷنيەدەن ٶتكەن اتا-ەجەلەلەرٸڭنٸڭ, جاقىندارىڭنىڭ زيراتىنا قاشان باردىڭدار? ەرۋاق ريزا بولماي - تٸرٸ بايىمايدى.
وسىلاي كەتە بەرسەك, بٸر كٷنٸ اۋعان ەلٸنە اينالامىز با دەپ قورقامىن!
ا, ايتپاقشى, كەشە مۇحامەدجان تازابەكوۆ الماتىدا قىزىن ۇزاتىپ, ول تويدا بەكبولات تٸلەۋحاننان باستاپ بٷكٸل ەنشٸلەر, ىعايلار مەن سىعايلار بولىپتى عوي. "تويداعى ەيەلدەردٸڭ بەرٸ بٷركەنٸپ العان حيدجاپقا, قۇددى ساۋد ارابيياسى ەلٸندە جٷرگەندەي بولدىم" دەپ ايتىپ جاتىر بارعاندار. جەتٸسكەن ەكەنبٸز دەدٸم.
قىزىق دەيمٸن دە. بۇل كٸسٸلەر تٷركييادا ٶمٸر سٷرەدٸ, تويلارىن ەلدە جاسايدى..." - دەپ جازدى ول Facebook پاراقشاسىندا.
