شەتەلگە كەتۋ – ەربٸر ازاماتتىڭ جەكە شارۋاسى, بٸراق ەلدەن كەتٸپ, رەسەيدٸڭ ۋكرايناداعى ەرەكەتٸن سىناۋ ساتقىندىق. رەسەيدٸڭ مەملەكەتتٸك ريا "نوۆوستي" اگەنتتٸگٸنە بەرگەن سۇحباتىندا رەسەي قاۋٸپسٸزدٸك كەڭەسٸ تٶراعاسىنىڭ ورىنباسارى دميتريي مەدۆەدەۆ وسىلاي دەپ مەلٸمدەدٸ.
"ەلدەن جەي كەتكەندەر مەن بيلٸكتٸڭ شەشٸمٸنە بەلسەنە قارسى شىعىپ, قارسى تاراپقا ٶتٸپ كەتكەندەر اراسىندا ٷلكەن ايىرماشىلىق بار" دەدٸ مەدۆەدەۆ. ول - بەيبٸت كٷندەرٸ بيلٸكتٸ سىناۋ قالىپتى جاعداي, ال سوعىس نەمەسە ارنايى وپەراتسييا كەزٸندە كرەملگە سىن ايتىپ, رەسەيگە "جەڭٸلٸس تٸلەۋدٸ" ساتقىندىق دەپ اتاۋعا كەلەدٸ دەپ سانايدى.
رەسەي ەسكەرٸ پرەزيدەنت ۆلاديمير پۋتيننٸڭ بۇيرىعىمەن 24 اقپاندا ۋكراينا اۋماعىنا كٸرگەن.
4 ناۋرىزدا پۋتين رەسەي ارميياسىنىڭ ەسكەرٸ تۋرالى جالعان اقپارات تاراتىپ, ەسكەردٸڭ بەدەلٸنە نۇقسان كەلتٸرگەندەردٸ قىلمىستىق جاۋاپكەرشٸلٸككە تارتۋ تۋرالى جارلىققا قول قويدى. مۇنداي ەرەكەتكە بارعاندارعا 15 جىلعا دەيٸن تٷرمە جازاسى قاراستىرىلعان.
22 ناۋرىزدا مەملەكەتتٸك دۋما رەسەي بيلٸگٸنٸڭ جۇمىسى جايلى جالعان اقپارات تاراتقاندارعا جازانى كٷشەيتۋ تۋرالى تٷزەتۋلەردٸ ماقۇلدادى. وعان سەيكەس, 5 ملن رۋبل نەمەسە ون جىلعا دەيٸن تٷرمە جازاسى قاراستىرىلعان.
وسىعان دەيٸن رەسەي پرەزيدەنتٸ ۆلاديمير پۋتين باتىستىڭ ٶمٸر سالتىنا ۇمتىلاتىن ادامداردى "ساتقىندار" دەپ اتاعان. ونىڭ سٶزٸنە قاراعاندا, باتىس ەلدەرٸ سونداي ادامدارعا قولداۋ كٶرسەتۋگە تىرىسادى.
