مەديتسينالىق وقۋ ورىندارىنداعى ستيپەندييانى كٶبەيتۋ قاجەت. بۇل تۋرالى ۇلتتىق قوعامدىق سەنٸم كەڭەسٸنٸڭ 5-وتىرىسىندا قر پرەزيدەنتٸ قاسىم-جومارت توقاەۆ ايتتى, دەپ حابارلايدى «ۇلت اقپارات».
«بۇعان دەيٸن بٸز پەداگوگيكالىق جوعارى وقۋ ورىندارىندا وقيتىن ستۋدەنتتەردٸڭ ستيپەنديياسىن كٶتەرۋ تۋرالى شەشٸم قابىلدادىق. بۇل قادام ٶز جەمٸسٸن بەردٸ. سوندىقتان مەديتسينالىق وقۋ ورىندارىنداعى ستيپەندييانى كٶبەيتۋ قاجەت», - دەدٸ مەملەكەت باسشىسى.
ەسكە سالساق, پرەزيدەنتتٸڭ قاتىسۋىمەن ۇلتتىق قوعامدىق سەنٸم كەڭەسٸنٸڭ وتىرىسى ٶتٸپ جاتىر. ۇلتتىق قوعامدىق سەنٸم كەڭەسٸ قۇرامىندا روتاتسييا جاسالدى. جاڭارتىلعان مەجٸلٸس قۇرامىندا ۇلتتىق كەڭەستٸڭ 9 مٷشەسٸ بار.
ٶتكەن جىلى 22 قازاندا قر پرەزيدەنتٸ قاسىم-جومارت توقاەۆتىڭ قاتىسۋىمەن ۇلتتىق قوعامدىق سەنٸم كەڭەسٸنٸڭ تٶرتٸنشٸ وتىرىسى, ال 2019 جىلى 6 قىركٷيەكتە سەنٸم كەڭەسٸنٸڭ العاشقى وتىرىسى ٶتتٸ.
